Read in తెలుగు / ಕನ್ನಡ / தமிழ் / देवनागरी / English (IAST)
śvētapadmāsanārūḍhāṁ śuddhasphaṭikasannibhām |
vandē vāgdēvatāṁ dhyātvā dēvīṁ tripurasundarīm || 1 ||
śailādhirājatanayāṁ śaṅkarapriyavallabhām |
taruṇēndunibhāṁ vandē dēvīṁ tripurasundarīm || 2 ||
sarvabhūtamanōramyāṁ sarvabhūtēṣu saṁsthitām |
sarvasampatkarīṁ vandē dēvīṁ tripurasundarīm || 3 ||
padmālayāṁ padmahastāṁ padmasambhavasēvitām |
padmarāganibhāṁ vandē dēvīṁ tripurasundarīm || 4 ||
pañcabāṇadhanurbāṇapāśāṅkuśadharāṁ śubhām |
pañcabrahmamayīṁ vandē dēvīṁ tripurasundarīm || 5 ||
ṣaṭpuṇḍarīkanilayāṁ ṣaḍānanasutāmimām |
ṣaṭkōṇāntaḥsthitāṁ vandē dēvīṁ tripurasundarīm || 6 ||
harārdhabhāganilayāmambāmadrisutāṁ mr̥ḍām |
haripriyānujāṁ vandē dēvīṁ tripurasundarīm || 7 ||
aṣṭaiśvaryapradāmambāmaṣṭadikpālasēvitām |
aṣṭamūrtimayīṁ vandē dēvīṁ tripurasundarīm || 8 ||
navamāṇikyamakuṭāṁ navanāthasupūjitām |
navayauvanaśōbhāḍhyāṁ vandē tripurasundarīm || 9 ||
kāñcīvāsamanōramyāṁ kāñcīdāmavibhūṣitām |
kāñcīpurīśvarīṁ vandē dēvīṁ tripurasundarīm || 10 ||
iti śrī tripurasundarī stōtram |
See more daśamahāvidyā stōtrāṇi for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
