Sri Suktam – śrīsūktam

hiráṇyavarṇā̲ṁ haríṇīṁ su̲varṇáraja̲tasrájām |
ca̲ndrāṁ hi̲raṇmáyīṁ la̲kṣmīṁ jātávēdō ma̲ āváha || 1 ||

tāṁ ma̲ āváha̲ jātávēdō la̲kṣmīmanápagā̲minī̀m |
yasyā̲ṁ hiráṇyaṁ vi̲ndēya̲ṁ gāmaśva̲ṁ purúṣāna̲ham || 2 ||

a̲śva̲pū̲rvāṁ ráthama̲dhyāṁ ha̲stinā́dapra̲bōdhínīm |
śriyáṁ dē̲vīmupáhvayē̲ śrīrmā́dē̲vīrjúṣatām || 3 ||

kā̲ṁ sṑsmi̲tāṁ hiráṇyaprā̲kārā́mā̲rdrāṁ jvalántīṁ tr̥̲ptāṁ ta̲rpayántīm |
pa̲dmē̲ sthi̲tāṁ pa̲dmavárṇā̲ṁ tāmi̲hōpáhvayē̲ śriyam || 4 ||

ca̲ndrāṁ prábhā̲sāṁ ya̲śasā̲ jvalántī̲ṁ śriyáṁ lō̲kē dē̲vajúṣṭāmudā̲rām |
tāṁ pa̲dminī́mī̲ṁ śaráṇama̲haṁ prapádyē:’la̲kṣmīrmḗ naśyatā̲ṁ tvāṁ vŕ̥ṇē || 5 ||

ā̲di̲tyavárṇē̲ tapa̲sō:’dhíjā̲tō vana̲spati̲stavá vr̥̲kṣō:’tha bi̲lvaḥ |
tasya̲ phalā́ni̲ tapa̲sā núdantu mā̲yāntárā̲yāścá bā̲hyā ála̲kṣmīḥ || 6 ||

upaítu̲ māṁ dḗvasa̲khaḥ kī̲rtiśca̲ maṇínā sa̲ha |
prā̲du̲rbhū̲tō:’smí rāṣṭrē̲:’smin kī̲rtimŕ̥ddhiṁ da̲dātú mē || 7 ||

kṣutpípā̲sāmálāṁ jyē̲ṣṭhāmála̲kṣmīṁ nā́śayā̲myaham |
abhū́ti̲masámr̥ddhi̲ṁ ca sarvā̲ṁ nirṇúda mē̲ gr̥hā́t || 8 ||

ga̲ṁdha̲dvā̲rāṁ dúrādha̲rṣā̲ṁ ni̲tyapúṣṭāṁ karī̲ṣiṇī̀m |
ī̲śvarī́gṁ sarvábhūtā̲nā̲ṁ tāmi̲hōpáhvayē̲ śriyam || 9 ||

manása̲ḥ kāma̲mākū́tiṁ vā̲caḥ sa̲tyamáśīmahi |
pa̲śū̲nāṁ rū̲pamannásya̲ mayi̲ śrīḥ śráyatā̲ṁ yaśáḥ || 10 ||

ka̲rdamḗna prájābhū̲tā̲ ma̲yi̲ saṁbháva ka̲rdama |
śriyáṁ vā̲sayá mē ku̲lē mā̲taráṁ padma̲mālínīm || 11 ||

āpáḥ sr̥̲jantú sni̲gdhā̲ni̲ ci̲klī̲ta vása mē̲ gr̥hē |
ni cá dē̲vīṁ mā̲tara̲ṁ śriyáṁ vā̲sayá mē ku̲lē || 12 ||

ā̲rdrāṁ pu̲ṣkaríṇīṁ pu̲ṣṭi̲ṁ pi̲ṅga̲lāṁ pádmamā̲linīm|
ca̲ndrāṁ hi̲raṇmáyīṁ la̲kṣmīṁ jātávēdō ma̲ āváha || 13 ||

ā̲rdrāṁ ya̲ḥ karíṇīṁ ya̲ṣṭi̲ṁ su̲va̲rṇāṁ hḗmamā̲linīm |
sū̲ryāṁ hi̲raṇmáyīṁ la̲kṣmī̲ṁ jātávēdō ma̲ āvaha || 14 ||

tāṁ ma̲ āváha̲ jātávēdō la̲kṣmīmanápagā̲minī̀m |
yasyā̲ṁ híraṇya̲ṁ prabhū́ta̲ṁ gāvṓ dā̲syō:’śvā̀nvi̲ndēya̲ṁ purúṣāna̲ham || 15 ||

—-

yaḥ śuci̲ḥ prayátō bhū̲tvā ju̲huyā́dājya̲ manváham |
śriyáḥ pa̲ñcadáśarca̲ṁ ca śrī̲kāmáḥ sata̲taṁ jápēt ||

ānánda̲ḥ kardámaścaiva ci̲klītá iti̲ viśrútāḥ |
r̥ṣáya̲ḥ tē trayaḥ putrāḥ svayaṁ śrīdēvi dēvatā ||

pa̲dmā̲sa̲nē pádma ū̲rū̲ pa̲dmākṣī́ padma̲saṁbhávē |
tvaṁ mā̀ṁ bha̲jasvá pa̲dmā̲kṣī̲ yē̲na saúkhyaṁ la̲bhāmyáham ||

aśvádā̲yī gṓdā̲yī̲ dha̲nadā́yī ma̲hādhánē |
dhanaṁ mē̲ juṣátāṁ dē̲vi̲ sa̲rvakā́mārtha siddhayē ||

putrapau̲tra dhánaṁ dhā̲nyaṁ ha̲styaśvā́diga̲vē rátham |
pra̲jā̲nāṁ bhávasi mā̲tā ā̲yuṣmántaṁ ka̲rōtú mām ||

ca̲ṁdrābhāṁ lakṣmīmī́śā̲nāṁ su̲ryābhā̀ṁ śriyamīśvarīm |
caṁdra sū̲ryāgni sarvābhāṁ śrīmahālakṣmī́mupāsmahē ||

dhanáma̲gnirdhánaṁ vā̲yurdhána̲ṁ sūryṓ dhana̲ṁ vasúḥ |
dhana̲mindrō̲ br̥ha̲spati̲rvarúṇa̲ṁ dhana̲maśnú tē ||

vainátēya̲ sōmáṁ piba̲ sōmáṁ pibatu vr̥tra̲hā |
sōma̲ṁ dhanásya sō̲minō̲ mahya̲ṁ dadā́tu sō̲mináḥ ||

na krōdhō na cá mātsa̲ryaṁ na̲ lōbhṓ nāśu̲bhā mátiḥ |
bhavánti̲ kr̥tápuṇyā̲nāṁ bha̲ktānāṁ śrīsū̀ktaṁ ja̲pētsádā ||

varṣaǹtu̲ tē víbhāva̲ri̲ di̲vō ábhrasya̲ vidyútaḥ |
rōhaǹtu̲ sarvábī̲jā̲nya̲va bráhma dvi̲ṣṑ jáhi ||

padmápriyē padmini padma̲hastē padmā́layē padmadaḷāyátākṣi |
viśvápriyē̲ viṣṇu manṓ:’nukū̲lē tvatpā́dapa̲dmaṁ mayi̲ sannídhatsva ||

yā sā padmā́sana̲sthā vipulakaṭitaṭī padma̲patrā́yatā̲kṣī |
gaṁbhīrā vártanā̲bhiḥ stanabhara namitā śubhra vastrṓttarī̲yā |
lakṣmīrdi̲vyairgajēndrairma̲ṇigaṇa khacitaissnāpitā hḗmaku̲ṁbhaiḥ |
ni̲tyaṁ sā pádmaha̲stā mama vasátu gr̥̲hē sarva̲māṅgaḷyáyuktā ||

la̲kṣmīṁ kṣīrasamudrarājatanayāṁ śrī̲raṁgadhāmḗśvarīm |
dā̲sībhūtasamasta dēva va̲nitāṁ lō̲kaika̲ dīpā́ṁkurām |
śrīmanmandakaṭākṣalabdha vibhava bra̲hmēndragaṅgā́dharāṁ |
tvāṁ trai̲lōkya̲ kuṭúṁbinīṁ sa̲rasijāṁ va̲ndē mukúndapriyām ||

si̲ddha̲la̲kṣmīrmṓkṣala̲kṣmī̲rja̲yalákṣmīssa̲rasvátī |
śrīlakṣmīrvárala̲kṣmī̲śca̲ pra̲sannā̲ máma sa̲rvadā ||

varāṁkuśau pāśamabhī́timu̲drā̲ṁ ka̲raírvahantīṁ kámalā̲sanasthām |
bālārka kōṭi pratíbhāṁ tri̲ṇē̲trā̲ṁ bha̲jēhamādyāṁ jágadī̲śvarīṁ tām ||

sa̲rva̲ma̲ṅga̲ḷamā̲ṅgaḷyḗ śi̲vē sa̲rvārthá sādhikē |
śaráṇyē tryaṁbákē dē̲vi̲ nā̲rāyáṇi na̲mō:’stú tē ||

ōṁ ma̲hā̲dē̲vyai cá vi̲dmahḗ viṣṇupa̲tnī cá dhīmahi |
tannṓ lakṣmīḥ pracō̲dayā̀t ||

ōṁ śānti̲ḥ śānti̲ḥ śāntíḥ ||

Facebook Comments

You may also like...

Leave a Reply

Your email address will not be published. Required fields are marked *

error: Not allowed
%d bloggers like this: