Sri Suktam – ஶ்ரீ ஸூக்தம்

ஹிர॑ண்யவர்ணாம்॒ ஹரி॑ணீம் ஸு॒வர்ண॑ரஜ॒தஸ்ர॑ஜாம் ।
ச॒ந்த்³ராம் ஹி॒ரண்ம॑யீம் ல॒க்ஷ்மீம் ஜாத॑வேதோ³ ம॒ ஆவ॑ஹ ॥ 1 ॥

தாம் ம॒ ஆவ॑ஹ॒ ஜாத॑வேதோ³ ல॒க்ஷ்மீமந॑பகா³॒மிநீ᳚ம் ।
யஸ்யாம்॒ ஹிர॑ண்யம் வி॒ந்தே³யம்॒ கா³மஶ்வம்॒ புரு॑ஷாந॒ஹம் ॥ 2 ॥

அ॒ஶ்வ॒பூ॒ர்வாம் ர॑த²ம॒த்⁴யாம் ஹ॒ஸ்திநா॑த³ப்ர॒போ³தி⁴॑நீம் ।
ஶ்ரியம்॑ தே³॒வீமுப॑ஹ்வயே॒ ஶ்ரீர்மா॑தே³॒வீர்ஜு॑ஷதாம் ॥ 3 ॥

காம்॒ ஸோ᳚ஸ்மி॒தாம் ஹிர॑ண்யப்ரா॒காரா॑மா॒ர்த்³ராம் ஜ்வல॑ந்தீம் த்ரு॒ப்தாம் த॒ர்பய॑ந்தீம் ।
ப॒த்³மே॒ ஸ்தி²॒தாம் ப॒த்³மவ॑ர்ணாம்॒ தாமி॒ஹோப॑ஹ்வயே॒ ஶ்ரியம் ॥ 4 ॥

ச॒ந்த்³ராம் ப்ர॑பா⁴॒ஸாம் ய॒ஶஸா॒ ஜ்வல॑ந்தீம்॒ ஶ்ரியம்॑ லோ॒கே தே³॒வஜு॑ஷ்டாமுதா³॒ராம் ।
தாம் ப॒த்³மிநீ॑மீம்॒ ஶர॑ணம॒ஹம் ப்ரப॑த்³யே(அ)ல॒க்ஷ்மீர்மே॑ நஶ்யதாம்॒ த்வாம் வ்ரு॑ணே ॥ 5 ॥

ஆ॒தி³॒த்யவ॑ர்ணே॒ தப॒ஸோ(அ)தி⁴॑ஜா॒தோ வந॒ஸ்பதி॒ஸ்தவ॑ வ்ரு॒க்ஷோ(அ)த² பி³॒ல்வ꞉ ।
தஸ்ய॒ ப²லா॑நி॒ தப॒ஸா நு॑த³ந்து மா॒யாந்த॑ரா॒யாஶ்ச॑ பா³॒ஹ்யா அ॑ல॒க்ஷ்மீ꞉ ॥ 6 ॥

உபை॑து॒ மாம் தே³॑வஸ॒க²꞉ கீ॒ர்திஶ்ச॒ மணி॑நா ஸ॒ஹ ।
ப்ரா॒து³॒ர்பூ⁴॒தோ(அ)ஸ்மி॑ ராஷ்ட்ரே॒(அ)ஸ்மிந் கீ॒ர்திம்ரு॑த்³தி⁴ம் த³॒தா³து॑ மே ॥ 7 ॥

க்ஷுத்பி॑பா॒ஸாம॑லாம் ஜ்யே॒ஷ்டா²ம॑ல॒க்ஷ்மீம் நா॑ஶயா॒ம்யஹம் ।
அபூ⁴॑தி॒மஸ॑ம்ருத்³தி⁴ம்॒ ச ஸர்வாம்॒ நிர்ணு॑த³ மே॒ க்³ருஹா॑த் ॥ 8 ॥

க³॒ந்த⁴॒த்³வா॒ராம் து³॑ராத⁴॒ர்ஷாம்॒ நி॒த்யபு॑ஷ்டாம் கரீ॒ஷிணீ᳚ம் ।
ஈ॒ஶ்வரீ॑க்³ம் ஸர்வ॑பூ⁴தா॒நாம்॒ தாமி॒ஹோப॑ஹ்வயே॒ ஶ்ரியம் ॥ 9 ॥

மந॑ஸ॒: காம॒மாகூ॑திம் வா॒ச꞉ ஸ॒த்யம॑ஶீமஹி ।
ப॒ஶூ॒நாம் ரூ॒பமந்ந॑ஸ்ய॒ மயி॒ ஶ்ரீ꞉ ஶ்ர॑யதாம்॒ யஶ॑: ॥ 10 ॥

க॒ர்த³மே॑ந ப்ர॑ஜாபூ⁴॒தா॒ ம॒யி॒ ஸம்ப⁴॑வ க॒ர்த³ம ।
ஶ்ரியம்॑ வா॒ஸய॑ மே கு॒லே மா॒தரம்॑ பத்³ம॒மாலி॑நீம் ॥ 11 ॥

ஆப॑: ஸ்ரு॒ஜந்து॑ ஸ்நி॒க்³தா⁴॒நி॒ சி॒க்லீ॒த வ॑ஸ மே॒ க்³ருஹே ।
நி ச॑ தே³॒வீம் மா॒தரம்॒ ஶ்ரியம்॑ வா॒ஸய॑ மே கு॒லே ॥ 12 ॥

ஆ॒ர்த்³ராம் பு॒ஷ்கரி॑ணீம் பு॒ஷ்டிம்॒ பி॒ங்க³॒லாம் ப॑த்³மமா॒லிநீம்।
ச॒ந்த்³ராம் ஹி॒ரண்ம॑யீம் ல॒க்ஷ்மீம் ஜாத॑வேதோ³ ம॒ ஆவ॑ஹ ॥ 13 ॥

ஆ॒ர்த்³ராம் ய॒: கரி॑ணீம் ய॒ஷ்டிம்॒ ஸு॒வ॒ர்ணாம் ஹே॑மமா॒லிநீம் ।
ஸூ॒ர்யாம் ஹி॒ரண்ம॑யீம் ல॒க்ஷ்மீம்॒ ஜாத॑வேதோ³ ம॒ ஆவஹ ॥ 14 ॥

தாம் ம॒ ஆவ॑ஹ॒ ஜாத॑வேதோ³ ல॒க்ஷ்மீமந॑பகா³॒மிநீ᳚ம் ।
யஸ்யாம்॒ ஹி॑ரண்யம்॒ ப்ரபூ⁴॑தம்॒ கா³வோ॑ தா³॒ஸ்யோ(அ)ஶ்வா᳚ந்வி॒ந்தே³யம்॒ புரு॑ஷாந॒ஹம் ॥ 15 ॥

—-

ய꞉ ஶுசி॒: ப்ரய॑தோ பூ⁴॒த்வா ஜு॒ஹுயா॑தா³ஜ்ய॒ மந்வ॑ஹம் ।
ஶ்ரிய॑: ப॒ஞ்சத³॑ஶர்சம்॒ ச ஶ்ரீ॒காம॑: ஸத॒தம் ஜ॑பேத் ॥

ஆந॑ந்த³॒: கர்த³॑மஶ்சைவ சி॒க்லீத॑ இதி॒ விஶ்ரு॑தா꞉ ।
ருஷ॑ய॒: தே த்ரய꞉ புத்ரா꞉ ஸ்வயம் ஶ்ரீதே³வி தே³வதா ॥

ப॒த்³மா॒ஸ॒நே ப॑த்³ம ஊ॒ரூ॒ ப॒த்³மாக்ஷீ॑ பத்³ம॒ஸம்ப⁴॑வே ।
த்வம் மாம்᳚ ப⁴॒ஜஸ்வ॑ ப॒த்³மா॒க்ஷீ॒ யே॒ந ஸௌ॑க்²யம் ல॒பா⁴ம்ய॑ஹம் ॥

அஶ்வ॑தா³॒யீ கோ³॑தா³॒யீ॒ த⁴॒நதா³॑யீ ம॒ஹாத⁴॑நே ।
த⁴நம் மே॒ ஜுஷ॑தாம் தே³॒வி॒ ஸ॒ர்வகா॑மார்த² ஸித்³த⁴யே ॥

புத்ரபௌ॒த்ர த⁴॑நம் தா⁴॒ந்யம் ஹ॒ஸ்த்யஶ்வா॑தி³க³॒வே ர॑த²ம் ।
ப்ர॒ஜா॒நாம் ப⁴॑வஸி மா॒தா ஆ॒யுஷ்ம॑ந்தம் க॒ரோது॑ மாம் ॥

ச॒ந்த்³ராபா⁴ம் லக்ஷ்மீமீ॑ஶா॒நாம் ஸு॒ர்யாபா⁴ம்᳚ ஶ்ரியமீஶ்வரீம் ।
சந்த்³ர ஸூ॒ர்யாக்³நி ஸர்வாபா⁴ம் ஶ்ரீமஹாலக்ஷ்மீ॑முபாஸ்மஹே ॥

த⁴ந॑ம॒க்³நிர்த⁴॑நம் வா॒யுர்த⁴॑நம்॒ ஸூர்யோ॑ த⁴நம்॒ வஸு॑: ।
த⁴ந॒மிந்த்³ரோ॒ ப்³ருஹ॒ஸ்பதி॒ர்வரு॑ணம்॒ த⁴ந॒மஶ்நு॑ தே ॥

வைந॑தேய॒ ஸோமம்॑ பிப³॒ ஸோமம்॑ பிப³து வ்ருத்ர॒ஹா ।
ஸோமம்॒ த⁴ந॑ஸ்ய ஸோ॒மிநோ॒ மஹ்யம்॒ த³தா³॑து ஸோ॒மிந॑: ॥

ந க்ரோதோ⁴ ந ச॑ மாத்ஸ॒ர்யம் ந॒ லோபோ⁴॑ நாஶு॒பா⁴ ம॑தி꞉ ।
ப⁴வ॑ந்தி॒ க்ருத॑புண்யா॒நாம் ப⁴॒க்தாநாம் ஶ்ரீஸூ᳚க்தம் ஜ॒பேத்ஸ॑தா³ ॥

வர்ஷந்᳚து॒ தே வி॑பா⁴வ॒ரி॒ தி³॒வோ அ॑ப்⁴ரஸ்ய॒ வித்³யு॑த꞉ ।
ரோஹந்᳚து॒ ஸர்வ॑பீ³॒ஜா॒ந்ய॒வ ப்³ர॑ஹ்ம த்³வி॒ஷோ᳚ ஜ॑ஹி ॥

பத்³ம॑ப்ரியே பத்³மிநி பத்³ம॒ஹஸ்தே பத்³மா॑லயே பத்³மத³ளாய॑தாக்ஷி ।
விஶ்வ॑ப்ரியே॒ விஷ்ணு மநோ॑(அ)நுகூ॒லே த்வத்பா॑த³ப॒த்³மம் மயி॒ ஸந்நி॑த⁴த்ஸ்வ ॥

யா ஸா பத்³மா॑ஸந॒ஸ்தா² விபுலகடிதடீ பத்³ம॒பத்ரா॑யதா॒க்ஷீ ।
க³ம்பீ⁴ரா வ॑ர்தநா॒பி⁴꞉ ஸ்தநப⁴ர நமிதா ஶுப்⁴ர வஸ்த்ரோ॑த்தரீ॒யா ।
லக்ஷ்மீர்தி³॒வ்யைர்க³ஜேந்த்³ரைர்ம॒ணிக³ண க²சிதைஸ்ஸ்நாபிதா ஹே॑மகு॒ம்பை⁴꞉ ।
நி॒த்யம் ஸா ப॑த்³மஹ॒ஸ்தா மம வஸ॑து க்³ரு॒ஹே ஸர்வ॒மாங்க³ல்ய॑யுக்தா ॥

ல॒க்ஷ்மீம் க்ஷீரஸமுத்³ரராஜதநயாம் ஶ்ரீ॒ரங்க³தா⁴மே॑ஶ்வரீம் ।
தா³॒ஸீபூ⁴தஸமஸ்த தே³வ வ॒நிதாம் லோ॒கைக॒ தீ³பா॑ங்குராம் ।
ஶ்ரீமந்மந்த³கடாக்ஷலப்³த⁴ விப⁴வ ப்³ர॒ஹ்மேந்த்³ரக³ங்கா³॑த⁴ராம் ।
த்வாம் த்ரை॒லோக்ய॒ குடு॑ம்பி³நீம் ஸ॒ரஸிஜாம் வ॒ந்தே³ முகு॑ந்த³ப்ரியாம் ॥

ஸி॒த்³த⁴॒ல॒க்ஷ்மீர்மோ॑க்ஷல॒க்ஷ்மீ॒ர்ஜ॒யல॑க்ஷ்மீஸ்ஸ॒ரஸ்வ॑தீ ।
ஶ்ரீலக்ஷ்மீர்வ॑ரள॒க்ஷ்மீ॒ஶ்ச॒ ப்ர॒ஸந்நா॒ ம॑ம ஸ॒ர்வதா³ ॥

வராங்குஶௌ பாஶமபீ⁴॑திமு॒த்³ராம்॒ க॒ரை॑ர்வஹந்தீம் க॑மலா॒ஸநஸ்தா²ம் ।
பா³லார்க கோடி ப்ரதி॑பா⁴ம் த்ரி॒ணே॒த்ராம்॒ ப⁴॒ஜேஹமாத்³யாம் ஜ॑க³தீ³॒ஶ்வரீம் தாம் ॥

ஸ॒ர்வ॒ம॒ங்க³॒லமா॒ங்க³ல்யே॑ ஶி॒வே ஸ॒ர்வார்த²॑ ஸாதி⁴கே ।
ஶர॑ண்யே த்ர்யம்ப³॑கே தே³॒வி॒ நா॒ராய॑ணி ந॒மோ(அ)ஸ்து॑ தே ॥

ஓம் ம॒ஹா॒தே³॒வ்யை ச॑ வி॒த்³மஹே॑ விஷ்ணுப॒த்நீ ச॑ தீ⁴மஹி ।
தந்நோ॑ லக்ஷ்மீ꞉ ப்ரசோ॒த³யா᳚த் ॥

ஓம் ஶாந்தி॒: ஶாந்தி॒: ஶாந்தி॑: ॥

Facebook Comments

You may also like...

மறுமொழி இடவும்

உங்கள் மின்னஞ்சல் வெளியிடப்பட மாட்டாது

error: Not allowed
%d bloggers like this: