Sri Shodashi Ashtottara Shatanama Stotram – śrī ṣōḍaśī aṣṭōttaraśatanāma stōtram


bhr̥guruvāca |
caturvaktra jagannātha stōtraṁ vada mayi prabhō |
yasyānuṣṭhānamātrēṇa narō bhaktimavāpnuyāt || 1 ||

brahmōvāca |
sahasranāmnāmākr̥ṣya nāmnāmaṣṭōttaraṁ śatam |
guhyādguhyataraṁ guhyaṁ sundaryāḥ parikīrtitam || 2 ||

asya śrīṣōḍaśyaṣṭōttaraśatanāmastōtrasya śambhurr̥ṣiḥ anuṣṭup chandaḥ śrīṣōḍaśī dēvatā dharmārthakāmamōkṣasiddhyarthē japē viniyōgaḥ |

tripurā ṣōḍaśī mātā tryakṣarā tritayā trayī |
sundarī sumukhī sēvyā sāmavēdaparāyaṇā || 3 ||

śāradā śabdanilayā sāgarā saridambarā |
śuddhā śuddhatanuḥ sādhvī śivadhyānaparāyaṇā || 4 ||

svāminī śambhuvanitā śāmbhavī ca sarasvatī |
samudramathinī śīghragāminī śīghrasiddhidā || 5 ||

sādhusēvyā sādhugamyā sādhusantuṣṭamānasā |
khaṭvāṅgadhāriṇī kharvā khaḍgakharparadhāriṇī || 6 ||

ṣaḍvargabhāvarahitā ṣaḍvargaparicārikā |
ṣaḍvargā ca ṣaḍaṅgā ca ṣōḍhā ṣōḍaśavārṣikī || 7 ||

kraturūpā kratumatī r̥bhukṣakratumaṇḍitā |
kavargādipavargāntā antasthā:’nantarūpiṇī || 8 ||

akārākārarahitā kālamr̥tyujarāpahā |
tanvī tattvēśvarī tārā trivarṣā jñānarūpiṇī || 9 ||

kālī karālī kāmēśī chāyā sañjñāpyarundhatī |
nirvikalpā mahāvēgā mahōtsāhā mahōdarī || 10 ||

mēghā balākā vimalā vimalajñānadāyinī |
gaurī vasundharā gōptrī gavāṁ patiniṣēvitā || 11 ||

bhagāṅgā bhagarūpā ca bhaktibhāvaparāyaṇā |
chinnamastā mahādhūmā tathā dhūmravibhūṣaṇā || 12 ||

dharmakarmādirahitā dharmakarmaparāyaṇā |
sītā mātaṅginī mēdhā madhudaityavināśinī || 13 ||

bhairavī bhuvanā mātā:’bhayadā bhavasundarī |
bhāvukā bagalā kr̥tyā bālā tripurasundarī || 14 ||

rōhiṇī rēvatī ramyā rambhā rāvaṇavanditā |
śatayajñamayī sattvā śatakratuvarapradā || 15 ||

śatacandrānanā dēvī sahasrādityasannibhā |
sōmasūryāgninayanā vyāghracarmāmbarāvr̥tā || 16 ||

ardhēndudhāriṇī mattā madirā madirēkṣaṇā |
iti tē kathitaṁ gōpyaṁ nāmnāmaṣṭōttaraṁ śatam || 17 ||

sundaryāḥ sarvadaṁ sēvyaṁ mahāpātakanāśanam |
gōpanīyaṁ gōpanīyaṁ gōpanīyaṁ kalau yugē || 18 ||

sahasranāmapāṭhasya phalaṁ yadvai prakīrtitam |
tasmātkōṭiguṇaṁ puṇyaṁ stavasyāsya prakīrtanāt || 19 ||

paṭhētsadā bhaktiyutō narō yō
niśīthakālē:’pyaruṇōdayē vā |
pradōṣakālē navamīdinē:’thavā
labhēta bhōgānparamādbhutānpriyān || 20 ||

iti brahmayāmalē pūrvakhaṇḍē ṣōḍaśyaṣṭōttaraśatanāma stōtram |


See more daśamahāvidyā stōtrāṇi for chanting.


గమనిక : "శ్రీ దత్తాత్రేయ స్తోత్రనిధి" పుస్తకము ముద్రణ చేయబోతున్నాము.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

Leave a Reply

Your email address will not be published.

error: Not allowed