Read in తెలుగు / ಕನ್ನಡ / தமிழ் / देवनागरी / English (IAST)
pūrvapīṭhikā ||
vāsudēva uvāca |
tataḥ sa prayatō bhūtvā mama tāta yudhiṣṭhira |
prāñjaliḥ prāha viprarṣirnāmasaṅgrahamāditaḥ || 1 ||
upamanyuruvāca |
brahmaprōktairr̥ṣiprōktairvēdavēdāṅgasambhavaiḥ |
sarvalōkēṣu vikhyātaṁ stutyaṁ stōṣyāmi nāmabhiḥ || 2 ||
mahadbhirvihitaiḥ satyaiḥ siddhaiḥ sarvārthasādhakaiḥ |
r̥ṣiṇā taṇḍinā bhaktyā kr̥tairvēdakr̥tātmanā || 3 ||
yathōktaiḥ sādhubhiḥ khyātairmunibhistattvadarśibhiḥ |
pravaraṁ prathamaṁ svargyaṁ sarvabhūtahitaṁ śubham || 4 ||
śrutaiḥ sarvatra jagati brahmalōkāvatāritaiḥ |
satyaistatparamaṁ brahma brahmaprōktaṁ sanātanam || 5 ||
vakṣyē yadukulaśrēṣṭha śr̥ṇuṣvāvahitō mama |
varayainaṁ bhavaṁ dēvaṁ bhaktastvaṁ paramēśvaram || 6 ||
tēna tē śrāvayiṣyāmi yattadbrahma sanātanam |
na śakyaṁ vistarātkr̥tsnaṁ vaktuṁ sarvasya kēnacit || 7 ||
yuktēnāpi vibhūtīnāmapi varṣaśatairapi |
yasyādirmadhyamantaṁ ca surairapi na gamyatē || 8 ||
kastasya śaknuyādvaktuṁ guṇān kārtsnyēna mādhava |
kiṁ tu dēvasya mahataḥ saṅkṣiptārthapadākṣaram || 9 ||
śaktitaścaritaṁ vakṣyē prasādāttasya dhīmataḥ |
aprāpya tu tatō:’nujñāṁ na śakyaḥ stōtumīśvaraḥ || 10 ||
yadā tēnābhyanujñātaḥ stutō vai sa tadā mayā |
anādinidhanasyāhaṁ jagadyōnērmahātmanaḥ || 11 ||
nāmnāṁ kiñcitsamuddēśaṁ vakṣyāmyavyaktayōninaḥ |
varadasya varēṇyasya viśvarūpasya dhīmataḥ || 12 ||
śr̥ṇu nāmnāṁ ca yaṁ kr̥ṣṇa yaduktaṁ padmayōninā |
daśanāmasahasrāṇi yānyāha prapitāmahaḥ || 13 ||
tāni nirmathya manasā dadhnō ghr̥tamivōddhr̥tam |
girēḥ sāraṁ yathā hēma puṣpasāraṁ yathā madhu || 14 ||
ghr̥tātsāraṁ yathā maṇḍastathaitatsāramuddhr̥tam |
sarvapāpāpahamidaṁ caturvēdasamanvitam || 15 ||
prayatnēnādhigantavyaṁ dhāryaṁ ca prayatātmanā |
māṅgalyaṁ pauṣṭikaṁ caiva rakṣōghnaṁ pāvanaṁ mahat || 16 ||
idaṁ bhaktāya dātavyaṁ śraddadhānāstikāya ca |
nāśraddadhānarūpāya nāstikāyājitātmanē || 17 ||
yaścābhyasūyatē dēvaṁ kāraṇātmānamīśvaram |
sa kr̥ṣṇa narakaṁ yāti saha pūrvaiḥ sahātmajaiḥ || 18 ||
idaṁ dhyānamidaṁ yōgamidaṁ dhyēyamanuttamam |
idaṁ japyamidaṁ jñānaṁ rahasyamidamuttamam || 19 ||
yaṁ jñātvā antakālēpi gacchēta paramāṁ gatim |
pavitraṁ maṅgalaṁ mēdhyaṁ kalyāṇamidamuttamam || 20 ||
idaṁ brahmā purā kr̥tvā sarvalōkapitāmahaḥ |
sarva stavānāṁ rājatvē divyānāṁ samakalpayat || 21 ||
tadā prabhr̥ti caivāyamīśvarasya mahātmanaḥ |
stavarāja iti khyātō jagatyamarapūjitaḥ || 22 ||
brahmalōkādayaṁ svargē stavarājō:’vatāritaḥ |
yatastaṇḍiḥ purā prāpa tēna taṇḍikr̥tō:’bhavat || 23 ||
svargāccaivātra bhūrlōkaṁ taṇḍinā hyavatāritaḥ |
sarvamaṅgalamāṅgalyaṁ sarvapāpapraṇāśanam || 24 ||
nigadiṣyē mahābāhō stavānāmuttamaṁ stavam |
brahmaṇāmapi yadbrahma parāṇāmapi yatparam || 25 ||
tējasāmapi yattējastapasāmapi yattapaḥ |
śāntānāmapi yaḥ śāntō dyutīnāmapi yā dyutiḥ || 26 ||
dāntānāmapi yō dāntō dhīmatāmapi yā ca dhīḥ |
dēvānāmapi yō dēva r̥ṣīṇāmapi yastvr̥ṣiḥ || 27 ||
yajñānāmapi yō yajñaḥ śivānāmapi yaḥ śivaḥ |
rudrāṇāmapi yō rudraḥ prabhā prabhavatāmapi || 28 ||
yōgināmapi yō yōgī kāraṇānāṁ ca kāraṇam |
yatō lōkāḥ sambhavanti na bhavanti yataḥ punaḥ || 29 ||
sarvabhūtātmabhūtasya harasyāmitatējasaḥ |
aṣṭōttarasahasraṁ tu nāmnāṁ śarvasya mē śr̥ṇu |
yacchrutvā manujavyāghra sarvānkāmānavāpsyasi || 30 ||
śrī śiva sahasranāma stōtram >>
See more śrī śiva stotras for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
