Read in తెలుగు / ಕನ್ನಡ / தமிழ் / देवनागरी / English (IAST)
āśāvaśādaṣṭadigantarālē
dēśāntarabhrāntamaśāntabuddhim |
ākāramātrādavanīsuraṁ māṁ
akr̥tyakr̥tyaṁ śiva pāhi śambhō || 1 ||
māṁsāsthimajjāmalamūtrapātra-
-gātrābhimānōjjhitakr̥tyajālam |
madbhāvanaṁ manmathapīḍitāṅgaṁ
māyāmayaṁ māṁ śiva pāhi śambhō || 2 ||
saṁsāramāyājaladhipravāha-
-saṁmagnamudbhrāntamaśāntacittam |
tvatpādasēvāvimukhaṁ sakāmaṁ
sudurjanaṁ māṁ śiva pāhi śambhō || 3 ||
iṣṭānr̥taṁ bhraṣṭamaniṣṭadharmaṁ
naṣṭātmabōdhaṁ nayalēśahīnam |
kaṣṭāriṣaḍvarganipīḍitāṅgaṁ
duṣṭōttamaṁ māṁ śiva pāhi śambhō || 4 ||
vēdāgamābhyāsarasānabhijñaṁ
pādāravindaṁ tava nārcayantam |
vēdōktakarmāṇi vilōpayantaṁ
vēdākr̥tē māṁ śiva pāhi śambhō || 5 ||
anyāyavittārjanasaktacittaṁ
anyāsu nārīṣvanurāgavantam |
anyānnabhōktāramaśuddhadēhaṁ
ācārahīnaṁ śiva pāhi śambhō || 6 ||
purāttatāpatrayataptadēhaṁ
parāṁ gatiṁ gantumupāyavarjyam |
parāvamānaikaparātmabhāvaṁ
narādhamaṁ māṁ śiva pāhi śambhō || 7 ||
pitā yathā rakṣati putramīśa
jagatpitā tvaṁ jagataḥ sahāyaḥ |
kr̥tāparādhaṁ tava sarvakāryē
kr̥pānidhē māṁ śiva pāhi śambhō || 8 ||
iti śrīvr̥ddhanr̥siṁhabhāratī svāmī viracitaṁ śrī śivāṣṭakam |
See more śrī śiva stotras for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
