Sri Shanmukha Pancharatna Stuti – śrī ṣaṇmukha pañcaratna stutiḥ


sphuradvidyudvallīvalayitamagōtsaṅgavasatiṁ
bhavāppittapluṣṭānamitakaruṇājīvanavaśāt |
avantaṁ bhaktānāmudayakaramambhōdhara iti
pramōdādāvāsaṁ vyatanuta mayūrō:’sya savidhē || 1 ||

subrahmaṇyō yō bhavējjñānaśaktyā
siddhaṁ tasmindēvasēnāpatitvam |
itthaṁ śaktiṁ dēvasēnāpatitvaṁ
subrahmaṇyō bibhradēṣa vyanakti || 2 ||

pakṣō:’nirvacanīyō dakṣiṇa iti dhiyamaśēṣajanatāyāḥ |
janayati barhī dakṣiṇanirvacanāyōgyapakṣayuktō:’yam || 3 ||

yaḥ pakṣamanirvacanaṁ yāti samavalambya dr̥śyatē tēna |
brahma parātparamamalaṁ subrahmaṇyābhidhaṁ paraṁ jyōtiḥ || 4 ||

ṣaṇmukhaṁ hasanmukhaṁ sukhāmburāśikhēlanaṁ
sanmunīndrasēvyamānapādapaṅkajaṁ sadā |
manmathādiśatruvarganāśakaṁ kr̥pāmbudhiṁ
manmahē mudā hr̥di prapannakalpabhūruham || 5 ||

iti jagadguru śr̥ṅgērīpīṭhādhipa śrīcandraśēkharabhāratī śrīpādaiḥ viracitā śrīṣaṇmukhapañcaratnastutiḥ |


See more śrī subrahmaṇya stōtrāṇi for chanting.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed