Read in తెలుగు / ಕನ್ನಡ / தமிழ் / देवनागरी / English (IAST)
namāmi bhaktavatsalaṁ kr̥pālu śīlakōmalaṁ
bhajāmi tē padāmbujaṁ hyakāmināṁ svadhāmadam |
nikāmaśyāmasundaraṁ bhavāmbuvārdhimandaraṁ
praphullakañjalōcanaṁ madādidōṣamōcanam || 1 ||
pralambabāhuvikramaṁ prabhō:’pramēyavaibhavaṁ
niṣaṅgacāpasāyakaṁ dharaṁ trilōkanāyakam |
dinēśavaṁśamaṇḍanaṁ mahēśacāpakhaṇḍanaṁ
munīndracittarañjanaṁ surāribr̥ndabhañjanam || 2 ||
manōjavairivanditaṁ hyajādidēvasēvitaṁ
viśuddhabōdhavigrahaṁ samastadūṣaṇāpaham |
namāmi jānakīpatiṁ sukhākaraṁ satāṁ gatiṁ
bhajē saśaktisānujaṁ śacīpatipriyānujam || 3 ||
tvadaṅghrisīma yē narā bhajanti hīnamatsarāḥ
patanti nō bhavārṇavē vitarkavīcisaṅkulē |
viviktavāsinaḥ sadā bhajanti muktayē mudā
nirasya hīndriyādikaṁ prayānti tē gatiṁ svakam || 4 ||
tvamēkamadbhutaṁ prabhuṁ nirīhamīśvaraṁ vibhuṁ
jagadguruṁ ca śāśvataṁ turīyamēva kēvalam |
bhajāmi bhāvavallabhaṁ suyōgināṁ sudurlabhaṁ
svabhaktakalpapādapaṁ samastasēvyamanvaham || 5 ||
anūparūpabhūpatiṁ natō:’hamurvijāpatiṁ
prasīda mē namāmi tē padābjabhakti dēhi mē |
paṭhanti yē stavaṁ tvidaṁ sadādarēṇa tē padaṁ
vrajanti nātra saṁśayaṁ tvadīya bhaktisamyutāḥ || 6 ||
iti śrīrāmacandra stutiḥ |
గమనిక: "నవగ్రహ స్తోత్రనిధి" పుస్తకము తాయారుచేయుటకు ఆలోచన చేయుచున్నాము.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
