Sri Narasimha Ashtottara Shatanama stotram – śrī lakṣmīnr̥siṁha aṣṭōttaraśatanāma stōtram

stōtranidhi → śrī nr̥siṁha stōtrāṇi → śrī lakṣmīnr̥siṁha aṣṭōttaraśatanāma stōtram

nārasiṁhō mahāsiṁhō divyasiṁhō mahābalaḥ |
ugrasiṁhō mahādēvaḥ stambhajaścōgralōcanaḥ || 1 ||

raudraḥ sarvādbhutaḥ śrīmān yōgānandastrivikramaḥ |
hariḥ kōlāhalaścakrī vijayō jayavardhanaḥ || 2 ||

pañcānanaḥ parabrahma cā:’ghōrō ghōravikramaḥ |
jvalanmukhō jvālamālī mahājvālō mahāprabhuḥ || 3 ||

niṭilākṣaḥ sahasrākṣō durnirīkṣyaḥ pratāpanaḥ |
mahādaṁṣṭrāyudhaḥ prājñaścaṇḍakōpī sadāśivaḥ || 4 ||

hiraṇyakaśipudhvaṁsī daityadānavabhañjanaḥ |
guṇabhadrō mahābhadrō balabhadraḥ subhadrakaḥ || 5 ||

karālō vikarālaśca vikartā sarvakartr̥kaḥ |
śiṁśumārastrilōkātmā īśaḥ sarvēśvarō vibhuḥ || 6 ||

bhairavāḍambarō divyaścā:’cyutaḥ kavimādhavaḥ |
adhōkṣajō:’kṣaraḥ śarvō vanamālī varapradaḥ || 7 ||

viśvambharō:’dbhutō bhavyaḥ śrīviṣṇuḥ puruṣōttamaḥ |
anaghāstrō nakhāstraśca sūryajyōtiḥ surēśvaraḥ || 8 ||

sahasrabāhuḥ sarvajñaḥ sarvasiddhipradāyakaḥ |
vajradaṁṣṭrō vajranakhō mahānandaḥ parantapaḥ || 9 ||

sarvamantraikarūpaśca sarvayantravidāraṇaḥ |
sarvatantrātmakō:’vyaktaḥ suvyaktō bhaktavatsalaḥ || 10 ||

vaiśākhaśuklabhūtōtthaḥ śaraṇāgatavatsalaḥ |
udārakīrtiḥ puṇyātmā mahātmā caṇḍavikramaḥ || 11 ||

vēdatrayaprapūjyaśca bhagavānparamēśvaraḥ |
śrīvatsāṅkaḥ śrīnivāsō jagadvyāpī jaganmayaḥ || 12 ||

jagatpālō jagannāthō mahākāyō dvirūpabhr̥t |
paramātmā parañjyōtirnirguṇaśca nr̥kēsarī || 13 ||

paratattvaṁ parandhāma saccidānandavigrahaḥ |
lakṣmīnr̥siṁhaḥ sarvātmā dhīraḥ prahlādapālakaḥ || 14 ||

idaṁ lakṣmīnr̥siṁhasya nāmnāmaṣṭōttaraṁ śatam |
trisandhyaṁ yaḥ paṭhēdbhaktyā sarvābhīṣṭamavāpnuyāt || 15 ||

iti śrīnr̥siṁhapūjākalpē śrī lakṣmīnr̥siṁhāṣṭōttaraśatanāma stōtram |

---

See more śrī nr̥siṁha stōtrāṇi for chanting.

Did you see any mistake/variation in the content above? Click here to report mistakes and corrections in Stotranidhi content.