Sri Mrityunjaya Aksharamala Stotram – śrī mr̥tyuñjaya akṣaramālā stōtram

śambhō mahādēva śambhō mahādēva śambhō mahādēva gaṅgādhara |
mr̥tyuñjaya pāhi mr̥tyuñjaya pāhi mr̥tyuñjaya pāhi mr̥tyuñjaya ||

adrīśajādhīśa vidrāvitāghaugha bhadrākr̥tē pāhi mr̥tyuñjaya |

ākāśakēśāmarādhīśavandya trilōkēśvara pāhi mr̥tyuñjaya |

indūpalēnduprabhōtphullakundāravindākr̥tē pāhi mr̥tyuñjaya |

īkṣāhatānaṅga dākṣāyaṇīnātha mōkṣākr̥tē pāhi mr̥tyuñjaya |

ukṣēśasañcāra yakṣēśasanmitra dakṣārcita pāhi mr̥tyuñjaya |

ūhāpathātītamāhātmyasamyukta mōhāntakā pāhi mr̥tyuñjaya |

r̥ddhipradāśēṣabuddhipratārajña siddhēśvara pāhi mr̥tyuñjaya |

r̥̄parvatōttuṅgaśr̥ṅgāgrasaṅgāṅgahētō sadā pāhi mr̥tyuñjaya |

luptātmabhaktaughasaṅghāti saṅghātakāri prahan pāhi mr̥tyuñjaya |

lūtīkr̥tānēkapārādikr̥tyantanīyādhunā pāhi mr̥tyuñjaya |

ēkādaśākāra rākēndusaṅkāśa śōkāntaka pāhi mr̥tyuñjaya |

aiśvaryadhāmārka vaiśvānarābhāsa viśvādhika pāhi mr̥tyuñjaya |

ōṣadhyadhīśāṁśubhūṣādhipāpaugha mōkṣaprada pāhi mr̥tyuñjaya |

auddhatyahīnaprabuddhaprabhāva prabuddhākhila pāhi mr̥tyuñjaya |

ambāsamāśliṣṭa lambōdarāpatya bimbādhara pāhi mr̥tyuñjaya |

astōkakāruṇya dustārasaṁsāranistāraṇa pāhi mr̥tyuñjaya |

karpūragaurōgra sarpāḍhya kandarpadarpāpaha pāhi mr̥tyuñjaya |

khadyōtanētrāgnividyudgrahākṣādi vidyōtita pāhi mr̥tyuñjaya |

gandhēbhacarmāṅgasaktāṅga saṁsārasindhuplava pāhi mr̥tyuñjaya |

gharmāṁśusaṅkāśa dharmaikasamprāpya śarmaprada pāhi mr̥tyuñjaya |

ṅōtpattibījākhilōtpattibījāmarādhīśa māṁ pāhi mr̥tyuñjaya |

candrārdhacūḍa marunnētra kāñcīnagēndrālaya pāhi mr̥tyuñjaya |

chandaḥ śirōratna sandōhasaṁvēdya mandasmita pāhi mr̥tyuñjaya |

janmakṣayātīta cinmātramūrtē bhavōnmūlana pāhi mr̥tyuñjaya |

jhaṇaccārughaṇṭāmaṇivrātakāñcīguṇaśrēṇika pāhi mr̥tyuñjaya |

ñityaṣṭacintāntaraṅga pramōdāṭanānandahr̥t pāhi mr̥tyuñjaya |

ṭaṅkātiṭaṅka marunnētra bhr̥ṅgāṅganāsaṅgata pāhi mr̥tyuñjaya |

ṭhālī mahāpāli kēlī tiraskārakārānala pāhi mr̥tyuñjaya |

ḍōlāyamānāntaraṅgīkr̥tānēkalāsyēśa māṁ pāhi mr̥tyuñjaya |

ḍhakkādhvanidhvānadāhadhvanibhrāntaśatr̥tva māṁ pāhi mr̥tyuñjaya |

ṇākāranētrānta santōṣitātma śritānanda māṁ pāhi mr̥tyuñjaya |

tāpatrayātyugradāvānalasākṣirūpāvyaya pāhi mr̥tyuñjaya |

sthāṇō murārātibāṇōllasatpañcabāṇāntaka pāhi mr̥tyuñjaya |

dīnāvanādyantahīnāgamāntaika mānōditā pāhi mr̥tyuñjaya |

dhātrīdharādhīśaputrīpariṣvaṅgacitrākr̥tē pāhi mr̥tyuñjaya |

nandīśavāhāravindāsanārādhya vindākr̥tē pāhi mr̥tyuñjaya |

pāpāndhakārapradīpādvayānandarūpa prabhō pāhi mr̥tyuñjaya |

phālāmbakānanta nīlōjjvalannētra śūlāyudha pāhi mr̥tyuñjaya |

bālārkabimbāṁśubhāsvajjaṭājūṭikālaṅkr̥ta pāhi mr̥tyuñjaya |

bhōgīśvarākalpa yōgipriyābhīṣṭabhōgaprada pāhi mr̥tyuñjaya |

maulīdyunadyūrmimālājaṭājūṭi kālīpriya pāhi mr̥tyuñjaya |

yajñēśvarākhaṇḍatajñānidhē dakṣayajñāntaka pāhi mr̥tyuñjaya |

rākēndukōṭipratīkāśalōkādisr̥ḍvandita pāhi mr̥tyuñjaya |

laṅkēśavandyāṅghripaṅkēruhāśēṣaśaṅkāpaha pāhi mr̥tyuñjaya |

vāgīśatūṇīra vandārumandāra śauripriya pāhi mr̥tyuñjaya |

śarvākhilādhāra sarvēśa gīrvāṇagarvāpaha pāhi mr̥tyuñjaya |

ṣaḍvaktratāta triṣāḍguṇyalōkādisr̥ḍvandita pāhi mr̥tyuñjaya |

sōmāvataṁsāntaraṅgē svayandhāma sāmapriya pāhi mr̥tyuñjaya |

hēlānigīrṇōgra hālāhalāsahya kālāntaka pāhi mr̥tyuñjaya |

lāṇīdharādhīśa bāṇāsanāvāptaśōṇākr̥tē pāhi mr̥tyuñjaya |

kṣityambutējō marudvyōma sōmātma satyākr̥tē pāhi mr̥tyuñjaya |
[ īśārcitāṅghrē mahēśā:’khilāvāsa kāśīpatē pāhi mr̥tyuñjaya | ]

śambhō mahādēva śambhō mahādēva śambhō mahādēva gaṅgādhara |
mr̥tyuñjayā pāhi mr̥tyuñjaya pāhi mr̥tyuñjaya pāhi mr̥tyuñjaya ||

iti śrī mr̥tyuñjaya akṣaramālikā stōtram |

Did you see any mistake/variation in the content above? Click here to report mistakes and corrections in Stotranidhi content.