Read in తెలుగు / ಕನ್ನಡ / தமிழ் / देवनागरी / English (IAST)
gāḍhāndhakāraharaṇāya jagaddhitāya
jyōtirmayāya paramēśvaralōcanāya |
mandēhadaityabhujagarvavibhañjanāya
sūryāya tīvrakiraṇāya namō namastē || 1 ||
chāyāpriyāya maṇikuṇḍalamaṇḍitāya
surōttamāya sarasīruhabāndhavāya |
sauvarṇaratnamakuṭāya vikartanāya
sūryāya tīvrakiraṇāya namō namastē || 2 ||
sañjñāvadhūhr̥dayapaṅkajaṣaṭpadāya
gaurīśapaṅkajabhavācyutavigrahāya |
lōkēkṣaṇāya tapanāya divākarāya
sūryāya tīvrakiraṇāya namō namastē || 3 ||
saptāśvabaddhaśakaṭāya grahādhipāya
raktāmbarāya śaraṇāgatavatsalāya |
jāmbūnadāmbujakarāya dinēśvarāya
sūryāya tīvrakiraṇāya namō namastē || 4 ||
āmnāyabhārabharaṇāya jalapradāya
tōyāpahāya karuṇāmr̥tasāgarāya |
nārāyaṇāya vividhāmaravanditāya
sūryāya tīvrakiraṇāya namō namastē || 5 ||
iti śrī mārtāṇḍa stōtram ||
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.