Read in తెలుగు / ಕನ್ನಡ / தமிழ் / देवनागरी / English (IAST)
agastya uvāca |
namō:’stu br̥ndārakabr̥ndavandya-
-pādāravindāya sudhākarāya |
ṣaḍānanāyāmitavikramāya
gaurīhr̥dānandasamudbhavāya || 1 ||
namō:’stu tubhyaṁ praṇatārtihantrē
kartrē samastasya manōrathānām |
dātrē rathānāṁ paratārakasya
hantrē pracaṇḍāsuratārakasya || 2 ||
amūrtamūrtāya sahasramūrtayē
guṇāya gaṇyāya parātparāya |
apārapārāya parāparāya
namō:’stu tubhyaṁ śikhivāhanāya || 3 ||
namō:’stu tē brahmavidāṁ varāya
digambarāyāmbarasaṁsthitāya |
hiraṇyavarṇāya hiraṇyabāhavē
namō hiraṇyāya hiraṇyarētasē || 4 ||
tapaḥ svarūpāya tapōdhanāya
tapaḥ phalānāṁ pratipādakāya |
sadā kumārāya himāramāriṇē
tr̥ṇīkr̥taiśvarya virāgiṇē namaḥ || 5 ||
namō:’stu tubhyaṁ śarajanmanē vibhō
prabhātasūryāruṇadantapaṅktayē |
bālāya cābālaparākramāya ṣā-
-ṇmāturāyālamanāturāya || 6 ||
mīḍhuṣṭamāyōttaramīḍhuṣē namō
namō gaṇānāṁ patayē gaṇāya |
namō:’stu tē janmajarātigāya
namō viśākhāya suśaktipāṇayē || 7 ||
sarvasya nāthasya kumārakāya
krauñcārayē tārakamārakāya |
svāhēya gāṅgēya ca kārtikēya
śaivēya tubhyaṁ satataṁ namō:’stu || 8 ||
iti śrīskāndē mahāpurāṇē kāśīkhaṇḍē pañcaviṁśatitamō:’dhyāyē śrī kārtikēyāṣṭakam |
See more śrī subrahmaṇya stōtrāṇi for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
