Read in తెలుగు / ಕನ್ನಡ / தமிழ் / देवनागरी / English (IAST)
asya śrīhayagrīvakavacamahāmantrasya hayagrīva r̥ṣiḥ, anuṣṭupchandaḥ, śrīhayagrīvaḥ paramātmā dēvatā, ōṁ śrīṁ vāgīśvarāya nama iti bījaṁ, ōṁ klīṁ vidyādharāya nama iti śaktiḥ, ōṁ sauṁ vēdanidhayē namō nama iti kīlakaṁ, ōṁ namō hayagrīvāya śuklavarṇāya vidyāmūrtayē, ōṁkārāyācyutāya brahmavidyāpradāya svāhā | mama śrīhayagrīvaprasāda siddhyarthē japē viniyōgaḥ ||
dhyānam –
kalaśāmbudhisaṁkāśaṁ kamalāyatalōcanaṁ |
kalānidhikr̥tāvāsaṁ karṇikāntaravāsinam || 1 ||
jñānamudrākṣavalayaṁ śaṅkhacakralasatkaraṁ |
bhūṣākiraṇasandōhavirājitadigantaram || 2 ||
vaktrābjanirgatōddāmavāṇīsantānaśōbhitaṁ |
dēvatāsārvabhaumaṁ taṁ dhyāyēdiṣṭārthasiddhayē || 3 ||
hayagrīvaśśiraḥ pātu lalāṭaṁ candramadhyagaḥ |
śāstradr̥ṣṭirdr̥śau pātu śabdabrahmātmakaśśrutī || 1 ||
ghrāṇaṁ gandhātmakaḥ pātu vadanaṁ yajñasambhavaḥ |
jihvāṁ vāgīśvaraḥ pātu mukundō dantasaṁhatīḥ || 2 ||
ōṣṭhaṁ brahmātmakaḥ pātu pātu nārāyaṇō:’dharaṁ |
śivātmā cibukaṁ pātu kapōlau kamalāprabhuḥ || 3 ||
vidyātmā pīṭhakaṁ pātu kaṇṭhaṁ nādātmakō mama |
bhujau caturbhujaḥ pātu karau daityēndramardanaḥ || 4 ||
jñānātmā hr̥dayaṁ pātu viśvātmā tu kucadvayaṁ |
madhyamaṁ pātu sarvātmā pātu pītāmbaraḥ kaṭim || 5 ||
kukṣiṁ kukṣisthaviśvō mē balibandhō (bhaṅgō) valitrayaṁ |
nābhiṁ mē padmanābhō:’vyādguhyaṁ guhyārthabōdhakr̥t || 6 ||
ūrū dāmōdaraḥ pātu jānunī madhusūdanaḥ |
pātu jaṁghē mahāviṣṇuḥ gulphau pātu janārdanaḥ || 7 ||
pādau trivikramaḥ pātu pātu pādāṅguḷirhariḥ |
sarvāṁgaṁ sarvagaḥ pātu pātu rōmāṇi kēśavaḥ || 8 ||
dhātūnnāḍīgataḥ pātu bhāryāṁ lakṣmīpatirmama |
putrānviśvakuṭuṁbī mē pātu bandhūnsurēśvaraḥ || 9 ||
mitraṁ mitrātmakaḥ pātu vahnyātmā śatrusaṁhatīḥ |
prāṇānvāyvātmakaḥ pātu kṣētraṁ viśvambharātmakaḥ || 10 ||
varuṇātmā rasānpātu vyōmātmā hr̥dguhāntaraṁ |
divārātraṁ hr̥ṣīkēśaḥ pātu sarvaṁ jagadguruḥ || 11 ||
viṣamē saṁkaṭē caiva pātu kṣēmaṁkarō mama |
saccidānandarūpō mē jñānaṁ rakṣatu sarvadā || 12 ||
prācyāṁ rakṣatu sarvātmā āgnēyyāṁ jñānadīpakaḥ |
yāmyāṁ bōdhapradaḥ pātu nairr̥tyāṁ cidghanaprabhaḥ || 13 ||
vidyānidhistu vāruṇyāṁ vāyavyāṁ cinmayō:’vatu |
kaubēryāṁ vittadaḥ pātu aiśānyāṁ ca jagadguruḥ || 14 ||
urdhvaṁ pātu jagatsvāmī pātvadhastātparātparaḥ |
rakṣāhīnaṁ tu yatsthānaṁ rakṣatvakhilanāyakaḥ || 14 ||
ēvaṁ nyastaśarīrō:’sau sākṣādvāgīśvarō bhavēt |
āyurārōgyamaiśvaryaṁ sarvaśāstrapravaktr̥tām || 16 ||
labhatē nātra sandēhō hayagrīvaprasādataḥ |
itīdaṁ kīrtitaṁ divyaṁ kavacaṁ dēvapūjitam || 17 ||
iti hayagrīvamantrē atharvaṇavēdē mantrakhaṇḍē pūrvasaṁhitāyāṁ śrīhayagrīvakavacaṁ saṁpūrṇam ||
See more śrī viṣṇu stōtrāṇi for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
