Read in తెలుగు / ಕನ್ನಡ / தமிழ் / देवनागरी / English (IAST)
śrīkr̥ṣṇa gōvinda harē murārē
hē nātha nārāyaṇa vāsudēva |
jihvē pibasvāmr̥tamētadēva
gōvinda dāmōdara mādhavēti || 1
vikrētukāmākhilagōpakanyā
murāripādārpitacittavr̥ttiḥ |
dadhyādikaṁ mōhavaśādavōcat
gōvinda dāmōdara mādhavēti || 2
gr̥hē gr̥hē gōpavadhūkadambāḥ
sarvē militvā samavāpya yōgam |
puṇyāni nāmāni paṭhanti nityaṁ
gōvinda dāmōdara mādhavēti || 3
sukhaṁ śayānā nilayē nijē:’pi
nāmāni viṣṇōḥ pravadanti martyāḥ |
tē niścitaṁ tanmayatāṁ vrajanti
gōvinda dāmōdara mādhavēti || 4
jihvē sadaivaṁ bhaja sundarāṇi
nāmāni kr̥ṣṇasya manōharāṇi |
samasta bhaktārtivināśanāni
gōvinda dāmōdara mādhavēti || 5
sukhāvasānē idamēva sāraṁ
duḥkhāvasānē idamēva jñēyam |
dēhāvasānē idamēva jāpyaṁ
gōvinda dāmōdara mādhavēti || 6
jihvē rasajñē madhurapriyē tvaṁ
satyaṁ hitaṁ tvāṁ paramaṁ vadāmi |
avarṇayēthā madhurākṣarāṇi
gōvinda dāmōdara mādhavēti || 7
tvāmēva yācē mama dēhi jihvē
samāgatē daṇḍadharē kr̥tāntē |
vaktavyamēvaṁ madhuraṁ subhaktyā
gōvinda dāmōdara mādhavēti || 8
śrīkr̥ṣṇa rādhāvara gōkulēśa
gōpāla gōvardhananātha viṣṇō |
jihvē pibasvāmr̥tamētadēva
gōvinda dāmōdara mādhavēti || 9
See more śrī kr̥ṣṇa stōtrāṇi for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
