Read in తెలుగు / ಕನ್ನಡ / தமிழ் / देवनागरी / English (IAST)
asya śrīgāyatrī kavacasya brahmā r̥ṣiḥ anuṣṭup chandaḥ gāyatrī dēvatā bhūḥ bījaṁ bhuvaḥ śaktiḥ svaḥ kīlakaṁ śrīgāyatrī prītyarthē japē viniyōgaḥ |
dhyānam –
pañcavaktrāṁ daśabhujāṁ sūryakōṭisamaprabhām |
sāvitrī brahmavaradāṁ candrakōṭisuśītalām || 1 ||
trinētrāṁ sitavaktrāṁ ca muktāhāravirājitām |
varā:’bhayāṅkuśakaśāṁ hēmapātrākṣamālikām || 2 ||
śaṅkhacakrābjayugalaṁ karābhyāṁ dadhatī parām |
sitapaṅkajasaṁsthā ca haṁsārūḍhāṁ sukhasmitām || 3 ||
dhyātvaivaṁ mānasāmbhōjē gāyatrīkavacaṁ japēt || 4 ||
brahmōvāca |
viśvāmitra mahāprājña gāyatrīkavacaṁ śr̥ṇu |
yasya vijñānamātrēṇa trailōkyaṁ vaśayēt kṣaṇāt || 5 ||
sāvitrī mē śiraḥ pātu śikhāyāmamr̥tēśvarī |
lalāṭaṁ brahmadaivatyā bhruvau mē pātu vaiṣṇavī || 6 ||
karṇau mē pātu rudrāṇī sūryā sāvitrikā:’mbikē |
gāyatrī vadanaṁ pātu śāradā daśanacchadau || 7 ||
dvijān yajñapriyā pātu rasanāyāṁ sarasvatī |
sāṅkhyāyanī nāsikā mē kapōlaṁ candrahāsinī || 8 ||
cibukaṁ vēdagarbhā ca kaṇṭhaṁ pātvaghanāśinī |
stanau mē pātu indrāṇī hr̥dayaṁ brahmavādinī || 9 ||
udaraṁ viśvabhōktrī ca nābhiṁ pātu surapriyā |
jaghanaṁ nārasiṁhī ca pr̥ṣṭhaṁ brahmāṇḍadhāriṇī || 10 ||
pārśvau mē pātu padmākṣī guhyaṁ mē gōtrikā:’vatu |
ūrvōrōṅkārarūpā ca jānvōḥ sandhyātmikā:’vatu || 11 ||
jaṅghayōḥ pātu cā:’kṣōbhyā gulphayōrbrahmaśīrṣakā |
sūryā padadvayaṁ pātu candrā pādāṅgulīṣu ca || 12 ||
sarvāṅgaṁ vēdamātā ca pātu mē sarvadā:’naghā |
ityētat kavacaṁ brahman gāyatryāḥ sarvapāvanam || 13 ||
puṇyaṁ pavitraṁ pāpaghnaṁ sarvarōganivāraṇam |
trisandhyaṁ yaḥ paṭhēdvidvān sarvān kāmānavāpnuyāt || 14 ||
sarvaśāstrārthatattvajñaḥ sa bhavēdvēdavittamaḥ |
sarvayajñaphalaṁ puṇyaṁ brahmāntē samavāpnuyāt || 15 ||
iti śrīviśvāmitrasaṁhitōktaṁ śrī gāyatrī kavacam |
See more śrī gāyatrī stōtrāṇi for chanting.
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
