Read in తెలుగు / ಕನ್ನಡ / தமிழ் / देवनागरी / English (IAST)
arjuna uvāca |
namastē siddhasēnāni āryē mandaravāsini |
kumāri kāli kāpāli kapilē kr̥ṣṇapiṅgalē || 1 ||
bhadrakāli namastubhyaṁ mahākāli namō:’stu tē |
caṇḍi caṇḍē namastubhyaṁ tāriṇi varavarṇini || 2 ||
kātyāyani mahābhāgē karāli vijayē jayē |
śikhipiñchadhvajadharē nānābharaṇabhūṣitē || 3 ||
aṭ-ṭaśūlapraharaṇē khaḍgakhēṭakadhāriṇi |
gōpēndrasyānujē jyēṣṭhē nandagōpakulōdbhavē || 4 ||
mahiṣāsr̥kpriyē nityaṁ kauśiki pītavāsini |
aṭ-ṭahāsē kōkamukhē namastē:’stu raṇapriyē || 5 ||
umē śākambhari śvētē kr̥ṣṇē kaiṭabhanāśini |
hiraṇyākṣi virūpākṣi sudhūmrākṣi namō:’stu tē || 6 ||
vēdaśrutimahāpuṇyē brahmaṇyē jātavēdasi |
jambūkaṭakacaityēṣu nityaṁ sannihitālayē || 7 ||
tvaṁ brahmavidyā vidyānāṁ mahānidrā ca dēhinām |
skandamātarbhagavati durgē kāntāravāsini || 8 ||
svāhākāraḥ svadhā caiva kalā kāṣṭhā sarasvatī |
sāvitrī vēdamātā ca tathā vēdānta ucyatē || 9 ||
stutāsi tvaṁ mahādēvi viśuddhēnāntarātmanā |
jayō bhavatu mē nityaṁ tvatprasādādraṇājirē || 10 ||
kāntārabhayadurgēṣu bhaktānāṁ cālayēṣu ca |
nityaṁ vasasi pātālē yuddhē jayasi dānavān || 11 ||
tvaṁ jambhanī mōhinī ca māyā hrīḥ śrīstathaiva ca |
sandhyā prabhāvatī caiva sāvitrī jananī tathā || 12 ||
tuṣṭiḥ puṣṭirdhr̥tirdīptiścandrādityavivardhinī |
bhūtirbhūtimatāṁ saṅkhyē vīkṣyasē siddhacāraṇaiḥ || 13 ||
iti śrīmanmahābhāratē bhīṣmaparvaṇi trayōviṁśō:’dhyāyē arjuna kr̥ta śrī durgā stōtram |
See more śrī durgā stōtrāṇi for chanting.
గమనిక: శరన్నవరాత్రుల సందర్భంగా "శ్రీ లలితా స్తోత్రనిధి" మరియు "శ్రీ దుర్గా స్తోత్రనిధి" పుస్తకములు కొనుగోలుకు అందుబాటులో ఉన్నాయి.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
