Read in తెలుగు / ಕನ್ನಡ / தமிழ் / देवनागरी / English (IAST)
gajēndraśārdūla mr̥gēndravāhanaṁ
munīndrasaṁsēvita pādapaṅkajam |
dēvīdvayēnāvr̥ta pārśvayugmaṁ
śāstāramādyaṁ satataṁ namāmi || 1 ||
hariharabhavamēkaṁ saccidānandarūpaṁ
bhavabhayaharapādaṁ bhāvanāgamyamūrtim |
sakalabhuvanahētuṁ satyadharmānukūlaṁ
śritajanakulapālaṁ dharmaśāstāramīḍē || 2 ||
hariharasutamīśaṁ vīravaryaṁ surēśaṁ
kaliyugabhavabhītidhvaṁsalīlāvatāram |
jayavijayalakṣmī susaṁsr̥tājānubāhuṁ
malayagirinivāsaṁ dharmaśāstāramīḍē || 3 ||
paraśivamayamīḍyaṁ bhūtanāthaṁ munīndraṁ
karadhr̥tavikacābjaṁ brahmapañcasvarūpam |
maṇimayasukirīṭaṁ mallikāpuṣpahāraṁ
varavitaraṇaśīlaṁ dharmaśāstāramīḍē || 4 ||
hariharamayamāya bimbamādityakōṭi-
-tviṣamamalamukhēnduṁ satyasandhaṁ varēṇyam |
upaniṣadavibhāvyaṁ ōmitidhyānagamyaṁ
munijanahr̥dicintyaṁ dharmaśāstāramīḍē || 5 ||
kanakamaya dukūlaṁ candanārdrāvasiktaṁ
sarasamr̥dulahāsaṁ brāhmaṇānandakāram |
madhurasamayapāṇiṁ mārajīvātulīlaṁ
sakaladuritanāśaṁ dharmaśāstāramīḍē || 6 ||
munijanagaṇasēvyaṁ muktisāmrājyamūlaṁ
viditasakalatattvajñānamantrōpadēśam |
ihaparaphalahētuṁ tārakaṁ brahmasañjñaṁ
ṣaḍarimalavināśaṁ dharmaśāstāramīḍē || 7 ||
madhurasaphalamukhyaiḥ pāyasairbhakṣyajālaiḥ
dadhighr̥taparipūrṇairannadānaiḥ santuṣṭam |
nijapadanamitānāṁ nityavātsalyabhāvaṁ
hr̥dayakamalamadhyē dharmaśāstāramīḍē || 8 ||
bhavaguṇajanitānāṁ bhōgamōkṣāya nityaṁ
hariharabhavadēvasyāṣṭakaṁ sannidhau yaḥ |
paṭhati sakalabhōgān muktisāmrājyabhāgyē
bhuvidivisuvastasmai nityatuṣṭō dadāti || 9 ||
iti śrīmahāśāstāṣṭakaṁ sampūrṇam |
See more śrī ayyappā stōtrāṇi for chanting.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
