Read in తెలుగు / ಕನ್ನಡ / தமிழ் / देवनागरी / English (IAST)
jaṭādharaṁ pāṇḍuraṅgaṁ śūlahastaṁ kr̥pānidhim |
sarvarōgaharaṁ dēvaṁ dattātrēyamahaṁ bhajē || 1 ||
asya śrīdattātrēyastōtramantrasya bhagavānnāradar̥ṣiḥ, anuṣṭup chandaḥ, śrīdattaḥ paramātmā dēvatā, śrīdatta prītyarthē japē viniyōgaḥ |
nārada uvāca |
jagadutpattikartrē ca sthitisaṁhārahētavē |
bhavapāśavimuktāya dattātrēya namō:’stu tē || 1 ||
jarājanmavināśāya dēhaśuddhikarāya ca |
digambara dayāmūrtē dattātrēya namō:’stu tē || 2 ||
karpūrakāntidēhāya brahmamūrtidharāya ca |
vēdaśāstraparijñāya dattātrēya namō:’stu tē || 3 ||
hrasvadīrghakr̥śasthūlanāmagōtravivarjita |
pañcabhūtaikadīptāya dattātrēya namō:’stu tē || 4 ||
yajñabhōktrē ca yajñāya yajñarūpadharāya ca |
yajñapriyāya siddhāya dattātrēya namō:’stu tē || 5 ||
ādau brahmā harirmadhyē hyantē dēvaḥ sadāśivaḥ | [madhyē viṣṇu]
mūrtitrayasvarūpāya dattātrēya namō:’stu tē || 6 ||
bhōgālayāya bhōgāya yōgayōgyāya dhāriṇē |
jitēndriya jitajñāya dattātrēya namō:’stu tē || 7 ||
digambarāya divyāya divyarūpadharāya ca |
sadōditaparabrahma dattātrēya namō:’stu tē || 8 ||
jambūdvīpē mahākṣētrē mātāpuranivāsinē |
jayamāna satāṁ dēva dattātrēya namō:’stu tē || 9 ||
bhikṣāṭanaṁ gr̥hē grāmē pātraṁ hēmamayaṁ karē |
nānāsvādamayī bhikṣā dattātrēya namō:’stu tē || 10 ||
brahmajñānamayī mudrā vastrē cākāśabhūtalē |
prajñānaghanabōdhāya dattātrēya namō:’stu tē || 11 ||
avadhūta sadānanda parabrahmasvarūpiṇē |
vidēhadēharūpāya dattātrēya namō:’stu tē || 12 ||
satyarūpa sadācāra satyadharmaparāyaṇa |
satyāśraya parōkṣāya dattātrēya namō:’stu tē || 13 ||
śūlahasta gadāpāṇē vanamālāsukandhara |
yajñasūtradhara brahman dattātrēya namō:’stu tē || 14 ||
kṣarākṣarasvarūpāya parātparatarāya ca |
datta muktiparastōtra dattātrēya namō:’stu tē || 15 ||
datta vidyāḍhya lakṣmīśa datta svātmasvarūpiṇē |
guṇanirguṇarūpāya dattātrēya namō:’stu tē || 16 ||
śatrunāśakaraṁ stōtraṁ jñānavijñānadāyakam |
sarvapāpaṁ śamaṁ yāti dattātrēya namō:’stu tē || 17 ||
idaṁ stōtraṁ mahaddivyaṁ dattapratyakṣakārakam |
dattātrēyaprasādācca nāradēna prakīrtitam || 18 ||
iti śrīnāradapurāṇē nāradaviracitaṁ śrī dattātrēya stōtram |
See more śrī dattātrēya stōtrāṇi for chanting.
గమనిక: శరన్నవరాత్రుల సందర్భంగా "శ్రీ లలితా స్తోత్రనిధి" మరియు "శ్రీ దుర్గా స్తోత్రనిధి" పుస్తకములు కొనుగోలుకు అందుబాటులో ఉన్నాయి.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
