Read in తెలుగు / ಕನ್ನಡ / தமிழ் / देवनागरी / English (IAST)
śrīpādaḥ pātu mē pādau ūrū siddhāsanasthitaḥ |
pāyāddigambarō guhyaṁ nr̥hariḥ pātu mē kaṭim || 1 ||
nābhiṁ pātu jagatsraṣṭōdaraṁ pātu dalōdaraḥ |
kr̥pāluḥ pātu hr̥dayaṁ ṣaḍbhujaḥ pātu mē bhujau || 2 ||
srakkuṇḍī śūlaḍamaruśaṅkhacakradharaḥ karān |
pātu kaṇṭhaṁ kambukaṇṭhaḥ sumukhaḥ pātu mē mukham || 3 ||
jihvāṁ mē vēdavākpātu nētraṁ mē pātu divyadr̥k |
nāsikāṁ pātu gandhātmā pātu puṇyaśravāḥ śrutī || 4 ||
lalāṭaṁ pātu haṁsātmā śiraḥ pātu jaṭādharaḥ |
karmēndriyāṇi pātvīśaḥ pātu jñānēndriyāṇyajaḥ || 5 ||
sarvāntarōntaḥkaraṇaṁ prāṇānmē pātu yōgirāṭ |
upariṣṭādadhastācca pr̥ṣṭhataḥ pārśvatō:’grataḥ || 6 ||
antarbahiśca māṁ nityaṁ nānārūpadharō:’vatu |
varjitaṁ kavacēnānyāt sthānaṁ mē divyadarśanaḥ || 7 ||
rājataḥ śatrutō hiṁsāt duṣprayōgāditō mataḥ |
ādhivyādhibhayārtibhyō dattātrēyaḥ sadā:’vatu || 8 ||
dhanadhānyagr̥hakṣētrastrīputrapaśukiṅkarān |
jñātīṁśca pātu mē nityamanasūyānandavardhanaḥ || 9 ||
bālōnmatta piśācābhō dyuniṭ sandhiṣu pātu mām |
bhūtabhautikamr̥tyubhyō hariḥ pātu digambaraḥ || 10 ||
ya ētaddattakavacaṁ sannahyāt bhaktibhāvitaḥ |
sarvānarthavinirmuktō grahapīḍāvivarjitaḥ || 11 ||
bhūtaprētapiśācādyaiḥ dēvairapyaparājitaḥ |
bhuktvātra divyān bhōgān saḥ dēhā:’ntē tatpadaṁ vrajēt || 12 ||
iti śrīvāsudēvānandasarasvatī viracitaṁ śrī dattātrēya kavacam |
See more śrī dattātrēya stōtrāṇi for chanting.
గమనిక: శరన్నవరాత్రుల సందర్భంగా "శ్రీ లలితా స్తోత్రనిధి" మరియు "శ్రీ దుర్గా స్తోత్రనిధి" పుస్తకములు కొనుగోలుకు అందుబాటులో ఉన్నాయి.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
