Read in తెలుగు / ಕನ್ನಡ / தமிழ் / देवनागरी / English (IAST)
bālārkakōṭirucirāṁ kōṭibrahmāṇḍabhūṣitām |
kandarpakōṭilāvaṇyāṁ bālāṁ vandē śivapriyām || 1 ||
vahnikōṭiprabhāṁ sūkṣmāṁ kōṭikōṭisahēlinīm |
varadāṁ raktavarṇāṁ ca bālāṁ vandē sanātanīm || 2 ||
jñānaratnākarāṁ bhīmāṁ parabrahmāvatāriṇīm |
pañcaprētāsanagatāṁ bālāṁ vandē guhāśayām || 3 ||
parāprāsādamūrdhnisthāṁ pavitrāṁ pātradhāriṇīm |
paśupāśacchidāṁ tīkṣṇāṁ bālāṁ vandē śivāsanām || 4 ||
girijāṁ girimadhyasthāṁ gīḥ rūpāṁ jñānadāyinīm |
guhyatattvaparāṁ cādyāṁ bālāṁ vandē purātanīm || 5 ||
bauddhakōṭisusaundaryāṁ candrakōṭisuśītalām |
āśāvāsāṁ parāṁ dēvīṁ vandē bālāṁ kapardinīm || 6 ||
sr̥ṣṭisthityantakāriṇīṁ triguṇātmakarūpiṇīm |
kālagrasanasāmarthyāṁ bālāṁ vandē phalapradām || 7 ||
yajñanāśīṁ yajñadēhāṁ yajñakarmaśubhapradām |
jīvātmaviśvajananīṁ bālāṁ vandē parātparām || 8 ||
ityētatparamaṁ guhyaṁ nāmnā muktāvalīstavam |
yē paṭhanti mahēśāni phalaṁ vaktuṁ na śakyatē || 9 ||
guhyādguhyataraṁ guhyaṁ mahāguhyaṁ varānanē |
vidyārthī labhatē vidyāṁ dhanārthī labhatē dhanam || 10 ||
kanyārthī labhatē kanyāṁ mōkṣārthī mōkṣamāpnuyāt |
bahunātra kimuktēna cintāmaṇirivāparam || 11 ||
gōpanīyaṁ prayatnēna gōpanīyaṁ na saṁśayaḥ |
anyēbhyō naiva dātavyaṁ kimanyacchrōtumicchasi || 12 ||
iti śrīviṣṇuyāmalē śrī bālā muktāvalī stōtram |
See more śrī bālā stōtrāṇi for chanting.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
