Read in తెలుగు / ಕನ್ನಡ / தமிழ் / देवनागरी / English (IAST)
śrī dakṣiṇāmūrtiruvāca |
annapūrṇāmanuṁ vakṣyē vidyāpratyaṅgamīśvarī |
yasya śravaṇamātrēṇa alakṣmīrnāśamāpnuyāt || 1 ||
praṇavaṁ pūrvamuccārya māyāṁ śriyamathōccarēt |
kāmaṁ namaḥ padaṁ prōktaṁ padaṁ bhagavatītyatha || 2 ||
māhēśvarī padaṁ paścādannapūrṇētyathōccarēt |
uttarē vahnidayitāṁ mantra ēṣa udīritaḥ || 3 ||
r̥ṣiḥ brahmāsya mantrasya gāyatrī chanda īritam |
annapūrṇēśvarīdēvī dēvatā prōcyatē budhaiḥ || 4 ||
māyābījaṁ bījamāhuḥ lakṣmīśaktiritīritā |
kīlakaṁ madanaṁ prāhurmāyayā nyāsamācarēt || 5 ||
raktāṁ vicitravāsanāṁ navacandrajūṭā-
-mannapradānaniratāṁ stanabhāranamrām |
annapradānaniratāṁ navahēmavastrā-
-mambāṁ bhajē kanakamauktikamālyaśōbhām || 6 ||
nr̥tyantamindiśakalābharaṇaṁ vilōkya
hyaṣṭāṁ bhajē bhagavatīṁ bhavaduḥkhahantrīm |
ādāya dakṣiṇakarēṇa suvarṇadarpaṁ
dugdhānnapūrṇamitarēṇa ca ratnapātram || 7 ||
ēvaṁ dhyātvā mahādēvīṁ lakṣamēkaṁ japēnmanum |
daśāṁśamannaṁ juhuyānmantrasiddhirbhaviṣyati || 8 ||
ēvaṁ siddhasya mantrasya prayōgācchr̥ṇu pārvati |
lakṣamēkaṁ japēnmantraṁ sahasraikaṁ havirhunēt || 9 ||
mahatīṁ śriyamāpnōti kubēratrayasannibhām |
japtvaikalakṣaṁ mantrajñō hunēdannaṁ daśāṁśakam || 10 ||
tatkulēnnasamr̥ddhissyādakṣayyaṁ nātra saṁśayaḥ |
annaṁ spr̥ṣṭvā japēnmantraṁ nityaṁ vāracatuṣṭayam || 11 ||
annarāśimavāpnōti svamalavyāpinīmapi |
sahasraṁ prajapēdyastu mantramētaṁ narōttamaḥ || 12
iha bhōgānyathākāmānbhuktvāntē muktimāpnuyāt |
kulē na jāyatē tasya dāridryaṁ kalahāvaliḥ || 13 ||
na kadācidavāpnōti dāridryaṁ paramēśvari |
palāśapuṣpairhavanamayutaṁ yassamācarēt || 14 ||
sa labdhvā mahatīṁ kāntiṁ vaśīkuryājjagatrayam |
payasā havanaṁ martyō ya ācarati kālikaḥ || 15 ||
tadgēhē paśuvr̥ddhissyādgāvaśca bahudugdhadāḥ |
ēvaṁ mantraṁ japēnmartyō na kadācillabhēdbhayam || 16 ||
asaukhyamaśriyaṁ duḥkhaṁ saṁśayō nātra vidyatē |
haviṣyēṇa hunēdyastu niyutaṁ mānavōttamaḥ || 17 ||
sarvānkāmānavāpnōti durlabhānapyasaṁśayaḥ |
annapūrṇāprayōgōyamuktō bhaktēṣṭadāyakaḥ |
kimanyadicchasi śrōtuṁ bhūyō mē vada pārvati || 18 ||
iti śrīmahātripurasiddhāntē annapūrṇā mantrastavaḥ |
See more dēvī stōtrāṇi for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
