Read in తెలుగు / ಕನ್ನಡ / தமிழ் / देवनागरी / English (IAST)
āñjanēyō mahāvīrō hanumānmārutātmajaḥ |
tattvajñānapradaḥ sītādēvīmudrāpradāyakaḥ || 1 ||
aśōkavanikācchēttā sarvamāyāvibhañjanaḥ |
sarvabandhavimōktā ca rakṣōvidhvaṁsakārakaḥ || 2 ||
paravidyāparīhāraḥ paraśauryavināśanaḥ |
paramantranirākartā parayantraprabhēdakaḥ || 3 ||
sarvagrahavināśī ca bhīmasēnasahāyakr̥t |
sarvaduḥkhaharaḥ sarvalōkacārī manōjavaḥ || 4 ||
pārijātadrumūlasthaḥ sarvamantrasvarūpavān |
sarvatantrasvarūpī ca sarvayantrātmakastathā || 5 ||
kapīśvarō mahākāyaḥ sarvarōgaharaḥ prabhuḥ |
balasiddhikaraḥ sarvavidyāsampatpradāyakaḥ || 6 ||
kapisēnānāyakaśca bhaviṣyaccaturānanaḥ |
kumārabrahmacārī ca ratnakuṇḍaladīptimān || 7 ||
sañcaladvālasannaddhalambamānaśikhōjjvalaḥ |
gandharvavidyātattvajñō mahābalaparākramaḥ || 8 ||
kārāgr̥havimōktā ca śr̥ṅkhalābandhamōcakaḥ |
sāgarōttārakaḥ prājñō rāmadūtaḥ pratāpavān || 9 ||
vānaraḥ kēsarīsutaḥ sītāśōkanivārakaḥ |
añjanāgarbhasambhūtō bālārkasadr̥śānanaḥ || 10 ||
vibhīṣaṇapriyakarō daśagrīvakulāntakaḥ |
lakṣmaṇaprāṇadātā ca vajrakāyō mahādyutiḥ || 11 ||
cirañjīvī rāmabhaktō daityakāryavighātakaḥ |
akṣahantā kāñcanābhaḥ pañcavaktrō mahātapaḥ || 12 ||
laṅkiṇībhañjanaḥ śrīmān siṁhikāprāṇabhañjanaḥ |
gandhamādanaśailasthō laṅkāpuravidāhakaḥ || 13 ||
sugrīvasacivō dhīraḥ śūrō daityakulāntakaḥ |
surārcitō mahātējā rāmacūḍāmaṇipradaḥ || 14 ||
kāmarūpī piṅgalākṣō vārdhimainākapūjitaḥ |
kabalīkr̥tamārtāṇḍamaṇḍalō vijitēndriyaḥ || 15 ||
rāmasugrīvasandhātā mahirāvaṇamardanaḥ | [mahā]
sphaṭikābhō vāgadhīśō navavyākr̥tipaṇḍitaḥ || 16 ||
caturbāhurdīnabandhurmahātmā bhaktavatsalaḥ |
sañjīvananagāhartā śucirvāgmī dr̥ḍhavrataḥ || 17 ||
kālanēmipramathanō harimarkaṭamarkaṭaḥ |
dāntaḥ śāntaḥ prasannātmā śatakaṇṭhamadāpahr̥t || 18 ||
yōgī rāmakathālōlaḥ sītānvēṣaṇapaṇḍitaḥ |
vajradaṁṣṭrō vajranakhō rudravīryasamudbhavaḥ || 19 ||
indrajitprahitāmōghabrahmāstravinivārakaḥ |
pārthadhvajāgrasaṁvāsī śarapañjarabhēdakaḥ || 20 ||
daśabāhurlōkapūjyō jāmbavatprītivardhanaḥ |
sītāsamētaśrīrāmapādasēvādhurandharaḥ || 21 ||
ityēvaṁ śrīhanumatō nāmnāmaṣṭōttaraṁ śatam |
yaḥ paṭhēcchr̥ṇuyānnityaṁ sarvānkāmānavāpnuyāt || 22 ||
iti śrīmadāñjanēyāṣṭōttaraśatanāma stōtram |
See more śrī hanumān stōtrāṇi for chanting.
గమనిక: శరన్నవరాత్రుల సందర్భంగా "శ్రీ లలితా స్తోత్రనిధి" మరియు "శ్రీ దుర్గా స్తోత్రనిధి" పుస్తకములు కొనుగోలుకు అందుబాటులో ఉన్నాయి.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
