Read in తెలుగు / ಕನ್ನಡ / தமிழ் / देवनागरी / English (IAST)
brahmōvāca |
śr̥ṇu vatsa pravakṣyāmi ādyāstōtraṁ mahāphalam |
yaḥ paṭhēt satataṁ bhaktyā sa ēva viṣṇuvallabhaḥ || 1 ||
mr̥tyurvyādhibhayaṁ tasya nāsti kiñcit kalau yugē |
aputrā labhatē putraṁ tripakṣaṁ śravaṇaṁ yadi || 2 ||
dvau māsau bandhanānmukti vipravaktrāt śrutaṁ yadi |
mr̥tavatsā jīvavatsā ṣaṇmāsaṁ śravaṇaṁ yadi || 3 ||
naukāyāṁ saṅkaṭē yuddhē paṭhanājjayamāpnuyāt |
likhitvā sthāpayēdgēhē nāgnicaurabhayaṁ kvacit || 4 ||
rājasthānē jayī nityaṁ prasannāḥ sarvadēvatā |
ōṁ hrīm |
brahmāṇī brahmalōkē ca vaikuṇṭhē sarvamaṅgalā || 5 ||
indrāṇī amarāvatyāmambikā varuṇālayē |
yamālayē kālarūpā kubērabhavanē śubhā || 6 ||
mahānandāgnikōṇē ca vāyavyāṁ mr̥gavāhinī |
nairr̥tyāṁ raktadantā ca aiśānyāṁ śūladhāriṇī || 7 ||
pātālē vaiṣṇavīrūpā siṁhalē dēvamōhinī |
surasā ca maṇidvipē laṅkāyāṁ bhadrakālikā || 8 ||
rāmēśvarī sētubandhē vimalā puruṣōttamē |
virajā auḍradēśē ca kāmākṣyā nīlaparvatē || 9 ||
kālikā vaṅgadēśē ca ayōdhyāyāṁ mahēśvarī |
vārāṇasyāmannapūrṇā gayākṣētrē gayēśvarī || 10 ||
kurukṣētrē bhadrakālī vrajē kātyāyanī parā |
dvārakāyāṁ mahāmāyā mathurāyāṁ mahēśvarī || 11 ||
kṣudhā tvaṁ sarvabhūtānāṁ vēlā tvaṁ sāgarasya ca |
navamī śuklapakṣasya kr̥ṣṇasyaikādaśī parā || 12 ||
dakṣasā duhitā dēvī dakṣayajñavināśinī |
rāmasya jānakī tvaṁ hi rāvaṇadhvaṁsakāriṇī || 13 ||
caṇḍamuṇḍavadhē dēvī raktabījavināśinī |
niśumbhaśumbhamathinī madhukaiṭabhaghātinī || 14 ||
viṣṇubhaktipradā durgā sukhadā mōkṣadā sadā |
ādyāstavamimaṁ puṇyaṁ yaḥ paṭhēt satataṁ naraḥ || 15 ||
sarvajvarabhayaṁ na syāt sarvavyādhivināśanam |
kōṭitīrthaphalaṁ tasya labhatē nātra saṁśayaḥ || 16 ||
jayā mē cāgrataḥ pātu vijayā pātu pr̥ṣṭhataḥ |
nārāyaṇī śīrṣadēśē sarvāṅgē siṁhavāhinī || 17 ||
śivadūtī ugracaṇḍā pratyaṅgē paramēśvarī |
viśālākṣī mahāmāyā kaumārī śaṅkhinī śivā || 18 ||
cakriṇī jayadātrī ca raṇamattā raṇapriyā |
durgā jayantī kālī ca bhadrakālī mahōdarī || 19 ||
nārasiṁhī ca vārāhī siddhidātrī sukhapradā |
bhayaṅkarī mahāraudrī mahābhayavināśinī || 20 ||
iti śrībrahmayāmalē brahmanāradasaṁvādē śrī ādyā stōtram ||
See more dēvī stōtrāṇi for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
