Read in తెలుగు / ಕನ್ನಡ / தமிழ் / देवनागरी / English (IAST)
jaya mātarviśālākṣi jaya saṅgītamātr̥kē |
jaya mātaṅgi caṇḍāli gr̥hītamadhupātrakē || 1 ||
namastē:’stu mahādēvi namō bhagavatīśvari |
namastē:’stu jaganmātarjaya śaṅkaravallabhē || 2 ||
jaya tvaṁ śyāmalē dēvi śukaśyāmē namō:’stu tē |
mahāśyāmē mahārāmē jaya sarvamanōharē || 3 ||
jaya nīlōtpalaprakhyē jaya sarvavaśaṅkari |
jaya tvajātvasaṁstutyē laghuśyāmē namō:’stu tē || 4 ||
namō namastē raktākṣi jaya tvaṁ madaśālini |
jaya mātarmahālakṣmi vāgīśvari namō:’stu tē || 5 ||
nama indrādisaṁstutyē namō brahmādipūjitē |
namō marakataprakhyē śaṅkhakuṇḍalaśōbhitē || 6 ||
jaya tvaṁ jagadīśāni lōkamōhini tē namaḥ |
namastē:’stu mahākr̥ṣṇē namō viśvēśavallabhē || 7 ||
mahēśvari namastē:’stu nīlāmbarasamanvitē |
namaḥ kalyāṇi kr̥ṣṇāṅgi namastē paramēśvari || 8 ||
mahādēvapriyakari namaḥ sarvavaśaṅkari |
mahāsaubhāgyadē nr̥̄ṇāṁ kadambavanavāsini || 9 ||
jaya saṅgītarasikē vīṇāhastē namō:’stu tē |
janamōhini vandē tvāṁ brahmaviṣṇuśivātmikē || 10 ||
vāgvādini namastubhyaṁ sarvavidyāpradē namaḥ |
namastē kuladēvēśi namō nārīvaśaṅkari || 11 ||
aṇimādiguṇādhārē jaya nīlādrisannibhē |
śaṅkhapadmādisamyuktē siddhidē tvāṁ bhajāmyaham || 12 ||
jaya tvaṁ varabhūṣāṅgi varāṅgīṁ tvāṁ bhajāmyaham |
dēvīṁ vandē yōgivandyē jaya lōkavaśaṅkari || 13 ||
sarvālaṅkārasamyuktē namastubhyaṁ nidhīśvari |
sargapālanasaṁhārahētubhūtē sanātani || 14 ||
jaya mātaṅgatanayē jaya nīlōtpalaprabhē |
bhajē śakrādivandyē tvāṁ jaya tvaṁ bhuvanēśvari || 15 ||
jaya tvaṁ sarvabhaktānāṁ sakalābhīṣṭadāyini |
jaya tvaṁ sarvabhadrāṅgī bhaktā:’śubhavināśini || 16 ||
mahāvidyē namastubhyaṁ siddhalakṣmi namō:’stu tē |
brahmaviṣṇuśivastutyē bhaktānāṁ sarvakāmadē || 17 ||
mātaṅgīśvaravandyē tvāṁ prasīda mama sarvadā |
ityētacchyāmalāstōtraṁ sarvakāmasamr̥ddhidam || 18 ||
śuddhātmā prajapēdyastu nityamēkāgramānasaḥ |
sa labhētsakalānkāmān vaśīkuryājjagattrayam || 19 ||
śīghraṁ dāsā bhavantyasya dēvā yōgīśvarādayaḥ |
rambhōrvaśyādyapsarasāmavyayō madanō bhavēt || 20 ||
nr̥pāśca martyāḥ sarvē:’sya sadā dāsā bhavanti hi |
labhēdaṣṭaguṇaiśvaryaṁ dāridryēṇa vimucyatē || 21 ||
śaṅkhādi nidhayō dvārsthāḥ sānnidhyaṁ paryupāsatē |
vyācaṣṭē sarvaśāstrāṇi sarvavidyānidhirbhavēt || 22 ||
vimuktaḥ sakalāpadbhiḥ labhētsampattimuttamām |
mahāpāpōpapāpaughaiḥ saśīghraṁ mucyatē naraḥ || 23 ||
jātismaratvamāpnōti brahmajñānamanuttamam |
sadāśivatvamāpnōti sōntē nātra vicāraṇā || 24 ||
iti śrī śyāmalā stōtram |
See more dēvī stōtrāṇi for chanting.
See more śrī śyāmalā stōtrāṇi for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
