Shraddha Suktam (Rigveda) – śraddhā sūktam (r̥gvēdīya)

stōtranidhi → vēda sūktāni → śraddhā sūktam (r̥gvēdīya)

(ṛ|10|151)

śra̱ddhayā̱gniḥ sami̍dhyate śra̱ddhayā̍ hūyate ha̱viḥ |
śra̱ddhāṃ bhaga̍sya mū̱rdhani̱ vaca̱sā ve̍dayāmasi || 1

pri̱yaṃ śra̍ddhe̱ dada̍taḥ pri̱yaṃ śra̍ddhe̱ didā̍sataḥ |
pri̱yaṃ bho̱jeṣu̱ yajva̍svi̱daṃ ma̍ udi̱taṃ kṛ̍dhi || 2

yathā̍ de̱vā asu̍reṣu śra̱ddhāmu̱greṣu̍ cakri̱re |
e̱vaṃ bho̱jeṣu̱ yajva̍sva̱smāka̍mudi̱taṃ kṛ̍dhi || 3

śra̱ddhāṃ de̱vā yaja̍mānā vā̱yugo̍pā̱ upā̍sate |
śra̱ddhāṃ hṛ̍da̱yya̍yā̱”kū̍tyā śra̱ddhayā̍ vindate̱ vasu̍ || 4

śra̱ddhāṃ prā̱tarha̍vāmahe śra̱ddhāṃ ma̱dhyandi̍na̱ṃ pari̍ |
śra̱ddhāṃ sūrya̍sya ni̱mruci̱ śraddhe̱ śraddhā̍paye̱ha na̍: || 5

---

See more vēda sūktāni for chanting.

Did you see any mistake/variation in the content above? Click here to report mistakes and corrections in Stotranidhi content.