Read in తెలుగు / ಕನ್ನಡ / தமிழ் / देवनागरी / English (IAST)
svasaṅkalpakalākalpairāyudhairāyudhēśvaraḥ |
juṣṭaḥ ṣōḍaśabhirdivyairjuṣatāṁ vaḥ paraḥ pumān || 1 ||
yadāyattaṁ jagaccakraṁ kālacakraṁ ca śāśvatam |
pātu vastat paraṁ cakraṁ cakrarūpasya cakriṇaḥ || 2 ||
yatprasūti śatairāsan rudrāḥ paraśulāñchanāḥ |
sa divyō hētirājasya paraśuḥ paripātu vaḥ || 3 ||
hēlayā hētirājēna yasmin daityāḥ samuddhr̥tē |
śakuntā iva dhāvanti sa kuntaḥ pālayēta vaḥ || 4 ||
daityadānavamukhyānāṁ daṇḍyānāṁ yēna daṇḍanam |
hētidaṇḍēśadaṇḍō:’sau bhavatāṁ daṇḍayēddviṣaḥ || 5 ||
ananyānvayabhaktānāṁ rundhannāśāmataṅgajān |
anaṅkuśavihārō vaḥ pātu hētīśvarāṅkuśaḥ || 6 ||
sambhūya śalabhāyantē yatra pāpāni dēhinām |
sa pātu śatavaktrāgnihētirhētīśvarasya vaḥ || 7 ||
avidyāṁ svaprakāśēna vidyārūpaśchinatti yaḥ |
sa sudarśananistriṁśaḥ sautu vastattvadarśanam || 8 ||
kriyāśaktiguṇō viṣṇōryō bhavatyatiśaktimān |
akuṇṭhaśaktiḥ sā śaktiraśaktiṁ vārayēta vaḥ || 9 ||
tāratvaṁ yasya saṁsthānē śabdē ca paridr̥śyatē |
prabhōḥ praharaṇēndrasya pāñcajanyaḥ sa pātu vaḥ || 10 ||
yaṁ sāttvikamahaṅkāramāmanantyakṣasāyakam |
avyādvaścakrarūpasya taddhanuḥ śārṅgadhanvanaḥ || 11 ||
āyudhēndrēṇa yēnaiva viśvasargō viracyatē |
sa vaḥ saudarśanaḥ kuryāt pāśaḥ pāśavimōcanam || 12 ||
vihārō yēna dēvasya viśvakṣētrakr̥ṣīvalaḥ |
vyajyatē tēna sīrēṇa nāsīravijayō:’stu vaḥ || 13 ||
āyudhānāmahaṁ vajraṁ ityagīyata yaḥ sa vaḥ |
avyāddhētīśavajrō:’sāvadadhīcyasthisambhavaḥ || 14 ||
viśvasaṁhr̥tiśaktiryā viśrutā buddhirūpiṇī |
sā vaḥ saudarśanī bhūyādgadapraśamanī gadā || 15 ||
yātyatikṣōdaśālitvaṁ musalō yēna tēna vaḥ |
hētīśamusalēnāśu bhidyatāṁ mōhamausalam || 16 ||
śūlidr̥ṣṭamanōrvācyō yēna śūlayati dviṣaḥ |
bhavatāṁ tēna bhavatāt triśūlēna viśūlatā || 17 ||
astragrāmasya kr̥tsnasya prasūtiṁ yaṁ pracakṣatē |
sō:’vyāt sudarśanō viśvaṁ āyudhaiḥ ṣōḍaśāyudhaḥ || 18 ||
śrīmadvēṅkaṭanāthēna śrēyasē bhūyasē satām |
kr̥tēyamāyudhēndrasya ṣōḍaśāyudhasaṁstutiḥ || 19 ||
iti śrīvēdāntadēśika viracitaṁ ṣōḍaśāyudha stōtram ||
See more śrī viṣṇu stōtrāṇi for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
