Read in తెలుగు / ಕನ್ನಡ / தமிழ் / English (IAST)
nārāyaṇīyaṁ ēkacatvāriṁśadaśakam (41) – pūtanādahanaṁ tathā kr̥ṣṇalālanāhlādam |
vrajēśvaraḥ śaurivacō niśamya samāvrajannadhvani bhītacētāḥ |
niṣpiṣṭaniśśēṣataruṁ nirīkṣya kañcitpadārthaṁ śaraṇaṁ gatastvām || 41-1 ||
niśamya gōpīvacanādudantaṁ sarvē:’pi gōpā bhayavismayāndhāḥ |
tvatpātitaṁ ghōrapiśācadēhaṁ dēhurvidūrē:’tha kuṭhārakr̥ttam || 41-2 ||
tvatpītapūtastanataccharīrā-tsamuccalannuccatarō hi dhūmaḥ |
śaṅkāmadhādāgaravaḥ kimēṣa kiṁ cāndanō gaulgulavō:’thavēti || 41-3 ||
madaṅgasaṅgasya phalaṁ na dūrē kṣaṇēna tāvadbhavatāmapi syāt |
ityullapanvallavatallajēbhyastvaṁ pūtanāmātanuthāssugandhim || 41-4 ||
citraṁ piśācyā na hataḥ kumāraścitraṁ puraivākathi śauriṇēdam |
iti praśaṁsankila gōpalōkō bhavanmukhālōkarasē nyamāṅkṣīt || 41-5 ||
dinē dinē:’tha prativr̥ddhalakṣmīrakṣīṇamāṅgalyaśatō vrajō:’yam |
bhavannivāsādayi vāsudēva pramōdasāndraḥ paritō virējē || 41-6 ||
gr̥hēṣu tē kōmalarūpahāsamithaḥ kathāsaṅkulitāḥ kamanyaḥ |
vr̥ttēṣu kr̥tyēṣu bhavannirīkṣāsamāgatāḥ pratyahamatyanandan || 41-7 ||
ahō kumārō mayi dattadr̥ṣṭiḥ smitaṁ kr̥taṁ māṁ prati vatsakēna |
ēhyēhi māmityupasārya pāṇiṁ tvayīśa kiṁ kiṁ na kr̥taṁ vadhūbhiḥ || 41-8 ||
bhavadvapuḥsparśanakautukēna karātkaraṁ gōpavadhūjanēna |
nītastvamātāmrasarōjamālā-vyālaṁbilōlaṁbatulāmalāsīḥ || 41-9 ||
nipāyayantī stanamaṅkagaṁ tvāṁ vilōkayantī vadanaṁ hasantī |
daśāṁ yaśōdā katamānna bhējē sa tādr̥śaḥ pāhi harē gadānmām || 41-10 ||
iti ēkacatvāriṁśadaśakaṁ samāptam ||
See complete nārāyaṇīyam for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
