Read in తెలుగు / ಕನ್ನಡ / தமிழ் / देवनागरी / English (IAST)
saumukhyanāmaparivardhitamantrarūpau
vaimukhyabhāvaparimārjana karmabaddhau
prāmukhyakīrti varadāna vidhānakarmau
lakṣmīgaṇēśacaraṇau śaraṇaṁ prapadyē || 1 ||
śrēṣṭhaikadantagajarūpanijānubhāvyau
gōṣṭhīprapañcitapunītakathāprasaṅgau
prōṣṭhapradāyaka samunnatabhadrarūpau
lakṣmīgaṇēśacaraṇau śaraṇaṁ prapadyē || 2 ||
rājadvilāsakapilāhvayarūpabhāsau
bhrājatkalānivahasaṁstutadivyarūpau
saujanyabhāsuramanōviṣayaprabhāsau
lakṣmīgaṇēśacaraṇau śaraṇaṁ prapadyē || 3 ||
vibhrājadātmagajakarṇikayā suvēdyau
śubhrāṁśu saumyarucirau śubhacintanīyau
abhraṅkaṣātmamahimau mahanīyavarṇau
lakṣmīgaṇēśacaraṇau śaraṇaṁ prapadyē || 4 ||
lambōdarātmakatanūvibhavānubhāvyau
bimbāyamānavarakāntipathānugamyau
sambōdhitākhila carācaralōkadr̥śyau
lakṣmīgaṇēśacaraṇau śaraṇaṁ prapadyē || 5 ||
duṣṭāsurēṣu vikaṭīkr̥tanaijarūpau
śiṣṭānurañjanacaṇau śikharāyamāṇau
sr̥ṣṭisthitipralayakāraṇakāryamagnau
lakṣmīgaṇēśacaraṇau śaraṇaṁ prapadyē || 6 ||
nirvighnarājitapathau niyamaikavēdyau
garvāpanēyacaritau gaṇarāḍvinōdau
sarvōnnatau sakalapālanakarmaśīlau
lakṣmīgaṇēśacaraṇau śaraṇaṁ prapadyē || 7 ||
gāṇādhipatyapadavīpravibhaktadīpau
prāṇapradānakuśalau pravilāsabhāvau
trāṇōtsukau niratabhāgyavidhānaśīlau
lakṣmīgaṇēśacaraṇau śaraṇaṁ prapadyē || 8 ||
prāgdhūmakētuvaranāma virājamānau
svādhīnakarmakuśalau samabhāvabhāvyau
bādhānivāraṇacaṇau bhavabandhanāśau
lakṣmīgaṇēśacaraṇau śaraṇaṁ prapadyē || 9 ||
īśau gaṇādhipati divyapathānugamyau
rāśīkr̥tātmaguṇabhāgyavivardhamānau
āśāntadīptivibhavau sukr̥tātmadr̥śyau
lakṣmīgaṇēśacaraṇau śaraṇaṁ prapadyē || 10 ||
maulīndukāntiviśadīkr̥tatattvabhāsau
kēlīvilāsarucirau kamanīyaśōbhau
vyālōlabhaktiramaṇau varadānaśīlau
lakṣmīgaṇēśacaraṇau śaraṇaṁ prapadyē || 11 ||
śrēṣṭhaugajānanapurāṇakathāvilīnau
śrēṣṭhaprabhāvalayinau ciradīptibhāsau
śrēṣṭhātmatattva caritau śivadānaśīlau
lakṣmīgaṇēśacaraṇau śaraṇaṁ prapadyē || 12 ||
śrīvakratuṇḍamukhakāntisamānabhāsau
bhāvōnnatiprathita saṁstavanīyaśōbhau
sēvānuraktajanatāvanakarmadakṣau
lakṣmīgaṇēśacaraṇau śaraṇaṁ prapadyē || 13 ||
śūrpōpamāna nijakarṇavilēkhyavarṇau
darpāpanōdanacaṇau darahāsaśōbhau
karpūra sāmyavimalau karuṇāvilāsau
lakṣmīgaṇēśacaraṇau śaraṇaṁ prapadyē || 14 ||
hērambanāmapaṭhanēna virājamānau
prārambhakāryaphaladāna samarcanīyau
śrīramyakāntivibhavau cirakīrtiniṣṭhau
lakṣmīgaṇēśacaraṇau śaraṇaṁ prapadyē || 15 ||
skandāgrajatvapadavīvilasat prabhāvau
mandārasundara sumārcitadivyarūpau
kundōpamau kavijanātmavilāsahāsau
lakṣmīgaṇēśacaraṇau śaraṇaṁ prapadyē || 16 ||
iti śrī marakata lakṣmīgaṇapati prapattiḥ sampūrṇā ||
marakata śrī lakṣmīgaṇapati maṅgalāśāsanam >>
See more śrī gaṇēśa stōtrāṇi for chanting.
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
