Sri Mahalakshmi Ashtakam – śrī mahālakṣmyaṣṭakam


indra uvāca |
namastē:’stu mahāmāyē śrīpīṭhē surapūjitē |
śaṅkhacakragadāhastē mahālakṣmi namō:’stu tē || 1 ||

namastē garuḍārūḍhē kōlāsurabhayaṅkari |
sarvapāpaharē dēvi mahālakṣmi namō:’stu tē || 2 ||

sarvajñē sarvavaradē sarvaduṣṭabhayaṅkari |
sarvaduḥkhaharē dēvi mahālakṣmi namō:’stu tē || 3 ||

siddhibuddhipradē dēvi bhuktimuktipradāyini |
mantramūrtē sadā dēvi mahālakṣmi namō:’stu tē || 4 ||

ādyantarahitē dēvi ādyaśakti mahēśvari |
yōgajē yōgasambhūtē mahālakṣmi namō:’stu tē || 5 || [yōgajñē]

sthūlasūkṣmamahāraudrē mahāśaktē mahōdarē |
mahāpāpaharē dēvi mahālakṣmi namō:’stu tē || 6 ||

padmāsanasthitē dēvi parabrahmasvarūpiṇi |
paramēśi jaganmātarmahālakṣmi namō:’stu tē || 7 ||

śvētāmbaradharē dēvi nānālaṅkārabhūṣitē |
jagatsthitē jaganmātarmahālakṣmi namō:’stu tē || 8 ||

mahālakṣmyaṣṭakaṁ stōtraṁ yaḥ paṭhēdbhaktimānnaraḥ |
sarvasiddhimavāpnōti rājyaṁ prāpnōti sarvadā || 9 ||

ēkakālaṁ paṭhēnnityaṁ mahāpāpavināśanam |
dvikālaṁ yaḥ paṭhēnnityaṁ dhanadhānyasamanvitaḥ || 10 ||

trikālaṁ yaḥ paṭhēnnityaṁ mahāśatruvināśanam |
mahālakṣmīrbhavēnnityaṁ prasannā varadā śubhā || 11 ||

iti śrī mahālakṣmyaṣṭakam ||


See more śrī lakṣmī stōtrāṇi for chanting.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

2 thoughts on “Sri Mahalakshmi Ashtakam – śrī mahālakṣmyaṣṭakam

Leave a Reply

error: Not allowed
%d bloggers like this: