Read in తెలుగు / ಕನ್ನಡ / தமிழ் / देवनागरी / English (IAST)
|| bilapravēśakāraṇakathanam ||
atha tānabravītsarvān vikrāntān haripuṅgavān |
idaṁ vacanamēkāgrā tāpasī dharmacāriṇī || 1 ||
vānarā yadi vaḥ khēdaḥ pranaṣṭaḥ phalabhakṣaṇāt |
yadi caitanmayā śrāvyaṁ śrōtumicchāmi kathyatām || 2 ||
tasyāstadvacanaṁ śrutvā hanumān mārutātmajaḥ |
ārjavēna yathātattvamākhyātumupacakramē || 3 ||
rājā sarvasya lōkasya mahēndravaruṇōpamaḥ |
rāmō dāśarathiḥ śrīmān praviṣṭō daṇḍakāvanam || 4 ||
lakṣmaṇēna saha bhrātrā vaidēhyā cāpi bhāryayā |
tasya bhāryā janasthānādrāvaṇēna hr̥tā balāt || 5 ||
vīrastasya sakhā rājñaḥ sugrīvō nāma vānaraḥ |
rājā vānaramukhyānāṁ yēna prasthāpitā vayam || 6 ||
agastyacaritāmāśāṁ dakṣiṇāṁ yamarakṣitām |
sahaibhirvānarairghōrairaṅgadapramukhairvayam || 7 ||
rāvaṇaṁ sahitāḥ sarvē rākṣasaṁ kāmarūpiṇam |
sītayā saha vaidēhyā mārgadhvamiti cōditāḥ || 8 ||
vicitya tu vayaṁ sarvē samagrāṁ dakṣiṇāṁ diśam |
bubhukṣitāḥ pariśrāntā vr̥kṣamūlamupāśritāḥ || 9 ||
vivarṇavadanāḥ sarvē sarvē dhyānaparāyaṇāḥ |
nādhigacchāmahē pāraṁ magnāścintāmahārṇavē || 10 ||
cārayantastataścakṣurdr̥ṣṭavantō vayaṁ bilam |
latāpādapasañchannaṁ timirēṇa samāvr̥tam || 11 ||
asmāddhaṁsā jalaklinnāḥ pakṣaiḥ salilavisravaiḥ |
kurarāḥ sārasāścaiva niṣpatanti patattriṇaḥ || 12 ||
sādhvatra praviśāmēti mayā tūktāḥ plavaṅgamāḥ |
tēṣāmapi hi sarvēṣāmanumānamupāgatam || 13 ||
gacchāma praviśāmēti bhartr̥kāryatvarānvitāḥ |
tatō gāḍhaṁ nipatitā gr̥hya hastau parasparam || 14 ||
idaṁ praviṣṭāḥ sahasā bilaṁ timirasaṁvr̥tam |
ētannaḥ kāryamētēna kr̥tyēna vayamāgatāḥ || 15 ||
tvāṁ caivōpagatāḥ sarvē paridyūnā bubhukṣitāḥ |
ātithyadharmadattāni mūlāni ca phalāni ca || 16 ||
asmābhirupabhuktāni bubhukṣāparipīḍitaiḥ |
yattvayā rakṣitāḥ sarvē mriyamāṇā bubhukṣayā || 17 ||
brūhi pratyupakārārthaṁ kiṁ tē kurvantu vānarāḥ |
ēvamuktā tu sarvajñā vānaraistaiḥ svayamprabhā || 18 ||
pratyuvāca tataḥ sarvānidaṁ vānarayūthapān |
sarvēṣāṁ parituṣṭā:’smi vānarāṇāṁ tarasvinām |
carantyā mama dharmēṇa na kāryamiha kēnacit || 19 ||
ityārṣē śrīmadrāmāyaṇē vālmīkīyē ādikāvyē kiṣkindhākāṇḍē dvipañcāśaḥ sargaḥ || 52 ||
See more śrī rāma stōtrāṇi for chanting.
See more vālmīki rāmāyaṇam for chanting.
See more vālmīki rāmāyaṇē araṇyakāṇḍa for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
