Read in తెలుగు / ಕನ್ನಡ / தமிழ் / देवनागरी / English (IAST)
|| rajataparvatavicayaḥ ||
athāṅgadastadā sarvān vānarānidamabravīt |
pariśrāntō mahāprājñaḥ samāśvāsya śanairvacaḥ || 1 ||
vanāni girayō nadyō durgāṇi gahanāni ca |
daryō giriguhāścaiva vicitāni samantataḥ || 2 ||
tatra tatra sahāsmābhirjānakī na ca dr̥śyatē |
tadvā rakṣō hr̥tā yēna sītā surasutōpamā || 3 ||
kālaśca vō mahān yātaḥ sugrīvaścōgraśāsanaḥ |
tasmādbhavantaḥ sahitā vicinvantu samantataḥ || 4 ||
vihāya tandrīṁ śōkaṁ ca nidrāṁ caiva samutthitām |
vicinudhvaṁ yathā sītāṁ paśyāmō janakātmajām || 5 ||
anirvēdaṁ ca dākṣyaṁ ca manasaścāparājayaḥ |
kāryasiddhikarāṇyāhustasmādētadbravīmyaham || 6 ||
adyāpi tadvanaṁ durgaṁ vicinvantu vanaukasaḥ |
khēdaṁ tyaktvā punaḥ sarvairvanamētadvicīyatām || 7 ||
avaśyaṁ kriyamāṇasya dr̥śyatē karmaṇaḥ phalam |
alaṁ nirvēdamāgamya na hi nō mīlanaṁ kṣamam || 8 ||
sugrīvaḥ kōpanō rājā tīkṣṇadaṇḍaśca vānaraḥ |
bhētavyaṁ tasya satataṁ rāmasya ca mahātmanaḥ || 9 ||
hitārthamētaduktaṁ vaḥ kriyatāṁ yadi rōcatē |
ucyatāṁ vā kṣamaṁ yannaḥ sarvēṣāmēva vānarāḥ || 10 ||
aṅgadasya vacaḥ śrutvā vacanaṁ gandhamādanaḥ |
uvācāvyaktayā vācā pipāsāśramakhinnayā || 11 ||
sadr̥śaṁ khalu vō vākyamaṅgadō yaduvāca ha |
hitaṁ caivānukūlaṁ ca kriyatāmasya bhāṣitam || 12 ||
punarmārgāmahē śailān kandarāṁśca darīṁstathā |
kānanāni ca śūnyāni giriprasravaṇāni ca || 13 ||
yathōddiṣṭāni sarvāṇi sugrīvēṇa mahātmanā |
vicinvantu vanaṁ sarvē giridurgāṇi sarvaśaḥ || 14 ||
tataḥ samutthāya punarvānarāstē mahābalāḥ |
vindhyakānanasaṅkīrṇāṁ vicērurdakṣiṇāṁ diśam || 15 ||
tē śāradābhrapratimaṁ śrīmadrajataparvatam |
śr̥ṅgavantaṁ darīmantamadhiruhya ca vānarāḥ || 16 ||
tatra lōdhravanaṁ ramyaṁ saptaparṇavanāni ca |
vyacinvaṁstē harivarāḥ sītādarśanakāṅkṣiṇaḥ || 17 ||
tasyāgramadhirūḍhāstē śrāntā vipulavikramāḥ |
na paśyanti sma vaidēhīṁ rāmasya mahiṣīṁ priyām || 18 ||
tē tu dr̥ṣṭigataṁ kr̥tvā taṁ śailaṁ bahukandaram |
avārōhanta harayō vīkṣamāṇāḥ samantataḥ || 19 ||
avaruhya tatō bhūmiṁ śrāntā vigatacētasaḥ |
sthitvā muhūrtaṁ tatrātha vr̥kṣamūlamupāśritāḥ || 20 ||
tē muhūrtaṁ samāśvastāḥ kiñcidbhagnapariśramāḥ |
punarēvōdyatāḥ kr̥tsnāṁ mārgituṁ dakṣiṇāṁ diśam || 21 ||
hanumatpramukhāstē tu prasthitāḥ plavagarṣabhāḥ |
vindhyamēvāditastāvadvicērustē tatastataḥ || 22 ||
ityārṣē śrīmadrāmāyaṇē vālmīkīyē ādikāvyē kiṣkindhākāṇḍē ēkōnapañcāśaḥ sargaḥ || 49 ||
See more śrī rāma stōtrāṇi for chanting.
See more vālmīki rāmāyaṇam for chanting.
See more vālmīki rāmāyaṇē araṇyakāṇḍa for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
