Read in తెలుగు / ಕನ್ನಡ / தமிழ் / देवनागरी / English (IAST)
॥ ரஜதபர்வதவிசய꞉ ॥
அதா²ங்க³த³ஸ்ததா³ ஸர்வாந் வாநராநித³மப்³ரவீத் ।
பரிஶ்ராந்தோ மஹாப்ராஜ்ஞ꞉ ஸமாஶ்வாஸ்ய ஶநைர்வச꞉ ॥ 1 ॥
வநாநி கி³ரயோ நத்³யோ து³ர்கா³ணி க³ஹநாநி ச ।
த³ர்யோ கி³ரிகு³ஹாஶ்சைவ விசிதாநி ஸமந்தத꞉ ॥ 2 ॥
தத்ர தத்ர ஸஹாஸ்மாபி⁴ர்ஜாநகீ ந ச த்³ருஶ்யதே ।
தத்³வா ரக்ஷோ ஹ்ருதா யேந ஸீதா ஸுரஸுதோபமா ॥ 3 ॥
காலஶ்ச வோ மஹாந் யாத꞉ ஸுக்³ரீவஶ்சோக்³ரஶாஸந꞉ ।
தஸ்மாத்³ப⁴வந்த꞉ ஸஹிதா விசிந்வந்து ஸமந்தத꞉ ॥ 4 ॥
விஹாய தந்த்³ரீம் ஶோகம் ச நித்³ராம் சைவ ஸமுத்தி²தாம் ।
விசிநுத்⁴வம் யதா² ஸீதாம் பஶ்யாமோ ஜநகாத்மஜாம் ॥ 5 ॥
அநிர்வேத³ம் ச தா³க்ஷ்யம் ச மநஸஶ்சாபராஜய꞉ ।
கார்யஸித்³தி⁴கராண்யாஹுஸ்தஸ்மாதே³தத்³ப்³ரவீம்யஹம் ॥ 6 ॥
அத்³யாபி தத்³வநம் து³ர்க³ம் விசிந்வந்து வநௌகஸ꞉ ।
கே²த³ம் த்யக்த்வா புந꞉ ஸர்வைர்வநமேதத்³விசீயதாம் ॥ 7 ॥
அவஶ்யம் க்ரியமாணஸ்ய த்³ருஶ்யதே கர்மண꞉ ப²லம் ।
அலம் நிர்வேத³மாக³ம்ய ந ஹி நோ மீலநம் க்ஷமம் ॥ 8 ॥
ஸுக்³ரீவ꞉ கோபநோ ராஜா தீக்ஷ்ணத³ண்ட³ஶ்ச வாநர꞉ ।
பே⁴தவ்யம் தஸ்ய ஸததம் ராமஸ்ய ச மஹாத்மந꞉ ॥ 9 ॥
ஹிதார்த²மேதது³க்தம் வ꞉ க்ரியதாம் யதி³ ரோசதே ।
உச்யதாம் வா க்ஷமம் யந்ந꞉ ஸர்வேஷாமேவ வாநரா꞉ ॥ 10 ॥
அங்க³த³ஸ்ய வச꞉ ஶ்ருத்வா வசநம் க³ந்த⁴மாத³ந꞉ ।
உவாசாவ்யக்தயா வாசா பிபாஸாஶ்ரமகி²ந்நயா ॥ 11 ॥
ஸத்³ருஶம் க²லு வோ வாக்யமங்க³தோ³ யது³வாச ஹ ।
ஹிதம் சைவாநுகூலம் ச க்ரியதாமஸ்ய பா⁴ஷிதம் ॥ 12 ॥
புநர்மார்கா³மஹே ஶைலாந் கந்த³ராம்ஶ்ச த³ரீம்ஸ்ததா² ।
காநநாநி ச ஶூந்யாநி கி³ரிப்ரஸ்ரவணாநி ச ॥ 13 ॥
யதோ²த்³தி³ஷ்டாநி ஸர்வாணி ஸுக்³ரீவேண மஹாத்மநா ।
விசிந்வந்து வநம் ஸர்வே கி³ரிது³ர்கா³ணி ஸர்வஶ꞉ ॥ 14 ॥
தத꞉ ஸமுத்தா²ய புநர்வாநராஸ்தே மஹாப³லா꞉ ।
விந்த்⁴யகாநநஸங்கீர்ணாம் விசேருர்த³க்ஷிணாம் தி³ஶம் ॥ 15 ॥
தே ஶாரதா³ப்⁴ரப்ரதிமம் ஶ்ரீமத்³ரஜதபர்வதம் ।
ஶ்ருங்க³வந்தம் த³ரீமந்தமதி⁴ருஹ்ய ச வாநரா꞉ ॥ 16 ॥
தத்ர லோத்⁴ரவநம் ரம்யம் ஸப்தபர்ணவநாநி ச ।
வ்யசிந்வம்ஸ்தே ஹரிவரா꞉ ஸீதாத³ர்ஶநகாங்க்ஷிண꞉ ॥ 17 ॥
தஸ்யாக்³ரமதி⁴ரூடா⁴ஸ்தே ஶ்ராந்தா விபுலவிக்ரமா꞉ ।
ந பஶ்யந்தி ஸ்ம வைதே³ஹீம் ராமஸ்ய மஹிஷீம் ப்ரியாம் ॥ 18 ॥
தே து த்³ருஷ்டிக³தம் க்ருத்வா தம் ஶைலம் ப³ஹுகந்த³ரம் ।
அவாரோஹந்த ஹரயோ வீக்ஷமாணா꞉ ஸமந்தத꞉ ॥ 19 ॥
அவருஹ்ய ததோ பூ⁴மிம் ஶ்ராந்தா விக³தசேதஸ꞉ ।
ஸ்தி²த்வா முஹூர்தம் தத்ராத² வ்ருக்ஷமூலமுபாஶ்ரிதா꞉ ॥ 20 ॥
தே முஹூர்தம் ஸமாஶ்வஸ்தா꞉ கிஞ்சித்³ப⁴க்³நபரிஶ்ரமா꞉ ।
புநரேவோத்³யதா꞉ க்ருத்ஸ்நாம் மார்கி³தும் த³க்ஷிணாம் தி³ஶம் ॥ 21 ॥
ஹநுமத்ப்ரமுகா²ஸ்தே து ப்ரஸ்தி²தா꞉ ப்லவக³ர்ஷபா⁴꞉ ।
விந்த்⁴யமேவாதி³தஸ்தாவத்³விசேருஸ்தே ததஸ்தத꞉ ॥ 22 ॥
இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே கிஷ்கிந்தா⁴காண்டே³ ஏகோநபஞ்சாஶ꞉ ஸர்க³꞉ ॥ 49 ॥
ஸம்பூர்ண வால்மீகி ராமாயணே கிஷ்கிந்த⁴காண்ட³ பார்க்க.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
