Read in తెలుగు / ಕನ್ನಡ / தமிழ் / देवनागरी / English (IAST)
gajāsyā siṁhavaktrā ca gr̥dhrāsyā kākatuṇḍikā |
uṣṭrāsyā:’śvakharagrīvā vārāhāsyā śivānanā || 1 ||
ulūkākṣī ghōraravā māyūrī śarabhānanā |
kōṭarākṣī cāṣṭavaktrā kubjā ca vikaṭānanā || 2 ||
śuṣkōdarī lalajjihvā śvadaṁṣṭrā vānarānanā |
r̥kṣākṣī kēkarākṣī ca br̥hattuṇḍā surāpriyā || 3 ||
kapālahastā raktākṣī śukī śyēnī kapōtikā |
pāśahastā daṇḍahastā pracaṇḍā caṇḍavikramā || 4 ||
śiśughnī pāśahantrī ca kālī rudhirapāyinī |
vasāpānā garbhabhakṣā śavahastā:’:’ntramālikā || 5 ||
r̥kṣakēśī mahākukṣirnāgāsyā prētapr̥ṣṭhakā |
dagdhaśūkadharā krauñcī mr̥gaśr̥ṅgā vr̥ṣānanā || 6 ||
phāṭitāsyā dhūmraśvāsā vyōmapādōrdhvadr̥ṣṭikā |
tāpinī śōṣiṇī sthūlaghōṇōṣṭhā kōṭarī tathā || 7 ||
vidyullōlā balākāsyā mārjārī kaṭapūtanā |
aṭ-ṭahāsyā ca kāmākṣī mr̥gākṣī cēti tā matāḥ || 8 ||
phalaśrutiḥ –
catuḥṣaṣṭistu yōginyaḥ pūjitā navarātrakē |
duṣṭabādhāṁ nāśayanti garbhabālādirakṣikāḥ || 9 ||
na ḍākinyō na śākinyō na kūṣmāṇḍā na rākṣasāḥ |
tasya pīḍāṁ prakurvanti nāmānyētāni yaḥ paṭhēt || 10 ||
raṇē rājakulē vāpi vivādē jayadānyapi |
balipūjōpahāraiśca dhūpadīpasamarpaṇaiḥ |
kṣipraṁ prasannā yōginyō prayacchēyurmanōrathān || 11 ||
iti śrīlakṣmīnārāyaṇa saṁhitāyāṁ kr̥tayugasantānākhyānaṁ nāma prathama khaṇḍē tryaśītitamō:’dhyāyē catuḥṣaṣṭiyōginī stavarājaḥ |
See more dēvī stōtrāṇi for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
