Read in తెలుగు / ಕನ್ನಡ / தமிழ் / देवनागरी / English (IAST)
dēvā ūcuḥ |
brahmaṇē brahmavijñānadugdhōdadhi vidhāyinē |
brahmatattvadidr̥kṣūṇāṁ brahmadāya namō namaḥ || 1 ||
kaṣṭasaṁsāramagnānāṁ saṁsārōttārahētavē |
sākṣiṇē sarvabhūtānāṁ sākṣihīnāya tē namaḥ || 2 ||
sarvadhātrē vidhātrē ca sarvadvandvāpahāriṇē |
sarvāvasthāsu sarvēṣāṁ sākṣiṇē vai namō namaḥ || 3 ||
parātparavihīnāya parāya paramēṣṭhinē |
parijñānavatāmāttasvarūpāya namō namaḥ || 4 ||
padmajāya pavitrāya padmanābhasutāya ca |
padmapuṣpaiḥ supūjyāya namaḥ padmadharāya ca || 5 ||
surajyēṣṭhāya sūryādidēvatā tr̥ptikāriṇē |
surāsuranarādīnāṁ sukhadāya namō namaḥ || 6 ||
vēdhasē viśvanētrāya viśuddhajñānarūpiṇē |
vēdavēdyāya vēdāntanidhayē vai namō namaḥ || 7 ||
vidhayē vidhihīnāya vidhivākyavidhāyinē |
vidhyukta karmaniṣṭhānāṁ namō vidyāpradāyinē || 8 ||
viriñcāya viśiṣṭāya viśiṣṭārtiharāya ca |
viṣaṇṇānāṁ viṣādābdhivināśāya namō namaḥ || 9 ||
namō hiraṇyagarbhāya hiraṇyagirivartinē |
hiraṇyadānalabhyāya hiraṇyātipriyāya ca || 10 ||
śatānanāya śāntāya śaṅkarajñānadāyinē |
śamādisahitāyaiva jñānadāya namō namaḥ || 11 ||
śambhavē śambhubhaktānāṁ śaṅkarāya śarīriṇām |
śāṅkarajñānahīnānāṁ śatravē vai namō namaḥ || 12 ||
namaḥ svayambhuvē nityaṁ svayaṁ bhūbrahmadāyinē |
svayaṁ brahmasvarūpāya svatantrāya parātmanē || 13 ||
druhiṇāya durācāraniratasya durātmanaḥ |
duḥkhadāyānyajantūnāṁ ātmadāya namō namaḥ || 14 ||
vandyahīnāya vandyāya varadāya parasya ca |
variṣṭhāya variṣṭhānāṁ caturvaktrāya vai namaḥ || 15 ||
prajāpatisamākhyāya prajānāṁ patayē namaḥ |
prājāpatyaviraktasya namaḥ prajñāpradāyinē || 16 ||
pitāmahāya pitrādikalpanārahitāya ca |
piśunāgamyadēhāya pēśalāya namō namaḥ || 17 ||
jagatkartrē jagadgōptrē jagaddhantrē parātmanē |
jagaddr̥śyavihīnāya cinmātrajyōtiṣē namaḥ || 18 ||
viśvōttīrṇāya viśvāya viśvahīnāya sākṣiṇē |
svaprakāśaikamānāya namaḥ pūrṇaparātmanē || 19 ||
stutyāya stutihīnāya stōtrarūpāya tattvataḥ |
stōtr̥ṇāmapi sarvēṣāṁ sukhadāya namō namaḥ || 20 ||
iti skāndapurāṇē sūtasaṁhitāyāṁ dēvakr̥ta brahmastōtram |
See more vividha stōtrāṇi for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
