Read in తెలుగు / ಕನ್ನಡ / தமிழ் / देवनागरी / English (IAST)
దేవా ఊచుః |
బ్రహ్మణే బ్రహ్మవిజ్ఞానదుగ్ధోదధి విధాయినే |
బ్రహ్మతత్త్వదిదృక్షూణాం బ్రహ్మదాయ నమో నమః || ౧ ||
కష్టసంసారమగ్నానాం సంసారోత్తారహేతవే |
సాక్షిణే సర్వభూతానాం సాక్షిహీనాయ తే నమః || ౨ ||
సర్వధాత్రే విధాత్రే చ సర్వద్వంద్వాపహారిణే |
సర్వావస్థాసు సర్వేషాం సాక్షిణే వై నమో నమః || ౩ ||
పరాత్పరవిహీనాయ పరాయ పరమేష్ఠినే |
పరిజ్ఞానవతామాత్తస్వరూపాయ నమో నమః || ౪ ||
పద్మజాయ పవిత్రాయ పద్మనాభసుతాయ చ |
పద్మపుష్పైః సుపూజ్యాయ నమః పద్మధరాయ చ || ౫ ||
సురజ్యేష్ఠాయ సూర్యాదిదేవతా తృప్తికారిణే |
సురాసురనరాదీనాం సుఖదాయ నమో నమః || ౬ ||
వేధసే విశ్వనేత్రాయ విశుద్ధజ్ఞానరూపిణే |
వేదవేద్యాయ వేదాంతనిధయే వై నమో నమః || ౭ ||
విధయే విధిహీనాయ విధివాక్యవిధాయినే |
విధ్యుక్త కర్మనిష్ఠానాం నమో విద్యాప్రదాయినే || ౮ ||
విరించాయ విశిష్టాయ విశిష్టార్తిహరాయ చ |
విషణ్ణానాం విషాదాబ్ధివినాశాయ నమో నమః || ౯ ||
నమో హిరణ్యగర్భాయ హిరణ్యగిరివర్తినే |
హిరణ్యదానలభ్యాయ హిరణ్యాతిప్రియాయ చ || ౧౦ ||
శతాననాయ శాంతాయ శంకరజ్ఞానదాయినే |
శమాదిసహితాయైవ జ్ఞానదాయ నమో నమః || ౧౧ ||
శంభవే శంభుభక్తానాం శంకరాయ శరీరిణామ్ |
శాంకరజ్ఞానహీనానాం శత్రవే వై నమో నమః || ౧౨ ||
నమః స్వయంభువే నిత్యం స్వయం భూబ్రహ్మదాయినే |
స్వయం బ్రహ్మస్వరూపాయ స్వతంత్రాయ పరాత్మనే || ౧౩ ||
ద్రుహిణాయ దురాచారనిరతస్య దురాత్మనః |
దుఃఖదాయాన్యజంతూనాం ఆత్మదాయ నమో నమః || ౧౪ ||
వంద్యహీనాయ వంద్యాయ వరదాయ పరస్య చ |
వరిష్ఠాయ వరిష్ఠానాం చతుర్వక్త్రాయ వై నమః || ౧౫ ||
ప్రజాపతిసమాఖ్యాయ ప్రజానాం పతయే నమః |
ప్రాజాపత్యవిరక్తస్య నమః ప్రజ్ఞాప్రదాయినే || ౧౬ ||
పితామహాయ పిత్రాదికల్పనారహితాయ చ |
పిశునాగమ్యదేహాయ పేశలాయ నమో నమః || ౧౭ ||
జగత్కర్త్రే జగద్గోప్త్రే జగద్ధంత్రే పరాత్మనే |
జగద్దృశ్యవిహీనాయ చిన్మాత్రజ్యోతిషే నమః || ౧౮ ||
విశ్వోత్తీర్ణాయ విశ్వాయ విశ్వహీనాయ సాక్షిణే |
స్వప్రకాశైకమానాయ నమః పూర్ణపరాత్మనే || ౧౯ ||
స్తుత్యాయ స్తుతిహీనాయ స్తోత్రరూపాయ తత్త్వతః |
స్తోతృణామపి సర్వేషాం సుఖదాయ నమో నమః || ౨౦ ||
ఇతి స్కాందపురాణే సూతసంహితాయాం దేవకృత బ్రహ్మస్తోత్రమ్ ||
మరిన్ని వివిధ స్తోత్రాలు చూడండి.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
