Read in తెలుగు / ಕನ್ನಡ / தமிழ் / देवनागरी / English (IAST)
|| ayōdhyāpravēśaḥ ||
gatē rāmē praśāntātmā rāmō dāśarathirdhanuḥ |
varuṇāyāpramēyāya dadau hastē sasāyakam || 1 ||
abhivādya tatō rāmō vasiṣṭhapramukhānr̥ṣīn |
pitaraṁ vihvalaṁ dr̥ṣṭvā prōvāca raghunandanaḥ || 2 ||
jāmadagnyō gatō rāmaḥ prayātu caturaṅgiṇī |
ayōdhyābhimukhī sēnā tvayā nāthēna pālitā || 3 ||
rāmasya vacanaṁ śrutvā rājā daśarathaḥ sutam |
bāhubhyāṁ sampariṣvajya mūrdhni cāghrāya rāghavam || 4 ||
gatō rāma iti śrutvā hr̥ṣṭaḥ pramuditō nr̥paḥ |
punarjātaṁ tadā mēnē putramātmānamēva ca || 5 ||
cōdayāmāsa tāṁ sēnāṁ jagāmāśu tataḥ purīm |
patākādhvajinīṁ ramyāṁ jayōdghuṣṭanināditām || 6 || [tūrya]
siktarājapathāṁ ramyāṁ prakīrṇakusumōtkarām |
rājapravēśasumukhaiḥ paurairmaṅgalavādibhiḥ || 7 ||
sampūrṇāṁ prāviśadrājā janaughaiḥ samalaṅkr̥tām |
pauraiḥ pratyudgatō dūraṁ dvijaiśca puravāsibhiḥ || 8 ||
putrairanugataḥ śrīmān śrīmadbhiśca mahāyaśāḥ |
pravivēśa gr̥haṁ rājā himavatsadr̥śaṁ priyam || 9 ||
nananda sajanō rājā gr̥hē kāmaiḥ supūjitaḥ |
kausalyā ca sumitrā ca kaikēyī ca sumadhyamā || 10 ||
vadhūpratigrahē yuktā yāścānyā rājayōṣitaḥ |
tataḥ sītāṁ mahābhāgāmūrmilāṁ ca yaśasvinīm || 11 ||
kuśadhvajasutē cōbhē jagr̥hurnr̥papatnayaḥ |
maṅgalālēpanaiścaiva śōbhitāḥ kṣaumavāsasaḥ || 12 ||
dēvatāyatanānyāśu sarvāstāḥ pratyapūjayan |
abhivādyābhivādyāṁśca sarvā rājasutāstadā || 13 ||
rēmirē muditāḥ sarvā bhartr̥bhiḥ sahitā rahaḥ |
kr̥tadārāḥ kr̥tāstrāśca sadhanāḥ sasuhr̥jjanāḥ || 14 ||
śuśrūṣamāṇāḥ pitaraṁ vartayanti nararṣabhāḥ |
kasyacittvatha kālasya rājā daśarathaḥ sutam || 15 ||
bharataṁ kēkayīputramabravīdraghunandanaḥ |
ayaṁ kēkayarājasya putrō vasati putraka || 16 ||
tvāṁ nētumāgatō vīra yudhājinmātulastava |
śrutvā daśarathasyaitadbharataḥ kaikayīsutaḥ || 17 ||
gamanāyābhicakrāma śatrughnasahitastadā |
āpr̥cchya pitaraṁ śūrō rāmaṁ cākliṣṭakāriṇam || 18 ||
mātr̥̄ścāpi naraśrēṣṭhaḥ śatrughnasahitō yayau |
gatē ca bharatē rāmō lakṣmaṇaśca mahābalaḥ || 19 ||
pitaraṁ dēvasaṅkāśaṁ pūjayāmāsatustadā |
piturājñāṁ puraskr̥tya paurakāryāṇi sarvaśaḥ || 20 ||
cakāra rāmō dharmātmā priyāṇi ca hitāni ca |
mātr̥bhyō mātr̥kāryāṇi rāmaḥ paramayantritaḥ || 21 || [kr̥tvā]
gurūṇāṁ gurukāryāṇi kālē kālē:’nvavaikṣata | [cakāra ha]
ēvaṁ daśarathaḥ prītō brāhmaṇā naigamāstadā || 22 ||
rāmasya śīlavr̥ttēna sarvē viṣayavāsinaḥ |
tēṣāmatiyaśā lōkē rāmaḥ satyaparākramaḥ || 23 ||
svayambhūriva bhūtānāṁ babhūva guṇavattaraḥ |
rāmastu sītayā sārdhaṁ vijahāra bahūnr̥tūn || 24 ||
priyā tu sītā rāmasya dārāḥ pitr̥kr̥tā iti |
manasvī tadgatamanā nityaṁ hr̥di samarpitaḥ || 25 ||
guṇādrūpaguṇāccāpi prītirbhūyō:’bhyavardhata |
tasyāśca bhartā dviguṇaṁ hr̥dayē parivartatē || 26 ||
antarjātamapi vyaktamākhyāti hr̥dayaṁ hr̥dā |
tasya bhūyō viśēṣēṇa maithilī janakātmajā |
dēvatābhiḥ samā rūpē sītā śrīriva rūpiṇī || 27 ||
tayā sa rājarṣisutō:’bhirāmayā
samēyivānuttamarājakanyayā |
atīva rāmaḥ śuśubhē:’tikāmayā
vibhuḥ śriyā viṣṇurivāmarēśvaraḥ || 28 ||
ityārṣē śrīmadrāmāyaṇē vālmīkīyē ādikāvyē bālakāṇḍē saptasaptatitamaḥ sargaḥ || 77 ||
vālmīki rāmāyaṇē ayōdhyakāṇḍa >>
See more śrī rāma stōtrāṇi for chanting.
See more vālmīki rāmāyaṇam for chanting.
See more vālmīki rāmāyaṇē bālakāṇḍa for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
