Read in తెలుగు / ಕನ್ನಡ / தமிழ் / देवनागरी / English (IAST)
|| viśvāmitravaṁśavarṇanam ||
kr̥tōdvāhē gatē tasminbrahmadattē ca rāghava |
aputraḥ putralābhāya pautrīmiṣṭimakalpayat || 1 ||
iṣṭyāṁ tu vartamānāyāṁ kuśanābhaṁ mahīpatim |
uvāca paramōdāraḥ kuśō brahmasutastadā || 2 ||
putra tē sadr̥śaḥ putrō bhaviṣyati sudhārmikaḥ |
gādhiṁ prāpsyasi tēna tvaṁ kīrtiṁ lōkē ca śāśvatīm || 3 ||
ēvamuktvā kuśō rāma kuśanābhaṁ mahīpatim |
jagāmākāśamāviśya brahmalōkaṁ sanātanam || 4 ||
kasyacittvatha kālasya kuśanābhasya dhīmataḥ |
jajñē paramadharmiṣṭhō gādhirityēva nāmataḥ || 5 ||
sa pitā mama kākutstha gādhiḥ paramadhārmikaḥ |
kuśavaṁśaprasūtō:’smi kauśikō raghunandana || 6 ||
pūrvajā bhaginī cāpi mama rāghava suvratā |
nāmnā satyavatī nāma r̥cīkē pratipāditā || 7 ||
saśarīrā gatā svargaṁ bhartāramanuvartinī |
kauśikī paramōdārā sā pravr̥ttā mahānadī || 8 ||
divyā puṇyōdakā ramyā himavantamupāśritā |
lōkasya hitakāmārthaṁ pravr̥ttā bhaginī mama || 9 ||
tatō:’haṁ himavatpārśvē vasāmi nirataḥ sukham |
bhaginyāṁ snēhasamyuktaḥ kauśikyāṁ raghunandana || 10 ||
sā tu satyavatī puṇyā satyē dharmē pratiṣṭhitā |
pativratā mahābhāgā kauśikī saritāṁ-varā || 11 ||
ahaṁ hi niyamādrāma hitvā tāṁ samupāgataḥ |
siddhāśramamanuprāpya siddhō:’smi tava tējasā || 12 ||
ēṣā rāma mamōtpattiḥ svasya vaṁśasya kīrtitā |
dēśasya ca mahābāhō yanmāṁ tvaṁ paripr̥cchasi || 13 ||
gatō:’rdharātraḥ kākutstha kathāḥ kathayatō mama |
nidrāmabhyēhi bhadraṁ tē mā bhūdvighnō:’dhvanīha naḥ || 14 ||
niṣpandāstaravaḥ sarvē nilīnā mr̥gapakṣiṇaḥ |
naiśēna tamasā vyāptā diśaśca raghunandana || 15 ||
śanairviyujyatē sandhyā nabhō nētrairivāvr̥tam |
nakṣatratārāgahanaṁ jyōtirbhiravabhāsatē || 16 ||
uttiṣṭhatē ca śītāṁśuḥ śaśī lōkatamōnudaḥ |
hlādayan prāṇināṁ lōkē manāṁsi prabhayā vibhō || 17 ||
naiśāni sarvabhūtāni pracaranti tatastataḥ |
yakṣarākṣasasaṅghāśca raudrāśca piśitāśanāḥ || 18 ||
ēvamuktvā mahātējā virarāma mahāmuniḥ |
sādhu sādhviti tē sarvē munayō hyabhyapūjayan || 19 ||
kuśikānāmayaṁ vaṁśō mahāndharmaparaḥ sadā |
brahmōpamā mahātmānaḥ kuśavaṁśyā narōttamāḥ || 20 ||
viśēṣēṇa bhavānēva viśvāmitrō mahāyaśāḥ |
kauśikī ca saricchrēṣṭhā kulōddyōtakarī tava || 21 ||
iti tairmuniśārdūlaiḥ praśastaḥ kuśikātmajaḥ |
nidrāmupāgamacchrīmānastaṁ gata ivāṁśumān || 22 ||
rāmō:’pi sahasaumitriḥ kiñcidāgatavismayaḥ |
praśasya muniśārdūlaṁ nidrāṁ samupasēvatē || 23 ||
ityārṣē śrīmadrāmāyaṇē vālmīkīyē ādikāvyē bālakāṇḍē catustriṁśaḥ sargaḥ || 34 ||
bālakāṇḍa pañcatriṁśaḥ sargaḥ (35) >>
See more śrī rāma stōtrāṇi for chanting.
See more vālmīki rāmāyaṇam for chanting.
See more vālmīki rāmāyaṇē bālakāṇḍa for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
