Read in తెలుగు / ಕನ್ನಡ / தமிழ் / देवनागरी / English (IAST)
|| rāmābhiṣēkavyavasāyaḥ ||
gacchatā mātulakulaṁ bharatēna mahātmanā | [tadā:’naghaḥ]
śatrughnō nityaśatrughnō nītaḥ prītipuraskr̥taḥ || 1 ||
sa tatra nyavasadbhrātrā saha satkārasatkr̥taḥ |
mātulēnāśvapatinā putrasnēhēna lālitaḥ || 2 ||
tatrāpi nivasantau tau tarpyamāṇau ca kāmataḥ |
bhrātarau smaratāṁ vīrau vr̥ddhaṁ daśarathaṁ nr̥pam || 3 ||
rājā:’pi tau mahātējāḥ sasmāra prōṣitau sutau |
ubhau bharataśatrughnau mahēndravaruṇōpamau || 4 ||
sarva ēva tu tasyēṣṭāścatvāraḥ puruṣarṣabhāḥ |
svaśarīrādvinirvr̥ttāścatvāra iva bāhavaḥ || 5 ||
tēṣāmapi mahātējā rāmō ratikaraḥ pituḥ |
svayambhūriva bhūtānāṁ babhūva guṇavattaraḥ || 6 ||
sa hi dēvairudīrṇasya rāvaṇasya vadhārthibhiḥ |
arthitō mānuṣē lōkē jajñē viṣṇuḥ sanātanaḥ || 7 ||
kausalyā śuśubhē tēna putrēṇāmitatējasā |
yathā varēṇa dēvānāmaditirvajrapāṇinā || 8 ||
sa hi vīryōpapannaśca rūpavānanasūyakaḥ | [vīryavānanasūyakaḥ]
bhūmāvanupamaḥ sūnurguṇairdaśarathōpamaḥ || 9 ||
sa tu nityaṁ praśāntātmā mr̥dupūrvaṁ ca bhāṣatē | [prabhāṣatē]
ucyamānō:’pi paruṣaṁ nōttaraṁ pratipadyatē || 10 ||
kathaṁ-cidupakārēṇa kr̥tēnaikēna tuṣyati |
na smaratyapakārāṇāṁ śatamapyātmavattayā || 11 ||
śīlavr̥ddhairjñānavr̥ddhairvayōvr̥ddhaiśca sajjanaiḥ |
kathayannāsta vai nityamastrayōgyāntarēṣvapi || 12 ||
buddhimānmadhurābhāṣī pūrvabhāṣī priyaṁvadaḥ |
vīryavānna ca vīryēṇa mahatā svēna garvitaḥ || 13 || [vismitaḥ]
na cānr̥takathō vidvānvr̥ddhānāṁ pratipūjakaḥ |
anuraktaḥ prajābhiśca prajāścāpyanurañjatē || 14 ||
sānukrōśō jitakrōdhō brāhmaṇapratipūjakaḥ |
dīnānukampī dharmajñō nityaṁ pragrahavān śuciḥ || 15 ||
kulōcitamatiḥ kṣātraṁ dharmaṁ svaṁ bahumanyatē |
manyatē parayā kīrtyā mahatsvargaphalaṁ tataḥ || 16 ||
nāśrēyasi ratō vidvānna viruddhakathāruciḥ |
uttarōttarayuktīnāṁ vaktā vācaspatiryathā || 17 ||
arōgastaruṇō vāgmī vapuṣmāndēśakālavit |
lōkē puruṣasārajñaḥ sādhurēkō vinirmitaḥ || 18 ||
sa tu śrēṣṭhairguṇairyuktaḥ prajānāṁ pārthivātmajaḥ |
bahiścara iva prāṇō babhūva guṇataḥpriyaḥ || 19 ||
samyagvidyāvratasnātō yathāvatsāṅgavēdavit |
iṣvastrē ca pituḥ śrēṣṭhō babhūva bharatāgrajaḥ || 20 ||
kalyāṇābhijanaḥ sādhuradīnaḥ satyavāgr̥juḥ |
vr̥ddhairabhivinītaśca dvijairdharmārthadarśibhiḥ || 21 ||
dharmakāmārthatattvajñaḥ smr̥timānpratibhānavān |
laukikē samayācārē kr̥takalpō viśāradaḥ || 22 ||
nibhr̥taḥ saṁvr̥tākārō guptamantraḥ sahāyavān |
amōghakrōdhaharṣaśca tyāgasamyamakālavit || 23 ||
dr̥ḍhabhaktiḥ sthiraprajñō nāsadgrāhī na durvacāḥ |
nistandrirapramattaśca svadōṣaparadōṣavit || 24 ||
śāstrajñaśca kr̥tajñaśca puruṣāntarakōvidaḥ |
yaḥ pragrahānugrahayōryathānyāyaṁ vicakṣaṇaḥ || 25 ||
satsaṅgrahapragrahaṇē sthānavinnigrahasya ca |
āyakarmaṇyupāyajñaḥ sandr̥ṣṭavyayakarmavit || 26 ||
śraiṣṭhyaṁ śāstrasamūhēṣu prāptō vyāmiśrakēṣu ca |
arthadharmau ca saṅgr̥hya sukhatantrō na cālasaḥ || 27 ||
vaihārikāṇāṁ śilpānāṁ vijñātārthavibhāgavit |
ārōhē vinayē caiva yuktō vāraṇavājinām || 28 ||
dhanurvēdavidāṁ śrēṣṭhō lōkē:’tirathasaṁmataḥ |
abhiyātā prahartā ca sēnānayaviśāradaḥ || 29 ||
apradhr̥ṣyaśca saṅgrāmē kruddhairapi surāsuraiḥ |
anasūyō jitakrōdhō na dr̥ptō na ca matsarī || 30 ||
na cāvamantā bhūtānāṁ na ca kālavaśānugaḥ |
ēvaṁ śrēṣṭhairguṇairyuktaḥ prajānāṁ pārthivātmajaḥ || 31 ||
saṁmatastriṣu lōkēṣu vasudhāyāḥ kṣamāguṇaiḥ |
buddhyā br̥haspatēstulyō vīryēṇāpi śacīpatēḥ || 32 ||
tathā sarvaprajākāntaiḥ prītisañjananaiḥ pituḥ |
guṇairvirurucē rāmō dīptaiḥ sūrya ivāṁśubhiḥ || 33 ||
tamēvaṁ vratasampannamapradhr̥ṣyaparākramam |
lōkapālōpamaṁ nāthamakāmayata mēdinī || 34 ||
ētaistu bahubhiryuktaṁ guṇairanupamaiḥ sutam |
dr̥ṣṭvā daśarathō rājā cakrē cintāṁ parantapaḥ || 35 ||
atha rājñō babhūvaivaṁ vr̥ddhasya cirajīvinaḥ |
prītirēṣā kathaṁ rāmō rājā syānmayi jīvati || 36 ||
ēṣā hyasya parā prītirhr̥di samparivartatē |
kadā nāma sutaṁ drakṣyāmyabhiṣiktamahaṁ priyam || 37 ||
vr̥ddhikāmō hi lōkasya sarvabhūtānukampanaḥ |
mattaḥ priyatarō lōkē parjanya iva vr̥ṣṭimān || 38 ||
yamaśakrasamō vīryē br̥haspatisamō matau |
mahīdharasamō dhr̥tyāṁ mattaśca guṇavattaraḥ || 39 ||
mahīmahamimāṁ kr̥tsnāmadhitiṣṭhantamātmajam |
anēna vayasā dr̥ṣṭvā yathā svargamavāpnuyām || 40 ||
ityētairvividhaistaistairanyapārthivadurlabhaiḥ |
śiṣṭairaparimēyaiśca lōkē lōkōttarairguṇaiḥ || 41 ||
taṁ samīkṣya mahārājō yuktaṁ samuditairguṇaiḥ | [śubhaiḥ]
niścitya sacivaiḥ sārdhaṁ yuvarājamamanyata || 42 ||
divyantarikṣē bhūmau ca ghōramutpātajaṁ bhayam |
saṁ-cacakṣē ca mēdhāvī śarīrē cātmanō jarām || 43 ||
pūrṇacandrānanasyātha śōkāpanudamātmanaḥ |
lōkē rāmasya bubudhē sampriyatvaṁ mahātmanaḥ || 44 ||
ātmanaśca prajānāṁ ca śrēyasē ca priyēṇa ca |
prāptakālēna dharmātmā bhaktyā tvaritavānnr̥paḥ || 45 ||
nānānagaravāstavyānpr̥thagjānapadānapi |
samānināya mēdinyāḥ pradhānānpr̥thivīpatīn || 46 ||
tānvēśmanānābharaṇairyathārhaṁ pratipūjitān |
dadarśālaṅkr̥tō rājā prajāpatiriva prajāḥ || 47 ||
na tu kēkayarājānaṁ janakaṁ vā narādhipaḥ |
tvarayā cānayāmāsa paścāttau śrōṣyataḥ priyam || 48 ||
athōpaviṣṭē nr̥patau tasminparabalārdanē |
tataḥ praviviśuḥ śēṣa rājānō lōkasammatāḥ || 49 ||
atha rājavitīrṇēṣu vividhēṣvāsanēṣu ca |
rājānamēvābhimukhāḥ niṣēdurniyatā nr̥pāḥ || 50 ||
sa labdhamānairvinayānvitairnr̥paiḥ
purālayairjānapadaiśca mānavaiḥ |
upōpaviṣṭairnr̥patirvr̥tō babhau
sahasracakṣurbhagavānivāmaraiḥ || 51 ||
ityārṣē śrīmadrāmāyaṇē vālmīkīyē ādikāvyē ayōdhyākāṇḍē prathamaḥ sargaḥ || 1 ||
ayōdhyākāṇḍa dvitīyaḥ sargaḥ (2) >>
See more śrī rāma stōtrāṇi for chanting.
See more vālmīki rāmāyaṇam for chanting.
See vālmīki rāmāyaṇē ayōdhyakāṇḍa for chanting.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
