Read in తెలుగు / ಕನ್ನಡ / தமிழ் / देवनागरी / English (IAST)
|| kharasandhukṣaṇam ||
sa punaḥ patitāṁ dr̥ṣṭvā krōdhācchūrpaṇakhāṁ kharaḥ |
uvāca vyaktayā vācā tāmanarthārthamāgatām || 1 ||
mayā tvidānīṁ śūrāstē rākṣasā rudhirāśanaḥ |
tvatpriyārthaṁ vinirdiṣṭāḥ kimarthaṁ rudyatē punaḥ || 2 ||
bhaktāścaivānuraktāśca hitāśca mama nityaśaḥ |
ghnantō:’pi na nihantavyā na na kuryurvacō mama || 3 ||
kimētacchrōtumicchāmi kāraṇaṁ yatkr̥tē punaḥ |
hā nāthēti vinardantī sarpavalluṭhasi kṣitau || 4 ||
anāthavadvilapasi nāthē tu mayi saṁsthitē |
uttiṣṭhōttiṣṭha mā bhaiṣīrvaiklabyaṁ tyajyatāmiha || 5 ||
ityēvamuktā durdharṣā kharēṇa parisāntvitā |
vimr̥jya nayanē sāsrē kharaṁ bhrātaramabravīt || 6 ||
asmīdānīmahaṁ prāptā hr̥taśravaṇanāsikā |
śōṇitaughapariklinnā tvayā ca parisāntvitā || 7 ||
prēṣitāśca tvayā vīra rākṣasāstē caturdaśa |
nihantuṁ rāghavaṁ krōdhānmatpriyārthaṁ salakṣmaṇam || 8 ||
tē tu rāmēṇa sāmarṣāḥ śūlapaṭ-ṭiśapāṇayaḥ |
samarē nihatāḥ sarvē sāyakairmarmabhēdibhiḥ || 9 ||
tān dr̥ṣṭvā patitānbhūmau kṣaṇēnaiva mahābalān |
rāmasya ca mahatkarma mahāṁstrāsō:’bhavanmama || 10 ||
ahamasmi samudvignā viṣaṇṇā ca niśācara |
śaraṇaṁ tvāṁ punaḥ prāptā sarvatōbhayadarśinī || 11 ||
viṣādanakrādhyuṣitē paritrāsōrmimālini |
kiṁ māṁ na trāyasē magnāṁ vipulē śōkasāgarē || 12 ||
ētē ca nihatā bhūmau rāmēṇa niśitaiḥ śaraiḥ |
yē:’pi mē padavīṁ prāptā rākṣasāḥ piśitāśanāḥ || 13 ||
mayi tē yadyanukrōśō yadi rakṣassu tēṣu ca |
rāmēṇa yadi tē śaktistējō vā:’sti niśācara || 14 ||
daṇḍakāraṇyanilayaṁ jahi rākṣasakaṇṭakam |
yadi rāmaṁ mamāmitraṁ na tvamadya vadhiṣyasi || 15 ||
tava caivāgrataḥ prāṇāṁstyakṣyāmi nirapatrapā |
buddhyā:’hamanupaśyāmi na tvaṁ rāmasya samyugē || 16 ||
sthātuṁ pratimukhē śaktaḥ sabalaśca mahātmanaḥ |
śūramānī na śūrastvaṁ mithyārōpitavikramaḥ || 17 ||
mānuṣau yau na śaknōṣi hantuṁ tau rāmalakṣmaṇau |
rāmēṇa yadi tē śaktistējō vā:’sti niśācara || 18 ||
daṇḍakāraṇyanilayaṁ jahi taṁ kulapāṁsana |
niḥsattvasyālpavīryasya vāsastē kīdr̥śastviha || 19 ||
apayāhi janasthānāttvaritaḥ sahabāndhavaḥ |
rāmatējō:’bhibhūtō hi tvaṁ kṣipraṁ vinaśiṣyasi || 20 ||
sa hi tējaḥ samāyuktō rāmō daśarathātmajaḥ |
bhrātā cāsya mahāvīryō yēna cāsmi virūpitā || 21 ||
ēvaṁ vilapya bahuśō rākṣasī vitatōdarī |
bhrātuḥ samīpē duḥkhārtā naṣṭasañjñā babhūva ha |
karābhyāmudaraṁ hatvā rurōda bhr̥śaduḥkhitā || 22 ||
ityārṣē śrīmadrāmāyaṇē vālmīkīyē ādikāvyē araṇyakāṇḍē ēkaviṁśaḥ sargaḥ || 21 ||
See more śrī rāma stōtrāṇi for chanting.
See more vālmīki rāmāyaṇam for chanting.
See more vālmīki rāmāyaṇē araṇyakāṇḍa for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
