Read in తెలుగు / ಕನ್ನಡ / தமிழ் / देवनागरी / English (IAST)
॥ க²ரஸந்து⁴க்ஷணம் ॥
ஸ புந꞉ பதிதாம் த்³ருஷ்ட்வா க்ரோதா⁴ச்சூ²ர்பணகா²ம் க²ர꞉ ।
உவாச வ்யக்தயா வாசா தாமநர்தா²ர்த²மாக³தாம் ॥ 1 ॥
மயா த்விதா³நீம் ஶூராஸ்தே ராக்ஷஸா ருதி⁴ராஶந꞉ ।
த்வத்ப்ரியார்த²ம் விநிர்தி³ஷ்டா꞉ கிமர்த²ம் ருத்³யதே புந꞉ ॥ 2 ॥
ப⁴க்தாஶ்சைவாநுரக்தாஶ்ச ஹிதாஶ்ச மம நித்யஶ꞉ ।
க்⁴நந்தோ(அ)பி ந நிஹந்தவ்யா ந ந குர்யுர்வசோ மம ॥ 3 ॥
கிமேதச்ச்²ரோதுமிச்சா²மி காரணம் யத்க்ருதே புந꞉ ।
ஹா நாதே²தி விநர்த³ந்தீ ஸர்பவள்லுட²ஸி க்ஷிதௌ ॥ 4 ॥
அநாத²வத்³விளபஸி நாதே² து மயி ஸம்ஸ்தி²தே ।
உத்திஷ்டோ²த்திஷ்ட² மா பை⁴ஷீர்வைக்லப்³யம் த்யஜ்யதாமிஹ ॥ 5 ॥
இத்யேவமுக்தா து³ர்த⁴ர்ஷா க²ரேண பரிஸாந்த்விதா ।
விம்ருஜ்ய நயநே ஸாஸ்ரே க²ரம் ப்⁴ராதரமப்³ரவீத் ॥ 6 ॥
அஸ்மீதா³நீமஹம் ப்ராப்தா ஹ்ருதஶ்ரவணநாஸிகா ।
ஶோணிதௌக⁴பரிக்லிந்நா த்வயா ச பரிஸாந்த்விதா ॥ 7 ॥
ப்ரேஷிதாஶ்ச த்வயா வீர ராக்ஷஸாஸ்தே சதுர்த³ஶ ।
நிஹந்தும் ராக⁴வம் க்ரோதா⁴ந்மத்ப்ரியார்த²ம் ஸலக்ஷ்மணம் ॥ 8 ॥
தே து ராமேண ஸாமர்ஷா꞉ ஶூலபட்டிஶபாணய꞉ ।
ஸமரே நிஹதா꞉ ஸர்வே ஸாயகைர்மர்மபே⁴தி³பி⁴꞉ ॥ 9 ॥
தாந் த்³ருஷ்ட்வா பதிதாந்பூ⁴மௌ க்ஷணேநைவ மஹாப³லாந் ।
ராமஸ்ய ச மஹத்கர்ம மஹாம்ஸ்த்ராஸோ(அ)ப⁴வந்மம ॥ 10 ॥
அஹமஸ்மி ஸமுத்³விக்³நா விஷண்ணா ச நிஶாசர ।
ஶரணம் த்வாம் புந꞉ ப்ராப்தா ஸர்வதோப⁴யத³ர்ஶிநீ ॥ 11 ॥
விஷாத³நக்ராத்⁴யுஷிதே பரித்ராஸோர்மிமாலிநி ।
கிம் மாம் ந த்ராயஸே மக்³நாம் விபுலே ஶோகஸாக³ரே ॥ 12 ॥
ஏதே ச நிஹதா பூ⁴மௌ ராமேண நிஶிதை꞉ ஶரை꞉ ।
யே(அ)பி மே பத³வீம் ப்ராப்தா ராக்ஷஸா꞉ பிஶிதாஶநா꞉ ॥ 13 ॥
மயி தே யத்³யநுக்ரோஶோ யதி³ ரக்ஷஸ்ஸு தேஷு ச ।
ராமேண யதி³ தே ஶக்திஸ்தேஜோ வா(அ)ஸ்தி நிஶாசர ॥ 14 ॥
த³ண்ட³காரண்யநிலயம் ஜஹி ராக்ஷஸகண்டகம் ।
யதி³ ராமம் மமாமித்ரம் ந த்வமத்³ய வதி⁴ஷ்யஸி ॥ 15 ॥
தவ சைவாக்³ரத꞉ ப்ராணாம்ஸ்த்யக்ஷ்யாமி நிரபத்ரபா ।
பு³த்³த்⁴யா(அ)ஹமநுபஶ்யாமி ந த்வம் ராமஸ்ய ஸம்யுகே³ ॥ 16 ॥
ஸ்தா²தும் ப்ரதிமுகே² ஶக்த꞉ ஸப³லஶ்ச மஹாத்மந꞉ ।
ஶூரமாநீ ந ஶூரஸ்த்வம் மித்²யாரோபிதவிக்ரம꞉ ॥ 17 ॥
மாநுஷௌ யௌ ந ஶக்நோஷி ஹந்தும் தௌ ராமலக்ஷ்மணௌ ।
ராமேண யதி³ தே ஶக்திஸ்தேஜோ வா(அ)ஸ்தி நிஶாசர ॥ 18 ॥
த³ண்ட³காரண்யநிலயம் ஜஹி தம் குலபாம்ஸந ।
நி꞉ஸத்த்வஸ்யாள்பவீர்யஸ்ய வாஸஸ்தே கீத்³ருஶஸ்த்விஹ ॥ 19 ॥
அபயாஹி ஜநஸ்தா²நாத்த்வரித꞉ ஸஹபா³ந்த⁴வ꞉ ।
ராமதேஜோ(அ)பி⁴பூ⁴தோ ஹி த்வம் க்ஷிப்ரம் விநஶிஷ்யஸி ॥ 20 ॥
ஸ ஹி தேஜ꞉ ஸமாயுக்தோ ராமோ த³ஶரதா²த்மஜ꞉ ।
ப்⁴ராதா சாஸ்ய மஹாவீர்யோ யேந சாஸ்மி விரூபிதா ॥ 21 ॥
ஏவம் விளப்ய ப³ஹுஶோ ராக்ஷஸீ விததோத³ரீ ।
ப்⁴ராது꞉ ஸமீபே து³꞉கா²ர்தா நஷ்டஸஞ்ஜ்ஞா ப³பூ⁴வ ஹ ।
கராப்⁴யாமுத³ரம் ஹத்வா ருரோத³ ப்⁴ருஶது³꞉கி²தா ॥ 22 ॥
இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே அரண்யகாண்டே³ ஏகவிம்ஶ꞉ ஸர்க³꞉ ॥ 21 ॥
ஸம்பூர்ண வால்மீகி ராமாயணே அரண்யகாண்ட³ பார்க்க.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
