Read in తెలుగు / ಕನ್ನಡ / தமிழ் / देवनागरी / English (IAST)
|| śūrpaṇakhāvirūpaṇam ||
tātaḥ śūrpaṇakhāṁ rāmaḥ kāmapāśāvapāśitām |
svacchayā ślakṣṇayā vācā smitapūrvamathābravīt || 1 ||
kr̥tadārō:’smi bhavati bhāryēyaṁ dayitā mama |
tvadvidhānāṁ tu nārīṇāṁ suduḥkhā sasapatnatā || 2 ||
anujastvēṣa mē bhrātā śīlavān priyadarśanaḥ |
śrīmānakr̥tadāraśca lakṣmaṇō nāma vīryavān || 3 ||
apūrvī bhāryayā cārthī taruṇaḥ priyadarśanaḥ |
anurūpaśca tē bhartā rūpasyāsya bhaviṣyati || 4 ||
ēnaṁ bhaja viśālākṣi bhartāraṁ bhrātaraṁ mama |
asapatnā varārōhē mērumarkaprabhā yathā || 5 ||
iti rāmēṇa sā prōktā rākṣasī kāmamōhitā |
visr̥jya rāmaṁ sahasā tatō lakṣmaṇamabravīt || 6 ||
asya rūpasya tē yuktā bhāryā:’haṁ varavarṇinī |
mayā saha sukhaṁ sarvān daṇḍakān vicariṣyasi || 7 ||
ēvamuktastu saumitrī rākṣasyā vākyakōvidaḥ |
tataḥ śūrpaṇakhīṁ smitvā lakṣmaṇō yuktamabravīt || 8 ||
kathaṁ dāsasya mē dāsī bhāryā bhavitumicchasi |
sō:’hamāryēṇa paravān bhrātrā kamalavarṇinī || 9 ||
samr̥ddhārthasya siddhārthā muditāmalavarṇinī |
āryasya tvaṁ viśālākṣi bhāryā bhava yavīyasī || 10 ||
ēnāṁ virūpāmasatīṁ karālāṁ nirṇatōdarīm |
bhāryāṁ vr̥ddhāṁ parityajya tvāmēvaiṣa bhajiṣyati || 11 ||
kō hi rūpamidaṁ śrēṣṭhaṁ santyajya varavarṇini |
mānuṣīṣu varārōhē kuryādbhāvaṁ vicakṣaṇaḥ || 12 ||
iti sā lakṣmaṇēnōktā karālā nirṇatōdarī |
manyatē tadvacastathyaṁ parihāsāvicakṣaṇā || 13 ||
sā rāmaṁ parṇaśālāyāmupaviṣṭaṁ parantapam |
sītayā saha durdharṣamabravīt kāmamōhitā || 14 ||
ēnāṁ virūpāmasatīṁ karālāṁ nirṇatōdarīm |
vr̥ddhāṁ bhāryāmavaṣṭabhya māṁ na tvaṁ bahumanyasē || 15 ||
adyēmāṁ bhakṣayiṣyāmi paśyatastava mānuṣīm |
tvayā saha cariṣyāmi niḥsapatnā yathāsukham || 16 ||
ityuktvā mr̥gaśābākṣīmalātasadr̥śēkṣaṇā |
abhyadhāvat susaṅkruddhā mahōlkā rōhiṇīmiva || 17 ||
tāṁ mr̥tyupāśapratimāmāpatantīṁ mahābalaḥ |
nigr̥hya rāmaḥ kupitastatō lakṣmaṇamabravīt || 18 ||
krūrairanāryaiḥ saumitrē parihāsaḥ kathañcana |
na kāryaḥ paśya vaidēhīṁ kathañcit saumya jīvatīm || 19 ||
imāṁ virūpāmasatīmatimattāṁ mahōdarīm |
rākṣasīṁ puruṣavyāghra virūpayitumarhasi || 20 ||
ityuktō lakṣmaṇastasyāḥ kruddhō rāmasya pārśvataḥ |
uddhr̥tya khaḍgaṁ cicchēda karṇanāsaṁ mahābalaḥ || 21 ||
nikr̥ttakarṇanāsā tu visvaraṁ sā vinadya ca |
yathāgataṁ pradudrāva ghōrā śūrpaṇakhā vanam || 22 ||
sā virūpā mahāghōrā rākṣasī śōṇitōkṣitā |
nanāda vividhānnādān yathā prāvr̥ṣi tōyadaḥ || 23 ||
sā vikṣarantī rudhiraṁ bahudhā ghōradarśanā |
pragr̥hya bāhū garjantī pravivēśa mahāvanam || 24 ||
tatastu sā rākṣasasaṅghasaṁvr̥taṁ
kharaṁ janasthānagataṁ virūpitā |
upētya taṁ bhrātaramugradarśanaṁ
papāta bhūmau gaganādyathā:’śaniḥ || 25 ||
tataḥ sabhāryaṁ bhayamōhamūrchitā
salakṣmaṇaṁ rāghavamāgataṁ vanam |
virūpaṇaṁ cātmani śōṇitōkṣitā
śaśaṁsa sarvaṁ bhaginī kharasya sā || 26 ||
ityārṣē śrīmadrāmāyaṇē vālmīkīyē ādikāvyē araṇyakāṇḍē aṣṭādaśaḥ sargaḥ || 18 ||
See more śrī rāma stōtrāṇi for chanting.
See more vālmīki rāmāyaṇam for chanting.
See more vālmīki rāmāyaṇē araṇyakāṇḍa for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
