Read in తెలుగు / ಕನ್ನಡ / தமிழ் / देवनागरी / English (IAST)
|| సంపాతిపురావృత్తవర్ణనమ్ ||
తతః కృతోదకం స్నాతం తం గృధ్రం హరియూథపాః |
ఉపవిష్టా గిరౌ దుర్గే పరివార్య సమంతతః || ౧ ||
తమంగదముపాసీనం తైః సర్వైర్హరిభిర్వృతమ్ |
జనితప్రత్యయో హర్షాత్సంపాతిః పునరబ్రవీత్ || ౨ ||
కృత్వా నిఃశబ్దమేకాగ్రాః శృణ్వంతు హరయో మమ |
తత్త్వం సంకీర్తయిష్యామి యథా జానామి మైథిలీమ్ || ౩ ||
అస్య వింధ్యస్య శిఖరే పతితోఽస్మి పురా వనే |
సూర్యాతపపరీతాంగో నిర్దగ్ధః సూర్యరశ్మిభిః || ౪ ||
లబ్ధసంజ్ఞస్తు షడ్రాత్రాద్వివశో విహ్వలన్నివ |
వీక్షమాణో దిశః సర్వా నాభిజానామి కించన || ౫ ||
తతస్తు సాగరాన్ శైలాన్ నదీః సర్వాః సరాంసి చ |
వనాన్యుదధివేలాం చ సమీక్ష్య మతిరాగమత్ || ౬ ||
హృష్టపక్షిగణాకీర్ణః కందరాంతరకూటవాన్ |
దక్షిణస్యోదధేస్తీరే వింధ్యోఽయమితి నిశ్చితః || ౭ ||
ఆసీచ్చాత్రాశ్రమః పుణ్యః సురైరపి సుపూజితః |
ఋషిర్నిశాకరో నామ యస్మిన్నుగ్రతపా భవత్ || ౮ ||
అష్టౌ వర్షసహస్రాణి తేనాస్మిన్నృషిణా వినా |
వసతో మమ ధర్మజ్ఞాః స్వర్గతే తు నిశాకరే || ౯ ||
అవతీర్య చ వింధ్యాగ్రాత్కృచ్ఛ్రేణ విషమాచ్ఛనైః |
తీక్ష్ణదర్భాం వసుమతీం దుఃఖేన పునరాగతః || ౧౦ ||
తమృషిం ద్రష్టుకామోఽస్మి దుఃఖేనాభ్యాగతో భృశమ్ |
జటాయుషా మయా చైవ బహుశోఽధిగతో హి సః || ౧౧ ||
తస్యాశ్రమపదాభ్యాశే వవుర్వాతాః సుగంధినః |
వృక్షో నాపుష్పితః కశ్చిదఫలో వా న విద్యతే || ౧౨ ||
ఉపేత్య చాశ్రమం పుణ్యం వృక్షమూలముపాశ్రితః |
ద్రష్టుకామః ప్రతీక్షోఽహం భగవంతం నిశాకరమ్ || ౧౩ ||
అథాపశ్యమదూరస్థమృషిం జ్వలితతేజసమ్ |
కృతాభిషేకం దుర్ధర్షముపావృత్తముదఙ్ముఖమ్ || ౧౪ ||
తమృక్షాః సృమరా వ్యాఘ్రాః సింహా నాగాః సరీసృపాః |
పరివార్యోపగచ్ఛంతి ధాతారం ప్రాణినో యథా || ౧౫ ||
తతః ప్రాప్తమృషిం జ్ఞాత్వా తాని సత్త్వాని వై యయుః |
ప్రవిష్టే రాజని యథా సర్వం సామాత్యకం బలమ్ || ౧౬ ||
ఋషిస్తు దృష్ట్వా మాం ప్రీతః ప్రవిష్టశ్చాశ్రమం పునః |
ముహూర్తమాత్రాన్నిష్క్రమ్య తతః కార్యమపృచ్ఛత || ౧౭ ||
సౌమ్య వైకల్యతాం దృష్ట్వా రోమ్ణాం తే నావగమ్యతే |
అగ్నిదగ్ధావిమౌ పక్షౌ త్వక్ చైవ వ్రణితా తవ || ౧౮ ||
గృధ్రౌ ద్వౌ దృష్టపూర్వౌ మే మాతరిశ్వసమౌ జవే |
గృధ్రాణాం చైవ రాజానౌ భ్రాతరౌ కామరూపిణౌ || ౧౯ ||
జ్యేష్ఠో హి త్వం తు సంపాతే జటాయురనుజస్తవ |
మానుషం రూపమాస్థాయ గృహ్ణీతాం చరణౌ మమ || ౨౦ ||
కిం తే వ్యాధిసముత్థానం పక్షయోః పతనం కథమ్ |
దండో వాయం కృతః కేన సర్వమాఖ్యాహి పృచ్ఛతః || ౨౧ ||
ఇత్యార్షే శ్రీమద్రామాయణే వాల్మీకీయే ఆదికావ్యే కిష్కింధాకాండే షష్టితమః సర్గః || ౬౦ ||
సంపూర్ణ వాల్మీకి రామాయణే కిష్కింధాకాండ చూడండి.
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
