Read in తెలుగు / ಕನ್ನಡ / தமிழ் / English (IAST)
షష్టితమదశకమ్ (౬౦) – గోపీవస్త్రాపహరణమ్
మదనాతురచేతసోఽన్వహం
భవదఙ్ఘ్రిద్వయదాస్యకామ్యయా |
యమునాతటసీమ్ని సైకతీం
తరలాక్ష్యో గిరిజాం సమార్చిచన్ || ౬౦-౧ ||
తవ నామకథారతాః సమం
సుదృశః ప్రాతరుపాగతా నదీమ్ |
ఉపహారశతైరపూజయన్
దయితో నన్దసుతో భవేదితి || ౬౦-౨ ||
ఇతి మాసముపాహితవ్రతా-
స్తరలాక్షీరభివీక్ష్య తా భవాన్ |
కరుణామృదులో నదీతటం
సమయాసీత్తదనుగ్రహేచ్ఛయా || ౬౦-౩ ||
నియమావసితౌ నిజాంబరం
తటసీమన్యవముచ్య తాస్తదా |
యమునాజలఖేలనాకులాః
పురతస్త్వామవలోక్య లజ్జితాః || ౬౦-౪ ||
త్రపయా నమితాననాస్వథో
వనితాస్వంబరజాలమన్తికే |
నిహితం పరిగృహ్య భూరుహో
విటపం త్వం తరసాధిరూఢవాన్ || ౬౦-౫ ||
ఇహ తావదుపేత్య నీయతాం
వసనం వః సుదృశో యథాయథమ్ |
ఇతి నర్మమృదుస్మితే త్వయి
బ్రువతి వ్యాముముహే వధూజనైః || ౬౦-౬ ||
అయి జీవ చిరం కిశోర న-
స్తవ దాసీరవశీకరోషి కిమ్ |
ప్రదిశాంబరమంబుజేక్షణే-
త్యుదితస్త్వం స్మితమేవ దత్తవాన్ || ౬౦-౭ ||
అధిరుహ్య తటం కృతాఞ్జలీః
పరిశుద్ధాః స్వగతీర్నిరీక్ష్య తాః |
వసనాన్యఖిలాన్యనుగ్రహం
పునరేవం గిరమప్యదా ముదా || ౬౦-౮ ||
విదితం నను వో మనీషితం
వదితారస్త్విహ యోగ్యముత్తరమ్ |
యమునాపులినే సచన్ద్రికాః
క్షణదా ఇత్యబలాస్త్వమూచివాన్ || ౬౦-౯ ||
ఉపకర్ణ్య భవన్ముఖచ్యుతం
మధునిష్యన్ది వచో మృగీదృశః |
ప్రణయాదయి వీక్ష్య వీక్ష్య తే
వదనాబ్జం శనకైర్గృహం గతాః || ౬౦-౧౦ ||
ఇతి నన్వనుగృహ్య వల్లవీ-
ర్విపినాన్తేషు పురేవ సఞ్చరన్ |
కరుణాశిశిరో హరే హర
త్వరయా మే సకలామయావలిమ్ || ౬౦-౧౧ ||
ఇతి షష్టితమదశకం సమాప్తం
సంపూర్ణ శ్రీమన్నారాయణీయం (౧౦౦ దశకాలు) చూడండి.
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
