Read in తెలుగు / ಕನ್ನಡ / தமிழ் / देवनागरी / English (IAST)
brahmōvāca |
nāmabhiḥ saṁstutō dēvō yairarkaḥ parituṣyati |
tāni tē kīrtayāmyēṣa yathāvadanupūrvaśaḥ || 1 ||
namaḥ sūryāya nityāya ravayē kāryabhānavē |
bhāskarāya mataṅgāya mārtaṇḍāya vivasvatē || 2 ||
ādityāyādidēvāya namastē raśmimālinē |
divākarāya dīptāya agnayē mihirāya ca || 3 ||
prabhākarāya mitrāya namastē:’ditisambhava |
namō gōpatayē nityaṁ diśāṁ ca patayē namaḥ || 4 ||
namō dhātrē vidhātrē ca aryamṇē varuṇāya ca |
pūṣṇē bhagāya mitrāya parjanyāyāṁśavē namaḥ || 5 ||
namō hitakr̥tē nityaṁ dharmāya tapanāya ca |
harayē haritāśvāya viśvasya patayē namaḥ || 6 ||
viṣṇavē brahmaṇē nityaṁ tryambakāya tathātmanē |
namastē saptalōkēśa namastē saptasaptayē || 7 ||
ēkasmai hi namastubhyamēkacakrarathāya ca |
jyōtiṣāṁ patayē nityaṁ sarvaprāṇabhr̥tē namaḥ || 8 ||
hitāya sarvabhūtānāṁ śivāyārtiharāya ca |
namaḥ padmaprabōdhāya namō dvādaśamūrtayē || 9 || [vēdādimūrtayē]
kavijāya namastubhyaṁ namastārāsutāya ca |
bhīmajāya namastubhyaṁ pāvakāya ca vai namaḥ || 10 ||
dhiṣaṇāya namō nityaṁ namaḥ kr̥ṣṇāya nityadā |
namō:’stvaditiputrāya namō lakṣyāya nityaśaḥ || 11 ||
ētānyādityanāmāni mayā prōktāni vai purā |
ārādhanāya dēvasya sarvakāmēna suvrata || 12 ||
sāyaṁ prātaḥ śucirbhūtvā yaḥ paṭhētsusamāhitaḥ |
sa prāpnōtyakhilān kāmān yathāhaṁ prāptavān purā || 13 ||
prasādāttasya dēvasya bhāskarasya mahātmanaḥ |
śrīkāmaḥ śriyamāpnōti dharmārthī dharmamāpnuyāt || 14 ||
āturō mucyatē rōgādbaddhō mucyēta bandhanāt |
rājyārthī rājyamāpnōti kāmārthī kāmamāpnuyāt || 15 ||
ētajjapyaṁ rahasyaṁ ca sandhyōpāsanamēva ca |
ētēna japamātrēṇa naraḥ pāpāt pramucyatē || 16 ||
iti śrībhaviṣyamahāpurāṇē brāhmē parvaṇi saptamīkalpē brahmaprōkta sūrya nāma varṇanaṁ nāmaikasaptatitamō:’dhyāyaḥ ||
స్తోత్రనిధి (తెలుగు) వాట్సాప్ ఛానల్ : మా వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
