Read in తెలుగు / ಕನ್ನಡ / தமிழ் / देवनागरी / English (IAST)
విశ్వమయో బ్రాహ్మణః శివం వ్రజతి | బ్రాహ్మణః పఞ్చాక్షరమనుభవతి | బ్రాహ్మణః శివపూజారతః | శివభక్తివిహీనశ్చేత్ స చణ్డాల ఉపచణ్డాలః | చతుర్వేదజ్ఞోఽపి శివభక్త్యాన్తర్భవతీతి స ఏవ బ్రాహ్మణః | అధమశ్చాణ్డాలోఽపి శివభక్తోఽపి బ్రాహ్మణాచ్ఛ్రేష్ఠతరః | బ్రాహ్మణస్త్రిపుణ్డ్రధృతః | అత ఏవ బ్రాహ్మణః | శివభక్తేరేవ బ్రాహ్మణః | శివలిఙ్గార్చనయుతశ్చాణ్డాలోఽపి స ఏవ బ్రాహ్మణాధికోవతి | అగ్నిహోత్రభసితాచ్ఛివభక్తచాణ్డాలహస్తవిభూతిః శుద్ధా | కపిశా వా శ్వేతజాపి ధూమ్రవర్ణా వా | విరక్తానాం తపస్వినాం శుద్ధా | గృహస్థానాం నిర్మలవిభూతిః | తపస్విభిః సర్వభస్మ ధార్యమ్ | యద్వా శివభక్తిసంపుష్టం సదాపి తద్భసితం దేవతాధార్యమ్ ||
ఓం అగ్నిరితి భస్మ | వాయురితి భస్మ | స్థలమితి భస్మ | జలమితి భస్మ | వ్యోమేతి భస్మ ఇత్యాద్యుపనిషత్కారణాత్ తత్ కార్యమ్ | అన్యత్ర “విశ్వతశ్చక్షురుత విశ్వతోముఖో విశ్వతోహస్త ఉత విశ్వతస్పాత్ | సం బాహుభ్యాం నమతి సం పతత్రైర్ద్యావాపృథివీ జనయన్ దేవ ఏకః | “తస్మాత్ప్రాణలిఙ్గీ శివః | శివ ఏవ ప్రాణలిఙ్గీ | జటాభస్మధారోఽపి ప్రాణలిఙ్గీ హి శ్రేష్ఠః | ప్రాణలిఙ్గీ శివరూపః | శివరూపః ప్రాణలిఙ్గీ | జఙ్గమరూపః శివః | శివ ఏవ జఙ్గమరూపః | ప్రాణలిఙ్గినాం శుద్ధసిద్ధిర్న భవతి | ప్రాణలిఙ్గినాం జఙ్గమపూజ్యానాం పూజ్యతపస్వినామధికశ్చణ్డాలోఽపి ప్రాణలిఙ్గీ | తస్మాత్ప్రాణలిఙ్గీ విశేష ఇత్యాహ | య ఏవం వేద స శివః | శివ ఏవ రుద్రః ప్రాణలిఙ్గీ నాన్యో భవతి ||
ఓం ఆత్మా పరశివద్వయో గురుః శివః | గురూణాం సర్వవిశ్వమిదం విశ్వమన్త్రేణ ధార్యమ్ | దైవాధీనం జగదిదమ్ | తద్దైవం తన్మన్త్రాత్ తనుతే | తన్మే దైవం గురురితి | గురూణాం సర్వజ్ఞానినాం గురుణా దత్తమేతదన్నం పరబ్రహ్మ | బ్రహ్మ స్వానుభూతిః | గురుః శివో దేవః | గురుః శివ ఏవ లిఙ్గమ్ | ఉభయోర్మిశ్రప్రకాశత్వాత్ | ప్రాణవత్త్వాత్ మహేశ్వరత్వాచ్చ శివస్తదైవ గురుః | యత్ర గురుస్తత్ర శివః | శివగురుస్వరూపో మహేశ్వరః | భ్రమరకీటకార్యేణ దీక్షితాః శివయోగినః శివపూజాపథే గురుపూజావిధౌ చ మహేశ్వరపూజనాన్ముక్తాః | లిఙ్గాభిషేకం నిర్మాల్యం గురోరభిషేకతీర్థం మహేశ్వరపాదోదకం జన్మమాలిన్యం క్షాలయన్తి | తేషాం ప్రీతిః శివప్రీతిః | తేషాం తృప్తిః శివతృప్తిః | తైశ్చ పావనో వాసః | తేషాం నిరసనం శివనిరసనమ్ | ఆనన్దపారాయణః | తస్మాచ్ఛివం వ్రజన్తు | గురుం వ్రజన్తు | ఇత్యేవ పావనమ్ ||
ఇతి రుద్రోపనిషత్ సమాప్తా |
గమనిక: పైన ఇవ్వబడిన స్తోత్రము, ఈ క్రింది పుస్తకములో కూడా ఉన్నది.
శ్రీ శివ స్తోత్రనిధి
(నిత్య పారాయణ గ్రంథము)
మరిన్ని ఉపనిషత్తులు చూడండి.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
