Read in తెలుగు / ಕನ್ನಡ / தமிழ் / देवनागरी / English (IAST)
|| sutīkṣṇāśramaḥ ||
rāmastu sahitō bhrātrā sītayā ca parantapaḥ |
sutīkṣṇasyāśramapadaṁ jagāma saha tairdvijaiḥ || 1 ||
sa gatvā:’dūramadhvānaṁ nadīstīrtvā bahūdakāḥ |
dadarśa vipulaṁ śailaṁ mahāmēghamivōnnatam || 2 ||
tatastadikṣvākuvarau santataṁ vividhairdrumaiḥ |
kānanaṁ tau viviśatuḥ sītayā saha rāghavau || 3 ||
praviṣṭastu vanaṁ ghōraṁ bahupuṣpaphaladrumam |
dadarśāśramamēkāntē cīramālāpariṣkr̥tam || 4 ||
tatra tāpasamāsīnaṁ malapaṅkajaṭādharam |
rāmaḥ sutīkṣṇaṁ vidhivattapōvr̥ddhamabhāṣata || 5 ||
rāmō:’hamasmi bhagavanbhavantaṁ draṣṭumāgataḥ |
tvaṁ mā:’bhivada dharmajña maharṣē satyavikrama || 6 ||
sa nirīkṣya tatō vīraṁ rāmaṁ dharmabhr̥tāṁ varam |
samāśliṣya ca bāhubhyāmidaṁ vacanamabravīt || 7 ||
svāgataṁ khalu tē vīra rāma dharmabhr̥tāṁ vara |
āśramō:’yaṁ tvayākrāntaḥ sanātha iva sāmpratam || 8 ||
pratīkṣamāṇastvāmēva nārōhē:’haṁ māhāyaśaḥ |
dēvalōkamitō vīra dēhaṁ tyaktvā mahītalē || 9 ||
citrakūṭamupādāya rājyabhraṣṭō:’si mē śrutaḥ |
ihōpayātaḥ kākutstha dēvarājaḥ śatakratuḥ || 10 ||
upāgamya ca māṁ dēvō mahādēvaḥ surēśvaraḥ |
sarvām̐llōkāñjitānāha mama puṇyēna karmaṇā || 11 ||
tēṣu dēvarṣijuṣṭēṣu jitēṣu tapasā mayā |
matprasādātsabhāryastvaṁ viharasva salakṣmaṇaḥ || 12 ||
tamugratapasā yuktaṁ maharṣiṁ satyavādinam |
pratyuvācātmavānrāmō brahmāṇamiva kāśyapaḥ || 13 ||
ahamēvāhariṣyāmi svayaṁ lōkānmahāmunē |
āvāsaṁ tvahamicchāmi pradiṣṭamiha kānanē || 14 ||
bhavānsarvatra kuśalaḥ sarvabhūtahitē rataḥ |
ākhyātaḥ śarabhaṅgēṇa gautamēna mahātmanā || 15 ||
ēvamuktastu rāmēṇa maharṣirlōkaviśrutaḥ |
abravīnmadhuraṁ vākyaṁ harṣēṇa mahatā:’:’plutaḥ || 16 ||
ayamēvāśramō rāma guṇavānramyatāmiha |
r̥ṣisaṅghānucaritaḥ sadā mūlaphalānvitaḥ || 17 ||
imamāśramamāgamya mr̥gasaṅghā mahāyaśāḥ |
aṭitvā pratigacchanti lōbhayitvākutōbhayāḥ || 18 ||
nānyō dōṣō bhavēdatra mr̥gēbhyō:’nyatra viddhi vai |
tacchrutvā vacanaṁ tasya maharṣērlakṣmaṇāgrajaḥ || 19 ||
uvāca vacanaṁ dhīrō vikr̥ṣya saśaraṁ dhanuḥ |
tānahaṁ sumahābhāga mr̥gasaṅghānsamāgatān || 20 ||
hanyāṁ niśitadhārēṇa śarēṇāśanivarcasā |
bhavāṁstatrābhiṣajyēta kiṁ syātkr̥cchrataraṁ tataḥ || 21 ||
ētasminnāśramē vāsaṁ ciraṁ tu na samarthayē |
tamēvamuktvā varadaṁ rāmaḥ sandhyāmupāgamat || 22 ||
anvāsya paścimāṁ sandhyāṁ tatra vāsamakalpayat |
sutīkṣṇasyāśramē ramyē sītayā lakṣmaṇēna ca || 23 ||
tataḥ śubhaṁ tāpasabhōjyamannaṁ
svayaṁ sutīkṣṇaḥ puruṣarṣabhābhyām |
tābhyāṁ susatkr̥tya dadau mahātmā
sandhyānivr̥ttau rajanīmavēkṣya || 24 ||
ityārṣē śrīmadrāmāyaṇē vālmīkīyē ādikāvyē araṇyakāṇḍē saptamaḥ sargaḥ || 7 ||
See more śrī rāma stōtrāṇi for chanting.
See more vālmīki rāmāyaṇam for chanting.
See more vālmīki rāmāyaṇē araṇyakāṇḍa for chanting.
స్తోత్రనిధి (తెలుగు) వాట్సాప్ ఛానల్ : మా వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
