Read in తెలుగు / ಕನ್ನಡ / தமிழ் / देवनागरी / English (IAST)
|| sumantravākyam ||
tasya tvēvaṁ-prabhāvasya dharmajñasya mahātmanaḥ |
sutārthaṁ tapyamānasya nāsīdvaṁśakaraḥ sutaḥ || 1 ||
cintayānasya tasyēyaṁ buddhirāsīnmahātmanaḥ |
sutārthī vājimēdhēna kimarthaṁ na yajāmyaham || 2 ||
sa niścitāṁ matiṁ kr̥tvā yaṣṭavyamiti buddhimān |
mantribhiḥ saha dharmātmā sarvairēva kr̥tātmabhiḥ || 3 ||
tatō:’bravīdidaṁ tējāḥ sumantraṁ mantrisattamam |
śīghramānaya mē sarvāngurūṁstānsapurōhitān || 4 ||
tataḥ sumantrastvaritaṁ gatvā tvaritavikramaḥ |
samānayatsa tānsarvāngurūṁstānvēdapāragān || 5 ||
suyajñaṁ vāmadēvaṁ ca jābālimatha kāśyapam |
purōhitaṁ vasiṣṭhaṁ ca yē cānyē dvijasattamāḥ || 6 ||
tānpūjayitvā dharmātmā rājā daśarathastadā |
idaṁ dharmārthasahitaṁ ślakṣṇaṁ vacanamabravīt || 7 ||
mama lālapyamānasya putrārthaṁ nāsti vai sukham |
tadarthaṁ hayamēdhēna yakṣyāmīti matirmama || 8 ||
tadahaṁ yaṣṭumicchami śāstradr̥ṣṭēna karmaṇā |
kathaṁ prāpsyāmyahaṁ kāmaṁ buddhiratra vicāryatām || 9 ||
tataḥ sādhviti tadvākyaṁ brāhmaṇāḥ pratyapūjayan |
vasiṣṭhapramukhāḥ sarvē pārthivasya mukhēritam || 10 ||
ūcuśca paramaprītāḥ sarvē daśarathaṁ vacaḥ |
sambhārāḥ sambhriyantāṁ tē turagaśca vimucyatām || 11 ||
sarayvāścōttarē tīrē yajñabhūmirvidhīyatām |
sarvathā prāpsyasē putrānabhiprētāṁśca pārthiva || 12 ||
yasya tē dharmikī buddhiriyaṁ putrārthamāgatā |
tataḥ prītō:’bhavadrājā śrutvaitaddvijabhāṣitam || 13 ||
amātyāṁścābravīdrājā harṣaparyākulēkṣaṇaḥ |
sambhārāḥ sambhriyantāṁ mē gurūṇāṁ vacanādiha || 14 ||
samarthādhiṣṭhitaścāśvaḥ sōpādhyāyō vimucyatām |
sarayvāścōttarē tīrē yajñabhūmirvidhīyatām || 15 ||
śāntayaścābhivardhantāṁ yathākalpaṁ yathāvidhi |
śakyaḥ kartumayaṁ yajñaḥ sarvēṇāpi mahīkṣitā || 16 ||
nāparādhō bhavētkaṣṭō yadyasmin kratusattamē |
chidraṁ hi mr̥gayantē:’tra vidvāṁsō brahmarākṣasāḥ || 17 ||
vidhihīnasya yajñasya sadyaḥ kartā vinaśyati | [vihatasya]
tadyathā vidhipūrvaṁ mē kraturēṣa samāpyatē || 18 ||
tathā vidhānaṁ kriyatāṁ samarthāḥ karaṇēṣviha |
tathēti cābruvansarvē mantriṇaḥ pratyapūjayan || 19 ||
pārthivēndrasya tadvākyaṁ yathājñaptaṁ niśamya tē |
tathā dvijāstē dharmajñā varthayantō nr̥pōttamam || 20 ||
anujñātāstataḥ sarvē punarjagmuryathāgatam |
visarjayitvā tānviprānsacivānidamabravīt || 21 ||
r̥tvigbhirupasandiṣṭō yathāvatkraturāpyatām |
ityuktvā nr̥paśārdūlaḥ sacivānsamupasthitān || 22 ||
visarjayitvā svaṁ vēśma pravivēśa mahādyutiḥ |
tataḥ sa gatvā tāḥ patnīrnarēndrō hr̥dayapriyāḥ || 23 ||
uvāca dīkṣāṁ viśata yakṣyē:’haṁ sutakāraṇāt |
tāsāṁ tēnātikāntēna vacanēna suvarcasām |
mukhapadmānyaśōbhanta padmānīva himātyayē || 24 ||
ityārṣē śrīmadrāmāyaṇē vālmīkīyē ādikāvyē bālakāṇḍē aṣṭamaḥ sargaḥ || 8 ||
bālakāṇḍa navamaḥ sargaḥ (9) >>
See more śrī rāma stōtrāṇi for chanting.
See more vālmīki rāmāyaṇam for chanting.
See more vālmīki rāmāyaṇē bālakāṇḍa for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
