Read in తెలుగు / ಕನ್ನಡ / தமிழ் / देवनागरी / English (IAST)
|| anukramaṇikā ||
prāptarājyasya rāmasya vālmīkirbhagavānr̥ṣiḥ |
cakāra caritaṁ kr̥tsnaṁ vicitrapadamātmavān || 1 ||
caturviṁśatsahasrāṇi ślōkānāmuktavānr̥ṣiḥ |
tathā sargaśatānpañca ṣaṭkāṇḍāni tathōttaram || 2 ||
kr̥tvāpi tanmahāprājñaḥ sabhaviṣyaṁ sahōttaram |
cintayāmāsa kō nvētatprayuñjīyāditi prabhuḥ || 3 ||
tasya cintayamānasya maharṣērbhāvitātmanaḥ |
agr̥hṇītāṁ tataḥ pādau munivēṣau kuśīlavau || 4 ||
kuśīlavau tu dharmajñau rājaputrau yaśasvinau |
bhrātarau svarasampannau dadarśāśramavāsinau || 5 ||
sa tu mēdhāvinau dr̥ṣṭvā vēdēṣu pariniṣṭhitau |
vēdōpabr̥ṁhaṇārthāya tāvagrāhayata prabhuḥ || 6 ||
kāvyaṁ rāmāyaṇaṁ kr̥tsnaṁ sītāyāścaritaṁ mahat |
paulastyavadhamityēva cakāra caritavrataḥ || 7 ||
pāṭhyē gēyē ca madhuraṁ pramāṇaistribhiranvitam |
jātibhiḥ saptabhirbaddhaṁ tantrīlayasamanvitam || 8 ||
[* pāṭhabhēdaḥ –
rasaiḥ śr̥ṅgāra karuṇa hāsya raudra bhayānakaiḥ |
virādibhī rasairyuktaṁ kāvyamētadagāyatām ||
*]
hāsyaśr̥ṅgārakāruṇyaraudravīrabhayānakaiḥ |
bībhatsādbhutasamyuktaṁ kāvyamētadagāyatām || 9 ||
tau tu gāndharvatattvajñau mūrchanāsthānakōvidau |
bhrātarau svarasampannau gandharvāviva rūpiṇau || 10 ||
rūpalakṣaṇasampannau madhurasvarabhāṣiṇau |
bimbādivōddhr̥tau bimbau rāmadēhāttathāparau || 11 ||
tau rājaputrau kārtsnyēna dharmākhyānamanuttamam |
vācō vidhēyaṁ tatsarvaṁ kr̥tvā kāvyamaninditau || 12 ||
r̥ṣīṇāṁ ca dvijātīnāṁ sādhūnāṁ ca samāgamē |
yathōpadēśaṁ tattvajñau jagatustau samāhitau || 13 ||
mahātmānau mahābhāgau sarvalakṣṇalakṣitau |
tau kadācitsamētānāmr̥ṣīṇāṁ bhāvitātmanām || 14 ||
āsīnānāṁ samīpasthāvidaṁ kāvyamagāyatām |
tacchrutvā munayaḥ sarvē bāṣpaparyākulēkṣaṇāḥ || 15 ||
sādhu sādhviti cāpyūcuḥ paraṁ vismayamāgatāḥ |
tē prītamanasaḥ sarvē munayō dharmavatsalāḥ || 16 ||
praśaśaṁsuḥ praśastavyau gāyantau tau kuśīlavau |
ahō gītasya mādhuryaṁ ślōkānāṁ ca viśēṣataḥ || 17 ||
ciranirvr̥ttamapyētat pratyakṣamiva darśitam |
praviśya tāvubhau suṣṭu tathā bhāvamagāyatām || 18 ||
sahitau madhuraṁ raktaṁ sampannaṁ svarasampadā |
ēvaṁ praśasyamānau taustapaḥ ślāghyairmahātmabhiḥ || 19 ||
saṁraktataramatyarthaṁ madhuraṁ tāvagāyatām |
prītaḥ kaścinmunistābhyāṁ sasmitaḥ kalaśaṁ dadau || 20 || [saṁsthitaḥ]
prasannō valkalaṁ kaściddadau tābhyāṁ mahātapāḥ | [mahāyaśāḥ]
anyaḥ kr̥ṣṇājinaṁ prādānmauñjīmanyō mahāmuniḥ || 21 ||
kaścitkamaṇḍaluṁ prādādyajñasūtramathāparaḥ |
brusīmanyastadā prādatkaupīnamaparō muniḥ || 22 ||
tābhyāṁ dadau tadā hr̥ṣṭaḥ kuṭhāramaparō muniḥ |
kāṣāyamaparō vastraṁ cīramanyō dadau muniḥ || 23 ||
jaṭābandhanamanyastu kāṣṭharajjuṁ mudānvitaḥ |
yajñabhāṇḍamr̥ṣiḥ kaścit kāṣṭhabhāraṁ tathāparaḥ || 24 ||
audumbarīṁ brusīmanyō japamālāmathāparaḥ |
āyuṣyamaparē prāhurmudā tatra maharṣayaḥ || 25 ||
daduścaiva varānsarvē munayaḥ satyavādinaḥ |
āścaryamidamākhyānaṁ muninā samprakīrtitam || 26 ||
paraṁ kavīnāmādhāraṁ samāptaṁ ca yathākramam |
abhigītamidaṁ gītaṁ sarvagītēṣu kōvidau || 27 ||
āyuṣyaṁ puṣṭijanakaṁ sarvaśrutimanōharam |
praśasyamānau sarvatra kadācittatra gāyanau || 28 ||
rathyāsu rājamārgēṣu dadarśa bharatāgrajaḥ |
svavēśma cānīya tatō bhrātarau ca kuśīlavau || 29 ||
pūjayāmāsa pujārhau rāmaḥ śatrunibarhaṇaḥ |
āsīnaḥ kāñcanē divyē sa ca siṁhāsanē prabhuḥ || 30 ||
upōpaviṣṭaḥ sacivairbhrātr̥bhiśca parantapa |
dr̥ṣṭvā tu rūpasampannau tāvubhau niyatastadā || 31 ||
uvāca lakṣmaṇaṁ rāmaḥ śatrughnaṁ bharataṁ tathā |
śrūyatāmidamākhyānamanayōrdēvavarcasōḥ || 32 ||
vicitrārthapadaṁ samyaggāyanau samacōdayat |
tau cāpi madhuraṁ vyaktaṁ svañcitāyataniḥsvanam || 33 ||
tantrīlayavadatyarthaṁ viśrutārthamagāyatām |
hlādayatsarvagātrāṇi manāṁsi hr̥dayāni ca |
śrōtrāśrayasukhaṁ gēyaṁ tadbabhau janasaṁsadi || 34 ||
imau munī pārthivalakṣaṇānvitau
kuśīlavau caiva mahātapasvinau |
mamāpi tadbhūtikaraṁ pracakṣatē
mahānubhāvaṁ caritaṁ nibōdhata || 35 ||
tatastu tau rāmavacaḥ pracōditā-
-vagāyatāṁ mārgavidhānasampadā |
sa cāpi rāmaḥ pariṣadgataḥ śanai-
-rbubhūṣayā saktamanā babhūva ha || 36 ||
ityārṣē śrīmadrāmāyaṇē vālmīkīyē ādikāvyē bālakāṇḍē caturthaḥ sargaḥ || 4 ||
bālakāṇḍa pañcamaḥ sargaḥ (5) >>
See more śrī rāma stōtrāṇi for chanting.
See more vālmīki rāmāyaṇam for chanting.
See more vālmīki rāmāyaṇē bālakāṇḍa for chanting.
స్తోత్రనిధి (తెలుగు) వాట్సాప్ ఛానల్ : మా వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
