Read in తెలుగు / ಕನ್ನಡ / தமிழ் / देवनागरी / English (IAST)
|| హనూమత్ప్రశంసనమ్ ||
శ్రుత్వా హనుమతో వాక్యం యథావదభిభాషితమ్ |
రామః ప్రీతిసమాయుక్తో వాక్యముత్తరమబ్రవీత్ || ౧ ||
కృతం హనుమతా కార్యం సుమహద్భువి దుర్లభమ్ |
మనసాఽపి యదన్యేన న శక్యం ధరణీతలే || ౨ ||
న హి తం పరిపశ్యామి యస్తరేత మహోదధిమ్ | [మహార్ణవమ్]
అన్యత్ర గరుడాద్వాయోరన్యత్ర చ హనూమతః || ౩ ||
దేవదానవయక్షాణాం గంధర్వోరగరక్షసామ్ |
అప్రధృష్యాం పురీం లంకాం రావణేన సురక్షితామ్ || ౪ ||
యో వీర్యబలసంపన్నో ద్విషద్భిరనివారితః |
ప్రవిష్టః సత్త్వమాశ్రిత్య శ్వసన్ కో నామ నిష్క్రమేత్ || ౫ ||
కో విశేత్సుదురాధర్షాం రాక్షసైశ్చ సురక్షితామ్ |
యో వీర్యబలసంపన్నో న సమః స్యాద్ధనూమతః || ౬ ||
భృత్యకార్యం హనుమతా సుగ్రీవస్య కృతం మహత్ |
ఏవం విధాయ స్వబలం సదృశం విక్రమస్య చ || ౭ ||
యో హి భృత్యో నియుక్తః సన్ భర్త్రా కర్మణి దుష్కరే |
కుర్యాత్తదనురాగేణ తమాహుః పురుషోత్తమమ్ || ౮ ||
నియుక్తో యః పరం కార్యం న కుర్యాన్నృపతేః ప్రియమ్ |
భృత్యో యుక్తః సమర్థశ్చ తమాహుర్మధ్యమం నరమ్ || ౯ ||
నియుక్తో నృపతేః కార్యం న కుర్యాద్యః సమాహితః |
భృత్యో యుక్తః సమర్థశ్చ తమాహుః పురుషాధమమ్ || ౧౦ ||
తన్నియోగే నియుక్తేన కృతం కృత్యం హనూమతా |
న చాత్మా లఘుతాం నీతః సుగ్రీవశ్చాపి తోషితః || ౧౧ ||
అహం చ రఘువంశశ్చ లక్ష్మణశ్చ మహాబలః |
వైదేహ్యా దర్శనేనాద్య ధర్మతః పరిరక్షితాః || ౧౨ ||
ఇదం తు మమ దీనస్య మనో భూయః ప్రకర్షతి |
యదిహాస్య ప్రియాఖ్యాతుర్న కుర్మి సదృశం ప్రియమ్ || ౧౩ ||
ఏష సర్వస్వభూతస్తు పరిష్వంగో హనూమతః |
మయా కాలమిమం ప్రాప్య దత్తశ్చాస్తు మహాత్మనః || ౧౪ ||
ఇత్యుక్త్వా ప్రీతిహృష్టాంగో రామస్తం పరిషస్వజే |
హనూమంతం మహాత్మానం కృతకార్యముపాగతమ్ || ౧౫ ||
ధ్యాత్వా పునరువాచేదం వచనం రఘుసత్తమః | [నందనః]
హరీణామీశ్వరస్యైవ సుగ్రీవస్యోపశృణ్వతః || ౧౬ ||
సర్వథా సుకృతం తావత్సీతాయాః పరిమార్గణమ్ |
సాగరం తు సమాసాద్య పునర్నష్టం మనో మమ || ౧౭ ||
కథం నామ సముద్రస్య దుష్పారస్య మహాంభసః |
హరయో దక్షిణం పారం గమిష్యంతి సమాహితాః || ౧౮ ||
యద్యప్యేష తు వృత్తాంతో వైదేహ్యా గదితో మమ |
సముద్రపారగమనే హరీణాం కిమివోత్తరమ్ || ౧౯ ||
ఇత్యుక్త్వా శోకసంభ్రాంతో రామః శత్రునిబర్హణః |
హనుమంతం మహాబాహుస్తతో ధ్యానముపాగమత్ || ౨౦ ||
ఇత్యార్షే శ్రీమద్రామాయణే వాల్మీకీయే ఆదికావ్యే యుద్ధకాండే ప్రథమః సర్గః || ౧ ||
యుద్ధకాండ ద్వితీయః సర్గః (౨) >>
సంపూర్ణ శ్రీవాల్మీకి రామాయణ యుద్ధకాండ చూడండి.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
