Read in తెలుగు / ಕನ್ನಡ / தமிழ் / English (IAST)
nārāyaṇīyaṁ saptāśītitamadaśakam (87) – kucēlōpākhyānam |
kucēlanāmā bhavataḥ satīrthyatāṁ
gataḥ sa sāndīpanimandirē dvijaḥ |
tvadēkarāgēṇa dhanādiniḥspr̥hō
dināni ninyē praśamī gr̥hāśramī || 87-1 ||
samānaśīlā:’pi tadīyavallabhā
tathaiva nō cittajayaṁ samēyuṣī |
kadācidūcē bata vr̥ttilabdhayē
ramāpatiḥ kiṁ na sakhā niṣēvyatē || 87-2 ||
itīritō:’yaṁ priyayā kṣudhārtayā
jugupsamānō:’pi dhanē madāvahē |
tadā tvadālōkanakautukādyayau
vahanpaṭāntē pr̥thukānupāyanam || 87-3 ||
gatō:’yamāścaryamayīṁ bhavatpūrīṁ
gr̥hēṣu śaibyābhavanaṁ samēyivān |
praviśya vaikuṇṭhamivāpa nirvr̥tiṁ
tavātisaṁbhāvanayā tu kiṁ punaḥ || 87-4 ||
prapūjitaṁ taṁ priyayā ca vījitaṁ
karē gr̥hītvā:’kathayaḥ purākr̥tam |
yadindhanārthaṁ gurudāracōditai-
rapartuvarṣaṁ tadamarṣi kānanē || 87-5 ||
trapājuṣō:’smātpr̥thukaṁ balādatha
pragr̥hya muṣṭau sakr̥dāśitē tvayā |
kr̥taṁ kr̥taṁ nanviyatēti saṁbhramā-
dramā kilōpētya karaṁ rurōdha tē || 87-6 ||
bhaktēṣu bhaktēna sa mānitastvayā
purīṁ vasannēkaniśāṁ mahāsukham |
batāparēdyurdraviṇaṁ vinā yayau
vicitrarūpastava khalvanugrahaḥ || 87-7 ||
yadi hyayāciṣyamadāsyadacyutō
vadāmi bhāryāṁ kimiti vrajannasau |
tvaduktilīlāsmitamagnadhīḥ punaḥ
kramādapaśyanmaṇidīpramālayam || 87-8 ||
kiṁ mārgavibhraṁśa iti bhramankṣaṇaṁ
gr̥haṁ praviṣṭaḥ sa dadarśa vallabhām |
sakhīparītāṁ maṇihēmabhūṣitāṁ
bubōdha ca tvatkaruṇāṁ mahādbhutām || 87-9 ||
sa ratnaśālāsu vasannapi svayaṁ
samunnamadbhaktibharō:’mr̥taṁ yayau |
tvamēvamāpūritabhaktavāñchitō
marutpurādhīśa harasva mē gadān || 87-10 ||
iti ṣaḍaśītitamadaśakaṁ samāptaṁ
See complete nārāyaṇīyam for chanting.
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
